Génesis 24:32 - Chayahuita (Shahui)

³² Napotohuachina, pëiquë pantapi huachi. Inaquë Napanori pëꞌpëtoroꞌsa chinohuararahuaton, camiyoroꞌsa aꞌcarin. Apraan piyapinën, caꞌtaninsopitarë chachin nipaꞌmorantëcaiso marëntaꞌ, iꞌsha quëshirin.

Génesis 24:32 ပူးပေါင်းရင်းမြစ်များ

Génesis 18:4

Canpita topatamaꞌ, nipaꞌmorantëcamaso marëꞌ piyapinëhuë iꞌsha quëshiinquëmaꞌ. Inapoatomaꞌ, nara tashinantërinquë, naꞌyapoma pochin, chinototacoꞌ.

Génesis 19:2

Monshorin quëran itapon: —Caso siniororoꞌsa piyapinëma pochinco. Huëco pëinëhuëquë onpopionta huëꞌëcamaso nohuantocoꞌ. Inaquë nanitërama nipaꞌmorantëcamasoꞌ. Tashiraya yapaꞌpatama paantacoꞌ, itërin. Napotopirinhuëꞌ, inapitaso co nohuantopihuëꞌ. —Naporinchi paya. Napopiranhuëꞌ co nohuantëraihuëꞌ. Caniquë tëranta noya huëꞌëpoi, itopi.

Génesis 24:33

Cosharo acotohuachinara, Apraan piyapinënsoꞌ tapon: —Coꞌhuara coshachátërapohuëꞌ, maꞌmarësona huëꞌnahuësoꞌton, shaꞌhuitaꞌhuanquëmaso yaꞌhuërin, tënin. —Inaꞌton nipachin shaꞌhuitocoi, itërin Napanori.

Génesis 29:13

Cantonahuaton shaꞌhuitërin: “Aꞌshacha Nipica huaꞌhuin, Cacopo itopisoꞌ canquirin,” itërin. Ina natanahuaton, Napanoso taꞌarëꞌnachin nicapon paꞌnin. Quënanconahuaton apinorin. Apinorahuaton: “Iꞌhuata api,” itërin. Nontahuaton pëinënquë quëparin. Inaquë Cacopori yaꞌipi naporinso apin shaꞌhuitërin.

Génesis 43:24

Ina quëran, yaꞌipi chachin Cosi pëinënquë poꞌmorin. Inaquë iꞌsha nipaꞌmorantëcaiso marëꞌ quëtërin. Moranënapitantaꞌ, aꞌcarin.

Lucas 7:44

Ina tosahuaton, sanapi tahuërëtahuaton, Simon itërin: —Iso sanapi niꞌquëꞌ. Quëma pëinënquë yaꞌconpirahuëꞌ, co inachintërëhuasoꞌ ninanhuëꞌ. Co iꞌsha tërantaꞌ quëtërancohuëꞌ nipaꞌmorantëcaso marëꞌ. Iso sanapiso nipirinhuëꞌ naꞌnëinën quëran paꞌmorantërinco. Ainën quëran amirantërinco.

1 Timoteo 5:10

Noya nininsoráchin acoꞌinaꞌ. Iso pochin nipisopita: Huaꞌhuinpita noya asoꞌsorinsoꞌ. Niꞌtoroꞌsaꞌ huëꞌpachinara, oꞌshitërinsoꞌ. Co mantaꞌ apirarinsohuëꞌ. Piyapinën pochin cancantaton, imapisopita catahuarinsoꞌ. Parisitopisopita nosororinsoꞌ. Noyasáchin nininsoꞌ. Ina pochin nipisopita acoꞌinaꞌ.