Génesis 24:15 - Chayahuita (Shahui)

¹⁵ Orarinsoꞌ co tiquiyátërasohuëꞌ, aꞌnara nanon yonsha pitënahuaton, huëꞌsarin niꞌnin. Inaso nanon, Pitoiro huiꞌnin. Nipica itopi. (Pitoirosoꞌ, shaꞌhuirahuëso chachin Nacoro huiꞌnin. Miricaquë huiꞌnahuaninsoꞌ. Nacoronta Apraan iyaꞌhuain.)

Génesis 24:15 ပူးပေါင်းရင်းမြစ်များ

Génesis 11:27

Shaꞌhuitëranquëmaso chachin Tari huiꞌninpitasoꞌ, isopita: Apran, Nacoro, Aran, inapita. Aran huiꞌninsoꞌ, Noto itopi. Aransoꞌ, Orë ninanoquë chiminin. Ina ninanosoꞌ, Cartia parti yaꞌhuërin. Coꞌhuara paꞌpin chiminyátërasohuëꞌ, chiminin. Huaꞌhuatërinso ninanoquë chachin naporin.

Génesis 11:29

Apransoꞌ, Sarai manin. Nacorontaꞌ, Mirica manin. Miricasoꞌ, Aran huiꞌnin. Inasoꞌ, aꞌnara caipayain yaꞌhuëtërin, Isca itopisoꞌ.

Génesis 21:14

Tahuëririnquë tashiramiachin Apraansoꞌ, Acara quëtacaso marëꞌ cosharo manin. Aꞌnara shaꞌhuëtë morsaquë iꞌsha taꞌpanahuaton, quëtërin. Huiꞌnionta Ismairo itërinsoꞌ, aꞌpaantërin quëpacaso marëꞌ. Inahuaso paꞌpachinara, Piirsipa inotëro parti chihuëatonaꞌ, topinan paꞌsápi.

Génesis 24:14

Insoso nanon: ‘Yonshanën chinohuaraquëꞌ, canta piꞌpiyan iꞌsha oꞌopainquën,’ itohuato: ‘Oꞌoquë api, camiyonënpitanta machi oꞌoinaꞌ,’ ichinco. Ina quëran piyapinën Isaco marëꞌ sanapi huayonansoꞌ, nohuitarahuë. Ina pochin nitohuachinco: Tëhuënchachin huaꞌanëhuë Yosëri nosoroaton catahuarin, tosarahuë,” itërin.

Génesis 24:45

Orarahuësoꞌ, co tiquiyátërasocohuëꞌ, Nipica oꞌmarin niꞌnahuë. Iꞌsha macacaso marëꞌ yonshanën pitënahuaton, posoquë oꞌmarin. Paaparahuato: “Canta api iꞌsha quëtoco topirahuë,” itërahuë.

Génesis 25:20

Catapini shonca piꞌipitasoꞌ, saꞌarin. Pitoiro huiꞌnin Nipica itopisoꞌ, manin. Inaso yoꞌin, Napano itopi. Inapitasoꞌ aranoꞌsa itopi. Patan-aran parti yaꞌhuëpi.

Génesis 29:5

—¿Nohuitërama canpita Nacoro huiꞌnin, Napano itopisoꞌ to? taantarin Cacopo. —Nohuitërai mini, itaantapi.

Génesis 29:9

Inapita nontasoꞌ, Naquirasoꞌ paꞌpin ohuicanënpitarë chachin canquirin. Inari paꞌpin ohuicanënpita aꞌpaitërin. Ina niꞌsahuaton, Cacoposoꞌ aꞌnaroáchin posoquë paꞌnin. Paꞌsahuaton, naꞌpitë masho chiꞌhuincatërin. Chiꞌhuincatahuaton, apin ohuicanënpita oꞌshitërin.

Salmos 34:15

Aꞌnapita maꞌshanëna noya nicatonaꞌ, co sëꞌhuahuachinahuëꞌ, Siniorori noya aꞌpaiarin. Maꞌsha onpoatona nontohuachinara, noya natanaton catahuararin.

Éxodo 2:16

Chinotasoꞌ, canchisë nanoꞌsa canquipi. Iꞌsha macatona ohuicanënapita oꞌshitacaiso marëꞌ canquipi. Inapitasoꞌ Nihuiro huiꞌnipita. (Nihuirosoꞌ, Quitoro itopi antaꞌ.) Inasoꞌ, Matianquë corto huaꞌan yaꞌconin.

Proverbios 31:27

Maꞌpitaso pëinënquë nipisoꞌ, aꞌpairarin. Sacainën quëran quënana huarëꞌ coshatërin.

Isaías 58:9

Naporoꞌ tëhuënchinsoꞌ nontohuatamaco, aꞌpaniaranquëmaꞌ. Catahuahuanquëmaso marëꞌ chiníquën nontohuatamaco, carimantaꞌ, aꞌpanitënquëma catahuaaranquëmaꞌ. Coꞌso huachi aꞌnapita aparisitohuatanhuëꞌ, co huachi noꞌhuihuatanhuëꞌ, co huachi nonpinapihuatanhuëꞌ,

Isaías 65:24

Coꞌhuara përashátëraponacohuëꞌ, aꞌpaniarahuë. Nontërinacosonta co tiquiátërasoihuëꞌ, natanahuato aꞌpaniarahuë.

Rota naporinso' 2:17

Ina pochin Rotasoꞌ, Pooso iminënquë sipata otapisoꞌ manin. Tashiaquë huarëꞌ manin. Naporo tahuëri yontoninso toꞌnorarahuaton, pëꞌtënpachina, cato shonca quiro naꞌcon icanin.

Rota naporinso' 2:2

Aꞌna tahuëri Rotari Noimi itapon: —Iminoꞌsaquë paꞌi topirahuë. Tapona inso sipata yaquinaꞌpi tërantaꞌ, patërinsopita macaꞌhuasoꞌ nohuantërin, itërin. —Paquë nipachin huaꞌhua, itërin aꞌshatëni.

1 Samuel 9:11

Ina ninanoquë pacacaiso marësoꞌ, panca panën paꞌtopi. Ina paꞌtasoi nanoꞌsa iꞌsha macacaiso marëꞌ oꞌmarapi nacapipi. Nacapirahuatonaꞌ: —¿Ninoton quënanaꞌpi yaꞌhuëárin ipora ninanoquë to? itopi.