Génesis 24:48 - Chayahuita (Shahui)

⁴⁸ Ina quëran isonahuato, Sinioro chinotërahuë: “¡Ma noyanquëncha quëmasoꞌ Sinioro paya! Quëmaso Yosënquën, huaꞌanëhuë Apraan natërinquën. Noya quënanco niꞌton, noꞌtëquën canquirahuë. Huaꞌanëhuë huiꞌnin acoantacaso marëꞌ quëmopinën huiꞌnin chachin quëpatarahuë,” itërahuë, Sinioro chinotato.

Génesis 24:48 ပူးပေါင်းရင်းမြစ်များ

Génesis 22:23

Ina Pitoiro mini, Nipica paꞌpin. Nacorosoꞌ, Apraan iyaꞌhuain. Yaꞌipiya quëran Miricasoꞌ, posa huaꞌhuinpita yaꞌhuëtërin. Ina nápo Nacorosoꞌ, saꞌinquë chachin huiꞌnahuanin.

Génesis 24:52

Napopiso natanahuaton, Apraan piyapinënso isonin. Isonahuaton, noꞌpaquë huarëꞌ monshomarin: “Yosparinquën Sinioro,” itërin.

Salmos 107:7

Ina nohuanton noya ira quënanpi. Ninanoquë pipitona noya yaꞌhuëpi huachi.

Salmos 32:8

Sinioronënpoa naporin: “Carinquën catahuaranquën noꞌtëquën yonquicasoꞌ. Anitotaranquën maꞌsona nicacasoꞌ. Noyasha pënënatënquën, noya ira aꞌnorëso pochin nitaranquën.