Génesis 25:11 - Chayahuita (Shahui)

¹¹ Apraan chiminpachina, Yosëri Isaco, catahuamiatërin. Inaso Nipicarë chachin: “Nanpiton niꞌsárincosoꞌ poso,” itopisoꞌ pirayan, yaꞌhuërapi.

Génesis 25:11 ပူးပေါင်းရင်းမြစ်များ

Génesis 12:2

Aꞌna tahuëri ca nohuanto, shiparinpita panca nacion ocoiaponaꞌ. Carinquën catahuamiataranquën. Inapotaranquën niꞌton, sacóshin nahuinaran. Naporahuaton, quëmá quëran aꞌnapitanta catahuararahuë.

Génesis 12:3

Inpitasona noya nicatënën catahuahuachinën, carinta inapita inapotarahuë. Inpitasona co huachi noya yaꞌhuëcamaso marëhuëꞌ shaꞌhuitohuachinën, carinta inapita napotarahuë. Quëmá quëran, yaꞌipi piyapiꞌsa nisha nisha nipisopita catahuararahuë,” itërin.

Génesis 16:14

Napoaton inaquë poso yaꞌhuërinsontaꞌ, “Nanpiton, niꞌsárincosoꞌ posonën,” itopi. Ina pososoꞌ, Catisë ninanoꞌ, Piriti ninanoꞌ, inapita ninanoroꞌsari ahuancanapirin.

Génesis 17:19

Yosëriso nipirinhuëꞌ, itapon: —Saꞌanquë chachin huiꞌnahuanaran taꞌto, napotaranquën. Huiꞌnan nasitohuachin, Isaco itaran. Quëmarëꞌco anoyatërahuësoꞌ, inanta shaꞌhuitarahuë. Shaꞌhuitërahuëso chachin, shinpitanta catahuamiatarahuë.

Génesis 22:17

Noya nicatënquën catahuamiataranquën. Ca nohuanto shiparinpita, tayoraroꞌsa nápo naꞌaponaꞌ. Marë yonsanquë inotëraꞌhuaya nápo, naꞌamiataponaꞌ. Naporahuaton, inapitaso inimiconëna minsëraꞌpiaponaꞌ.

Génesis 24:35

Siniorori huaꞌanëhuë catahuamiatërin niꞌton, paꞌpi notohuaroꞌ maꞌsha yaꞌhuëtërin: Ohuacaroꞌsaꞌ, ohuicaroꞌsaꞌ, inapita notohuaroꞌ pëꞌtahuarin. Naporahuaton oro, prata inapita yaꞌhuëtërin. Piyapinënpitanta quëmapiꞌsaꞌ, sanapiꞌsaꞌ, inapita yaꞌhuëtërin. Camiyoroꞌsaꞌ, moraroꞌsaꞌ, inapitanta naꞌa pëꞌtahuarin.

Génesis 24:62

Naporoꞌ Isacosoꞌ, Niquipi parti yaꞌhuëarin. “Nanpiton niꞌsárincosoꞌ poso,” itopiquë Yosë yonquiapon paꞌnin quëran, huënantárin. Nani yatashirapasoꞌ, aꞌnanaya niꞌpirinhuëꞌ, niꞌtoroꞌsa camiyonënapitarë chachin canquirapi niꞌnin.

Génesis 26:12

Ina piꞌiquë Isaco inaquë iminapatërin. Shaꞌtohuachina, Yosëri catahuarin niꞌton, paꞌpi notohuaroꞌ nitërinsoꞌ manin.

Génesis 26:3

Ipora marësoꞌ, iso noꞌpaquë yaꞌhuëtacoꞌ. Carinquën caꞌtanatënquën catahuararanquën. Yaꞌipi iso noꞌpaꞌ, carinquën quëtaranquën. Shiparinpitantaꞌ, ina chachin quëtarahuë. Tataparin Apraan nani shaꞌhuitërahuë niꞌton, quëtaranquëmaꞌ.

Génesis 50:24

Aꞌna tahuëri Cosisoꞌ, iinpita itapon: “Co huaꞌquiya quëranhuëꞌ, chiminapo huachi. Napoaponahuëꞌ, Yosëso catahuainquëmaso marëꞌ oꞌmararin. Iso noꞌpa quëran ocoiarinquëmaꞌ. Apraan, Isaco, Cacopo, inapita quëtacaso marëꞌ shaꞌhuitërinso noꞌpaquë, quëpantarinquëmaꞌ,” itërin.