Génesis 24:6 - Chayahuita (Shahui)

⁶ Napotohuachina, Apraani itapon: —¡Ama napoquësohuëꞌ! ¡Co inaquë quëpamantacaso yaꞌhuërinhuëꞌ!

Génesis 24:6 ပူးပေါင်းရင်းမြစ်များ

Génesis 24:5

Napotohuachina, piyapinëniso itapon: —Napopiranhuëꞌ, sanapi yonirahuëso co yaimaquintahuachincohuëꞌ: ¿Onpochita? ¿Huaꞌhuatëranso parti huiꞌnan quëpamantaꞌi ti? itërin.

Génesis 24:8

Sanapi isëquë huëcacaso co nohuantohuachinhuëꞌ, naporo huarëꞌ Yoscoarëꞌ tënanso co naꞌintarinquënhuëꞌ. Nipirinhuëꞌ ama onporonta inatohua huiꞌnahuë quëpaquësohuëꞌ, itërin.

Gálatas 5:1

Quisocristo nichaꞌërinpoaꞌ inasáchin yonquiatëhuaꞌ noya cancantacaso marëꞌ. Ina imapatëhuaꞌ, catahuarinpoaꞌ noya nicacasoꞌ. Napoaton ama naquëranchin iráca pënëntërinsoꞌ imahuasohuëꞌ. Quisocristoráchin yonquiaꞌahuaꞌ.

Hebreos 10:39

Insosona aꞌpohuachinaꞌ, parisitopiquë paꞌsapi. Canpoaso nipirinhuëꞌ, co aꞌpoarihuahuëꞌ. Natërëhuaꞌ niꞌton, nichaꞌësarinpoa huachi.

Hebreos 11:9

Aquë paaton, Canaan parti canconin. Inaquë yaꞌhuaponahuëꞌ, nëꞌmëtëꞌ pëiquëráchin yaꞌhuërin. Paꞌsápaton, co yaꞌhuëmiatërinhuëꞌ. Isaco, Cacopo, inapitantaꞌ nëꞌmëtëꞌ pëiroꞌsaquë yaꞌhuëpi. Yosëri nani shaꞌhuitërin. “Iso noꞌpa chachin quëchinquëmaꞌ,” itopirinhuëꞌ, co huaꞌanënchátërapihuëꞌ. “Co Yosë nonpintarinpoahuëꞌ. Aꞌna tahuëri ina nohuanton, huaꞌanëntarihuaꞌ,” taꞌtonaꞌ, Yosë natëpi.