Génesis 24:67 - Chayahuita (Shahui)

⁶⁷ Ina quëran Isacosoꞌ, aꞌshinco nëꞌmëtë pëinënquë Nipica quëparin. Co huaꞌquiya quëranhuëꞌ macaton, noya cancantërin. Paꞌpi nosoromiatërin. Aꞌshin marëꞌ sëtápirinhuëꞌ, inapoaton noya cancantërin huachi.

Génesis 24:67 ပူးပေါင်းရင်းမြစ်များ

Génesis 18:6

Napotohuachinara, Apraanso nëꞌmëtë pëinënquë yaꞌconahuaton, Sara itapon: —Manorahuaton, cato shonca quiro pochin, noya noya tricoroꞌmo nininsoꞌ maquëꞌ. Ina masahuaton, pan niquëꞌ, itërin.

Génesis 24:66

Canconpachinara, piyapinëni yaꞌipi naporinso Isaco shaꞌhuitërin.

Génesis 25:1

Apraansoꞌ, aꞌna saꞌin yaꞌhuëtaantarin. Inasoꞌ, Sitora itopi.

Génesis 25:20

Catapini shonca piꞌipitasoꞌ, saꞌarin. Pitoiro huiꞌnin Nipica itopisoꞌ, manin. Inaso yoꞌin, Napano itopi. Inapitasoꞌ aranoꞌsa itopi. Patan-aran parti yaꞌhuëpi.

Génesis 29:18

Cacoposoꞌ Naquira costaton, apin itapon: —Huiꞌnan huaꞌhua nininsoꞌ, Naquira itëramaso nohuantërahuë. Ina marëꞌ canchisë piꞌipi quëma marëꞌ sacatarahuë, itërin.

Génesis 37:35

Yaꞌipi huiꞌninpitari achinicancanpirinahuëꞌ, inaso co nohuanchátërarinhuëꞌ, sëtërinso inquicasoꞌ. Aquë aquëtë huiꞌnin marëꞌ naꞌnëton, naporin: “Chimipiroꞌsa yaꞌhuërinquë huiꞌnahuë quënancontaꞌ huarëꞌ sëtërahuësoꞌ copi tapo,” tënin.

Génesis 38:12

Cara piꞌiquëran pochin Cota saꞌin yaꞌhuërëꞌ chimiantarin. Inasoꞌ shaꞌhuitëranquëmaso chachin, Soa huiꞌnin. Chiminpachina, Cotaso sëtaton naꞌnërárin. Sëtërinsoꞌ inquihuachina, Tinato ninanoaꞌhuaquë paꞌnin. Ohuicanënpita yaꞌinapiroꞌsa inaquë yaꞌhuëapi niꞌton, paꞌnin nicapon. Amiconën Iro itopisorëꞌ paꞌnin. Irosoꞌ, Atoran piyapi.

1 Tesalonicenses 4:13

Chiminpisopita maꞌsona onpocaisoꞌ aꞌchinchinquëmaꞌ, nitotocoꞌ. Quisoso imarëhuasopita chiminpatëhuaꞌ, nanpiantarihuaꞌ. Co imapisopitasohuëꞌ nipirinhuëꞌ, quëmopinënpita chiminpachinara, sëtopi. “Co onporontaꞌ quënantarihuahuëꞌ,” taꞌtonaꞌ sëtápi. Ama inapita pochin sëtacaso marëhuëꞌ canpitasoꞌ aꞌchinchinquëmaꞌ.

1 Tesalonicenses 4:15

Oꞌmantahuachin, co nanpirëhuasopitaráchin pantarihuahuëꞌ. Chiminpisopitaꞌton nanpiantarapi. Sinioro Quisoso shaꞌhuitërinpoaso chachin shaꞌhuichinquëmaꞌ.