Génesis 24:11 - Chayahuita (Shahui)

¹¹ Paꞌsápatonaꞌ, canconpi huachi. Ninano aipiran, yatashirahuaso canconpi. Naporo oraquë nanoꞌsa iꞌsha macapona posoquë huëꞌsapi. Apraan piyapinënsoꞌ camiyoroꞌsa aꞌna poso pirayan achinotarin.

Génesis 24:11 ပူးပေါင်းရင်းမြစ်များ

Génesis 24:42

Napoaton huëꞌsápatoi, ipora tahuëri posoquë canquirai. Inaquë Yosë nontato napotërahuë: “Sinioro quëmaso Yosënquën. Huaꞌanëhuë Apraan chinotërinquën. Niꞌquë Sinioro. Tëhuënchachin quëma catahuararanco noya huëꞌnahuë nipachinsoꞌ,

Génesis 29:2

Ninano yaꞌcariꞌ, aꞌna poso quënanconin. Ina pirayan cara huënton ohuicaroꞌsa iꞌsha oꞌshitacaiso marëꞌ achinotapi. Ina pososoꞌ, pancatë naꞌpiquë aꞌtantopi.

Éxodo 2:15

Naporinso chachin huaraontaꞌ, Moisësëri Iquipito quëmapi tëparinsoꞌ nitotërin. Napoaton yonitona tëpacaiso marëꞌ piyapinënpita camairin. Moisësëso nipirinhuëꞌ, Matian parti taꞌarin. Inaquë canconahuaton, chinotacaso marëꞌ aꞌna poso pirayan huënsëconin.

Éxodo 2:16

Chinotasoꞌ, canchisë nanoꞌsa canquipi. Iꞌsha macatona ohuicanënapita oꞌshitacaiso marëꞌ canquipi. Inapitasoꞌ Nihuiro huiꞌnipita. (Nihuirosoꞌ, Quitoro itopi antaꞌ.) Inasoꞌ, Matianquë corto huaꞌan yaꞌconin.

Juan 4:7

Caꞌtanoꞌsanënpitacoisoꞌ, ninanoquë paꞌnai cosharoꞌ paꞌanaꞌhuaiso marëꞌ. Paꞌnaisoꞌ, Samaria sanapi iꞌsha macapon huëꞌnin. Nani mapachina, Quisosori itapon: —Imoya, iꞌsha mananso cantaꞌ oꞌoi topirahuë, itërin.

1 Samuel 9:11

Ina ninanoquë pacacaiso marësoꞌ, panca panën paꞌtopi. Ina paꞌtasoi nanoꞌsa iꞌsha macacaiso marëꞌ oꞌmarapi nacapipi. Nacapirahuatonaꞌ: —¿Ninoton quënanaꞌpi yaꞌhuëárin ipora ninanoquë to? itopi.