Génesis 24:59 - Chayahuita (Shahui)

⁵⁹ Napohuachina, Nipica pacacaso nohuantopi huachi. Ina asoꞌsorinso sanapintaꞌ, aꞌpantopi. Naporahuaton aꞌnapitanta piyapinënpita, sanapiꞌsa nininsoꞌ aꞌpantopi. Apraan piyapinën, caꞌtaninsopita, inapitanta noya aꞌpapi huachi.

Génesis 24:59 ပူးပေါင်းရင်းမြစ်များ

Génesis 24:50

Napotohuachina, Napano, Pitoiro, inapitari itopi: —Yaꞌipi naporansopita Sinioro nohuanton naporin tënai. Napoaton, soꞌyachin nipachin.

Génesis 24:53

Ina quëran notohuaroꞌ maꞌsha quëninsopita oꞌquirin. Oro quëran, prata quëran, ina quëranpita nipisoꞌ, Nipica nicanarin. Aꞌmocasontaꞌ, paꞌton nininsopita quëtërin. Aꞌshin, yoꞌin, inapitanta notohuaroꞌ maꞌsha paꞌton nininsopita quëtërin.

Génesis 24:54

Naporo huarëꞌ Apraan piyapinën, caꞌtaninsopitarë chachin, coshatopi, oꞌopi, napopi. Naporahuatona naporo tashi inaquë chinotopi huachi. Tahuëririnquë capayatahuaton, Apraan piyapinënso Nipica paꞌpin, yoꞌin inapita itapon: —Ipora tahuëri huaꞌanëhuë yaꞌhuërinquë yapaantarahuë taꞌa, tënin.

Génesis 24:58

Nipica përasahuatonaꞌ, natanpi: —¿Ipora tahuëri chachin nohuantëran iso quëmapi imacaso to? itopi. —Nohuantërahuë mini, tënin.

Génesis 24:60

Nani yapaꞌpachina, yoꞌini nóya yonquirapiton iso pochin shaꞌhuitërin: “Oshira, Yosë catahuainquën. Paꞌpi nohuantërai, noya huaꞌhuanaton, notohuaroꞌ amiparinpita yaꞌhuëtiinquënsoꞌ. Naporahuaton amiparinpitantaꞌ, Yosëri catahuain inimiconënapita minsëraꞌpiainaꞌ,” itërin.

Génesis 35:8

Nipica piyapinën Tipora itopisonta chiminpachina, inaquë chachin paꞌpitopi. Insina nara pirayan paꞌpitopi. Pitiri ninano yaꞌcariya, inapotopi. Cacopori inanta aninihuanin: “Naꞌnëiꞌ insina,” itërin.

Números 11:12

Iráca shimashonënpita shaꞌhuitëran noꞌpaꞌ quëtacasoꞌ. Inaquë quëpaꞌhuaso marëꞌ acopirancohuëꞌ, co huachi nanitërahuëꞌ. Inapita quëpacasosoꞌ, huaꞌhuaroꞌsa ipotë quëparëso pochin niconin. Co caso paꞌpinacohuëꞌ. Co caso aꞌshinacohuëꞌ. ¡Napoaton co quëpaꞌhuaso yaꞌhuërinhuëꞌ!

1 Tesalonicenses 2:5

Co noyasha nonatoi, yanonpintërainquëmahuëꞌ. Co canacaꞌhuaiso marëꞌ napotërainquëmahuëꞌ. Yosë niꞌsárincoi, noꞌtëquën nontërainquëmaꞌ.