Génesis 24:10 - Chayahuita (Shahui)

¹⁰ Itahuaton, tapatarin huachi. Huaꞌanën maꞌshanënpita, paꞌton paꞌton nininsopita, huayonahuaton, nicanatacaso marëꞌ tapararin. Shonca camiyoquë apëꞌpëtahuatonaꞌ, Nacoro ninano itopiquë, paꞌpi huachi. Inaso ninanoꞌ, Misopotamia parti yaꞌhuërin.

Génesis 24:10 ပူးပေါင်းရင်းမြစ်များ

Génesis 11:26

Tari canchisë shonca piꞌipitasoꞌ, huiꞌnin paninantërinso nasitërin. Ina quëran cato huiꞌninpita yaꞌhuëtaantarin. Huiꞌninpitasoꞌ: Apran, Nacoro, Aran, inapita.

Génesis 11:29

Apransoꞌ, Sarai manin. Nacorontaꞌ, Mirica manin. Miricasoꞌ, Aran huiꞌnin. Inasoꞌ, aꞌnara caipayain yaꞌhuëtërin, Isca itopisoꞌ.

Génesis 11:31

Tarisoꞌ, Orë ninano quëran pipirin. Cartioroꞌsa yaꞌhuërin quëran pipirahuaton, Canaan parti chinoton, paꞌnin. Huiꞌnin Apran itopiso Sarairë chachin quëparin. Naporahuaton, shionta Noto itopiso quëparin. Paꞌsapirinahuëꞌ, Aran ninanoquë canconpachinara, inaquë quëparitonpi.

Génesis 11:32

Inaquë yaꞌhuëasoiꞌ, Tariso chiminin. Cato pasa aꞌnatërápo piꞌipitaso chiminin huachi.

Génesis 22:20

Huaꞌquimiachin yaꞌhuapona pochin, Apraanso natantërin. “Miricantaꞌ, Nacoro saꞌin nininsoꞌ, Sara pochachin huaꞌhuanin antaꞌ,” itopi.

Génesis 24:2

Aꞌna tahuëri, piyapinën masho masho nininsoꞌ, përarin. Inari yaꞌipi maꞌshanënpita aꞌpairin. Huëꞌpachina itapon: —Natëancoso nitotaꞌhuaso marëꞌ, tonaroana sëꞌhuatoco. Sëꞌhuatatonco: “Sinioroso Yosë niꞌton, inápaquë huaꞌanëntaton, isoroꞌpanta huaꞌanëntërin. Ina niꞌsárinco niꞌton, noꞌtëquën natëaranquën. Co isoporinquë Canaan sanapi nininsoꞌ, Isaco macacaso yaꞌhuërinhuëꞌ,” itoco.

Génesis 24:22

Camiyoroꞌsa nani oꞌopachinara, Apraan piyapinënsoꞌ, oro quëran poꞌmoitëra pochin nipisoꞌ manin. Saota cramo pochin quëꞌninsoꞌ. Ina masahuaton, Nipica nitëananënquë aꞌtëntërin. Naporahuaton cato aꞌsontanpa oro quëran nipisoꞌ, quëtërin. Aꞌnaya aꞌnaya pasa naꞌcon cramo quëꞌninsoꞌ, quëtërin.

Génesis 24:53

Ina quëran notohuaroꞌ maꞌsha quëninsopita oꞌquirin. Oro quëran, prata quëran, ina quëranpita nipisoꞌ, Nipica nicanarin. Aꞌmocasontaꞌ, paꞌton nininsopita quëtërin. Aꞌshin, yoꞌin, inapitanta notohuaroꞌ maꞌsha paꞌton nininsopita quëtërin.

Génesis 27:43

Napoaton noya natanco shaꞌhuichinquën. Aꞌnaroáchin Aran ninanoquë taꞌaquëꞌ. Api masho Napano pëinënquë paquëꞌ.

Génesis 29:1

Cacopo paꞌsápaton, piꞌi pipirinso parti yaꞌhuëpisopita yaꞌhuërinquë canconin.

Génesis 29:2

Ninano yaꞌcariꞌ, aꞌna poso quënanconin. Ina pirayan cara huënton ohuicaroꞌsa iꞌsha oꞌshitacaiso marëꞌ achinotapi. Ina pososoꞌ, pancatë naꞌpiquë aꞌtantopi.

Hechos 2:9

Nisha nisha parti yaꞌhuëpisopita nani huëꞌpi. Partiaroꞌsaꞌ, miriaroꞌsaꞌ, iranoꞌsaꞌ, Misapotamiaquë yaꞌhuëpisopita, Cotia parti yaꞌhuëpisopita, capatosiaroꞌsaꞌ, pontoroꞌsaꞌ, asiaroꞌsaꞌ, inapita natanapi.