Génesis 24:1 - Chayahuita (Shahui)

¹ Apraan nani noyá mashotërin huachi. Nani maꞌsha nininquë Siniorori catahuamiatërin.

Génesis 24:1 ပူးပေါင်းရင်းမြစ်များ

Génesis 12:2

Aꞌna tahuëri ca nohuanto, shiparinpita panca nacion ocoiaponaꞌ. Carinquën catahuamiataranquën. Inapotaranquën niꞌton, sacóshin nahuinaran. Naporahuaton, quëmá quëran aꞌnapitanta catahuararahuë.

Génesis 13:2

Apransoꞌ, notohuaroꞌ oro, prata, pëꞌtahuaroꞌsaꞌ, inapita yaꞌhuëtaton paꞌpi maꞌhuan.

Génesis 18:11

Apraan, Sara, inapitaso nani mashotopi. Saraso yaniton, co huachi onpo huaꞌhuanchináchinhuëꞌ, ninin.

Génesis 21:5

Apraan pasa piꞌipitasoꞌ, huiꞌnin Isaco itërinsoꞌ, nasitarin.

Génesis 24:35

Siniorori huaꞌanëhuë catahuamiatërin niꞌton, paꞌpi notohuaroꞌ maꞌsha yaꞌhuëtërin: Ohuacaroꞌsaꞌ, ohuicaroꞌsaꞌ, inapita notohuaroꞌ pëꞌtahuarin. Naporahuaton oro, prata inapita yaꞌhuëtërin. Piyapinënpitanta quëmapiꞌsaꞌ, sanapiꞌsaꞌ, inapita yaꞌhuëtërin. Camiyoroꞌsaꞌ, moraroꞌsaꞌ, inapitanta naꞌa pëꞌtahuarin.

Génesis 25:20

Catapini shonca piꞌipitasoꞌ, saꞌarin. Pitoiro huiꞌnin Nipica itopisoꞌ, manin. Inaso yoꞌin, Napano itopi. Inapitasoꞌ aranoꞌsa itopi. Patan-aran parti yaꞌhuëpi.

Génesis 26:12

Ina piꞌiquë Isaco inaquë iminapatërin. Shaꞌtohuachina, Yosëri catahuarin niꞌton, paꞌpi notohuaroꞌ nitërinsoꞌ manin.

Génesis 49:25

Yosënëhuë chachin, catahuapënquën. Inasoꞌ, yaꞌipi nanitapaton catahuapënquën. Ina nohuanton, oꞌnanpachina catahuainquën. Acoporonta iꞌ yaꞌhuërinsoꞌ, ina nohuanton pipiton catahuainquën. Pëꞌtahuanëmapita, sanapinëmapita, inapitanta huaihuachina catahuain.

1 Reyes 1:1

Tapi copirno mashotërin. Napohuachina tëꞌnarin niꞌton, noyá aꞌmotopi. Inapotopirinahuë tërantaꞌ, co nanitërinhuëꞌ huënocatacasoꞌ.

Mateo 6:33

Napoaton Yosë naꞌcon naꞌcon yonquicoꞌ. Aꞌnapitantaꞌ catahuacoꞌ huaꞌanëntërinquë yaꞌconacaiso marëꞌ. Yosë nontocoꞌ noyasáchin yonquicamaso marëꞌ. Ina pochin cancantohuatamaꞌ, catahuarinquëmaꞌ. Ina nohuanton, maꞌsha pahuantërinquëmasopita yaꞌhuëtarinquëmaꞌ.

Lucas 1:7

Saꞌinso nipirinhuëꞌ co huaꞌhuanaꞌpihuëꞌ. Co aꞌnaya tërantaꞌ huaꞌhuin yaꞌhuëtërinhuëꞌ. Nani paiya. Soꞌiontaꞌ nani mashoya.

Gálatas 3:9

Apraan Yosëri shaꞌhuitërinsoꞌ topinan natëcharinso marëꞌ Yosëri naꞌcon catahuarin. Inapochachin canpoantaꞌ Quisocristo nanamën topinan natëcharëhuaso marëꞌ catahuarinpoaꞌ.

Efesios 1:3

Ma noyacha Tata Yosëso paya. Sinioro Quisocristo paꞌpin inasoꞌ. Inápa quëran noya noya yonquirinpoaꞌ. Quisocristo imarëhuaꞌ niꞌton, naꞌcon catahuarinpoaꞌ noya noya cancantacaso marëꞌ. Oshanënpoaꞌ inquitatonpoaꞌ, anoyacancantërinpoaꞌ. Ina quëran nani tahuëri catahuarinpoaꞌ nohuantërinso chachin nicacasoꞌ. Co inápaquë yaꞌhuëyatërarihuarahuëꞌ, inatohuaꞌ yaꞌhuëarëhuaso pochin Yosë nohuitërëhuaꞌ. Ina yonquiatëhuaꞌ, “Yosparinquën Sinioro,” itahuaꞌ.

1 Timoteo 4:8

Nani tahuëriya sacatohuatëhuara, chinipirëhuahuëꞌ, noya noya Yosë imacasoꞌ yonquihuatëhuaꞌ, achinicancaninpoaꞌ. Achinicancanpachinpoaꞌ, noya noya nisarëhuaꞌ, tënahuë. Noya noya imapatëhuaꞌ, isoroꞌpaquë noya nanpiarëhuaꞌ. Aꞌna tahuërintaꞌ Yosëꞌpaꞌ nanpimiatarihuaꞌ.