Génesis 24:14 - Chayahuita (Shahui)

¹⁴ Insoso nanon: ‘Yonshanën chinohuaraquëꞌ, canta piꞌpiyan iꞌsha oꞌopainquën,’ itohuato: ‘Oꞌoquë api, camiyonënpitanta machi oꞌoinaꞌ,’ ichinco. Ina quëran piyapinën Isaco marëꞌ sanapi huayonansoꞌ, nohuitarahuë. Ina pochin nitohuachinco: Tëhuënchachin huaꞌanëhuë Yosëri nosoroaton catahuarin, tosarahuë,” itërin.

Génesis 24:14 ပူးပေါင်းရင်းမြစ်များ

Génesis 15:8

—¿Onporahuatota huaꞌanëntomiataꞌhuaso nitotapo? tënin Apran.

Génesis 24:13

Nanoꞌsa iꞌsha macapona huëcasoiꞌ, iso poso pirayan ninatapo.

Génesis 24:15

Orarinsoꞌ co tiquiyátërasohuëꞌ, aꞌnara nanon yonsha pitënahuaton, huëꞌsarin niꞌnin. Inaso nanon, Pitoiro huiꞌnin. Nipica itopi. (Pitoirosoꞌ, shaꞌhuirahuëso chachin Nacoro huiꞌnin. Miricaquë huiꞌnahuaninsoꞌ. Nacoronta Apraan iyaꞌhuain.)

Génesis 24:18

—Oꞌoquë api, itërin Nipicari. Napotahuaton, yonshanën chinohuararin. Inapoaton oꞌshitacaso marëꞌ sëꞌquëtërin.

Génesis 24:19

Nani oꞌopachina, Nipicari itapon: —Iꞌsha maantarahuato, camiyonënpitanta oꞌopiquë taꞌpanchi nohuantopisoꞌ oꞌoinaꞌ, itërin.

Génesis 24:43

iso poso pirayan nontaranquënsoꞌ natanco. Apira shaꞌhuitohuatënquën inachachin niin tënahuë. Inso nanonsona, iꞌsha macapon oꞌmarinsoꞌ, cari natanpato: ‘Canta piꞌpiyan yonshanën quëran iꞌsha oꞌopainquën,’ ichi. Napotohuato: ‘Oꞌoquë api. Camiyonënpitanta machi oꞌoinaꞌ,’ ichinco. Ina quëran huaꞌanëhuë huiꞌnin marëꞌ sanapi huayonansoꞌ, nohuitarahuë,” itërahuë.

2 Samuel 5:24

Ina nararoꞌsa huiꞌnimotënquë piyapiꞌsa iratërinso pochin natanaramaꞌ. Ina natanpatamaꞌ, ahuëtocoꞌ. Cá chachin quëchitato huiristinoꞌsa tiquiarahuë. Ina nitotamaso marëꞌ ina pochin natanaramaꞌ, itërin.

Isaías 7:11

“Napotëranquënso chachin mini nisarin. Ina nitotacaso marëꞌ Yosë nontëquë maꞌsona aꞌnochinquën. Aco acoporoquë yaꞌhuërin quëranhuë nipon, ina inápaquë yaꞌhuërin quëranhuë nipon aꞌnochinquën,” tënin Sinioro, itërin Isaiasëri.

Romanos 1:10

Yosë nontarahuë. “Noya catahuaquëꞌ,” itërahuë. Iráca quëran huarëꞌ nicapënquëmaꞌ yapaꞌpirahuëꞌ, co nanitërahuëꞌ. Ipora huantaꞌ pacaꞌhuasoꞌ yonquiarahuë. “Quëma nohuantohuatan, Sinioro, catahuaco onpopiontaꞌ paꞌi,” tënahuë, Yosë nontato.

Jueces 6:17

—Tëhuënchachin nosorohuatancosoꞌ, Yosënquën ninansoꞌ anitotoco. Ofrendanëhuë apira quësarahuë. Ina aꞌnotaꞌhuanquënso marëꞌ ninaco topirahuë, itërin Quitionori. —Inta nipachin, isëranchin ninaranquën, itërin Siniorori.

1 Samuel 20:7

Napotohuatan: “Noyapaꞌ,” topachin, co manta tëꞌhuataꞌhuaso yaꞌhuërinhuëꞌ. Napoaponahuëꞌ noꞌhuitohuachinsoꞌ, tëhuënchachin tëpaincoso nitotaran.