Génesis 25:18 - Chayahuita (Shahui)

¹⁸ Ismairo quëran pipipisopitasoꞌ, Apira parti, Shor parti, inapita partiroꞌsari ahuancanapirin. Inaquë, noꞌpaꞌ macatona yaꞌhuëpi. Iquipito notënanquë yaꞌhuëpi. Ina partitaquëchin Iquipito quëran, Asiriaquë ira paꞌninsoꞌ naꞌhuërin. Iinpitari, co nohuantopirinahuëꞌ, inaquë noꞌpaꞌ macatonaꞌ, yaꞌhuëpi huachi.

Génesis 25:18 ပူးပေါင်းရင်းမြစ်များ

Génesis 10:7

Coso huiꞌninpitantaꞌ: Sipa, Apira, Sapota, Naama, Sapitica, inapita. Naama huiꞌninpitantaꞌ: Sipa, Titan, inapita.

Génesis 13:10

Natanahuaton Notosoꞌ, motopiaꞌhua quëran, Cortaniiꞌ yonsan noyarotomarinso nocorin. Sohuaro ninanoaꞌhuaquë huarëꞌ notërinsoꞌ icanin. Inaquësoꞌ, notohuaroꞌ iꞌ yaꞌhuërin niꞌton, paꞌpi noyaroꞌpaꞌ ninin. Sinioro shaꞌtërinquë pochin niꞌton, Iquipito noꞌpaꞌ pochin ninin. (Ina pochin iráca ina noꞌpaꞌ nipirinhuëꞌ, coꞌhuara Siniorori Sotoma, Comora, inapita ninanoroꞌsa ataꞌhuanchátërasohuëꞌ, naporin.)

Génesis 14:10

Yaꞌipi Sitin motopianaquë, notohuaroꞌ toꞌni pochin nininsoꞌ posoroꞌsa yaꞌhuërin. Naporoꞌ quira nipachinara, Sotoma, Comora, inapita copirnoroꞌsaꞌ, piyapinënapitarë chachin taꞌapi. Taꞌapirinahuëꞌ, ina posoroꞌsaquë anotopi. Aꞌnapita cara copirnoroꞌsaso nipirinhuëꞌ, motopiroꞌsa taꞌatopi.

Génesis 16:12

Mashotohuachin, tanan cahuario paꞌpi notëraya pochin nisarin. Yaꞌipiya inimicotarin. Inantaꞌ, yaꞌipiya quëran, inimicotaponaꞌ. Quëmopinënpitari co quëꞌyapirinahuëꞌ, inahua notënanquë chachin yaꞌhuapon,” itërin.

Génesis 16:7

Taꞌapirinhuëꞌ, Sinioro anquëninëni inotëro parti quënanin. Shor iraquë iꞌsha pipirinsoꞌ yaꞌcariꞌ, quënanin.

Génesis 2:11

Yaꞌnatiirinsosoꞌ, Pisoniiꞌ itopi. Inasoꞌ, Apira parti conimarin. Inaquë oro yaꞌhuërin.

Génesis 20:1

Apraansoꞌ, piyapinënpitarë chachin yaꞌhuëapi quëran pipipi. Pipirahuatonaꞌ, Niquipi parti paantapi. Quiraro ninanoquë canconahuatonaꞌ, inaquë yaꞌhuëcaiso marëꞌ quëparitopi. Ina ninanosoꞌ, Catisë ninano quëran Shor parti ira paꞌninsoꞌ huáncana quëparitërin.

Génesis 21:14

Tahuëririnquë tashiramiachin Apraansoꞌ, Acara quëtacaso marëꞌ cosharo manin. Aꞌnara shaꞌhuëtë morsaquë iꞌsha taꞌpanahuaton, quëtërin. Huiꞌnionta Ismairo itërinsoꞌ, aꞌpaantërin quëpacaso marëꞌ. Inahuaso paꞌpachinara, Piirsipa inotëro parti chihuëatonaꞌ, topinan paꞌsápi.

2 Reyes 23:29

Cosiasë huaꞌanëntaso chachin Iquipito copirno Nicao itopisoꞌ huëꞌnin. Sontaronënpitarë chachin huëꞌsahuatonaꞌ, Iopiratisiiꞌpaꞌ chinotona paꞌsapi. Asiria copirno catahuacaso marëꞌ paꞌsapirinhuëꞌ, Cosiasëri sontaronënpitarë chachin Miquitoquë nacapirin. Nacapipirinhuëꞌ, Nicaori ipora quënanaso chachin tëparin.

Éxodo 15:22

Nani cantahuachinara, Moisësëri, israiroꞌsa camairin inotëro parti pacacaiso marëꞌ. Ina inotërosoꞌ, Shor inotëro itopi. Cara tahuëri iratopirinahuëꞌ, co manta iꞌsha quënanpihuëꞌ.

1 Samuel 15:7

Naporoꞌ Saonosoꞌ, sontaronënpitarë chachin amaricoroꞌsa ahuërin. Nitaꞌatahuaton, Apira parti quëran imarinsoꞌ, Shor parti itopiquë huarëꞌ aꞌporin. Inasoꞌ noꞌpaꞌ, Iquipito noꞌparë nichinpitërin. Inaquë huarëꞌ ahuërahuaton canarin.