Génesis 24:26 - Chayahuita (Shahui)

^26-27 Ina natanaton, Apraan piyapinënso isonin. Isonin quëran Yosë chinotaton itapon: “¡Ma noyacha Sinioroso paya! Inaso Yosë, huaꞌanëhuë Apraan natërinsoꞌ. Tëhuënchachin huaꞌanëhuë nosoroaton, noya catahuaantarin. ¡Quëmopinënpita pëinënquë huarëꞌ noꞌtëquën quëninco!” tënin.

Génesis 24:26 ပူးပေါင်းရင်းမြစ်များ

Génesis 22:5

Naporoꞌ piyapinënpita itapon: —Isëquë ninatacoi. Moranta isëquë patarahuë. Quiyasoꞌ amasha aquëcha paꞌsahuatoi, Yosë chinotarai. Nani chinotohuatoi oꞌmantarai, itërin.

Génesis 24:48

Ina quëran isonahuato, Sinioro chinotërahuë: “¡Ma noyanquëncha quëmasoꞌ Sinioro paya! Quëmaso Yosënquën, huaꞌanëhuë Apraan natërinquën. Noya quënanco niꞌton, noꞌtëquën canquirahuë. Huaꞌanëhuë huiꞌnin acoantacaso marëꞌ quëmopinën huiꞌnin chachin quëpatarahuë,” itërahuë, Sinioro chinotato.

Génesis 24:52

Napopiso natanahuaton, Apraan piyapinënso isonin. Isonahuaton, noꞌpaquë huarëꞌ monshomarin: “Yosparinquën Sinioro,” itërin.

Nehemías 8:6

Ina nontacaso marëꞌ Istrasësoꞌ, anquirahuaton Yosë chinotërin: “¡Ma noyanquëncha quëmasoꞌ Sinioro ninan paya! ¡Yaꞌipi nanitapaton chini chiníquën nanantëran!” tënin. Napohuachina, yaꞌipi niyontonpisopitanta anquirahuatonaꞌ: “¡Naporin mini!” topi. Napoatona isonpi quëran noꞌpaquë huarëꞌ monshomapi.

Salmos 66:4

Yaꞌipi piyapiꞌsa chinotaponën. Quëma cantanën cantatona paꞌyataponën,” itahuaꞌ.

Salmos 72:9

Inimiconënpita inotëro parti yaꞌhuëpi. Inapitasoꞌ: “Co huachi nanitëraihuëꞌ chinitaꞌhuaisoꞌ. Huaꞌanëntatoncoi camaiincoi nipachin,” taꞌtona inarë anoyachinaꞌ.

Salmos 95:6

Huëco Yosëíchin yonquiaꞌahuaꞌ. Isonatëhua ina chinotahuaꞌ. Ina nininpoa niꞌton, paꞌyatahuaꞌ.

Éxodo 34:8

Ina natanaton, Moisësëso isonin quëran noꞌpaquë huarëꞌ monshorin. Monshorahuaton, Sinioro chinotërin. Napotahuaton itapon: —¡Ai Sinioro! Tëhuënchachin nosorohuatancosoꞌ, caꞌtancoi. Tëhuënchachin piyapinënpita co natantochináchinhuëꞌ cancantopi. Napoaponahuëꞌ, yaꞌipi co noyahuëꞌ nicatoi oshahuanaisoꞌ, inquitatoncoi nanan anoyatocoi. Nanan anoyatatoncoi piyapinënpita pochin niꞌcoi huachi, itërin.

Éxodo 4:31

Ansianoꞌsasoꞌ, yaꞌipi natëpi. Parisitapirinahuë Yosëri yacatahuarinso natanahuatonaꞌ, noꞌpaquë huarëꞌ monshorahuatonaꞌ, Yosë chinotopi huachi.

Miqueas 6:6

Canpitaso naporamaꞌ: “Siniorosoꞌ, Yosë. Inápaquë yaꞌhuërinsopitanta huaꞌanëntërin. Ina noya nicainpoaso marëꞌ ¿maꞌta aꞌnotatëhua chinotërëꞌpëhuaya? Toroaꞌhuaroꞌsa aꞌna piꞌipihuaninso oshanënpoa marëꞌ yaꞌipi ahuiquitohuatëhuaꞌ, ¿noya niꞌnëpënpoaꞌ?

Filipenses 2:10

Napoaton Quisocristo yonquiatonaꞌ, yaꞌipi piyapiꞌsari isonahuatonaꞌ chinochinaꞌ. Inápaquë yaꞌhuërinsopita, isoroꞌpaquë yaꞌhuërinsopita, noꞌpaanaquë yaꞌhuëpisopita, inapitarintaꞌ chinochinaꞌ.

Jueces 7:15

Ninapotopisoꞌ natanahuaton, Quitionoso Yosë chinotërin. Ina quëran israiroꞌsa chinotapiquë panantarahuaton, camaitërin: —¡Pashi toco paꞌahuaꞌ! Sinioro catahuararinpoa niꞌton, matianoꞌsa minsëarihuaꞌ, itontarin.

1 Samuel 1:28

Napoaton carintaꞌ, ina piyanën nicacaso marëꞌ acorahuë, itërin. Ina natanaton, Iriso isonin. Isonin quëran noꞌpaquë huarëꞌ monshorahuaton Sinioro chinotërin.