Génesis 23:7 - Chayahuita (Shahui)

^7-8 Napotohuachinara, Apraanso huanirahuaton, itiroꞌsa nontaantacaso marëꞌ mónsho tënin: —Tëhuënchachin isoporinquë saꞌahuëcoꞌ poꞌmocaꞌhuaso nohuantohuatamaꞌ, catahuaco. Canpitari yaꞌhuërënamëhuë Sohuaro huiꞌnin Ipron itopisoꞌ, nontoco topirahuë.

Génesis 23:7 ပူးပေါင်းရင်းမြစ်များ

Génesis 10:15

Canaansoꞌ, paninan huiꞌnahuanpachina, Siton itërin. Ina quëran huiꞌnahuaantahuachina, Iti, itërin.

Génesis 18:2

Apraanso niꞌpirinhuëꞌ, cara quëmapi ina notënanquë huaniapi quënanin. Quënanahuaton, aꞌnaroáchin paaparin nontacaso marëꞌ. Isonin quëran noꞌpaquë huarëꞌ monshorahuaton, itapon: —Sinioro, piꞌpian yanontëranquën. Ama naꞌhuëtocosohuëꞌ.

Génesis 19:1

Nani yatashirahuasoꞌ, cato anquëniroꞌsaso Sotoma ninanoquë camapi. Ninano yaꞌcoanaquë chachin Noto huënsasoꞌ, camapi. (Inaquë yaꞌhuëhuanoꞌsa niyontonpi maꞌsha yonquiatona anoyatacaiso marëꞌ.) Cato yaꞌpi canquipiso quënanahuaton, paaparin nontapon. Isonin quëran noꞌpaquë huarëꞌ monshorin.

Génesis 23:12

Napotopirinhuëꞌ, Apraanso yaꞌhuëhuanoꞌsa inachintopiso nitotaton, anoyatarin. Naquëranchin yaꞌhuëhuanoꞌsa niꞌtonënquë mónsho taantarin.

Génesis 23:6

—Natanquë sinioro shaꞌhuichinquën. Yosë huayoninquën niꞌton, quëmasoꞌ chiníquën nanantëran. Nipoꞌmoraisoꞌ noꞌpaꞌ insosona noya noya niꞌnanquë, saꞌancoꞌ poꞌmoquëꞌ. Co incoi tëranta apiratarainquënhuëꞌ, itopi.

Génesis 48:12

Paꞌpin toꞌtopitënquë huiꞌninpita huënsëápirinahuëꞌ, Cosiri ahuanirin. Ahuanirahuaton, paꞌpin notënanquë isonin. Isonin quëran noꞌpaquë huarëꞌ monshorin. Noya nicaton napotërin.

Hebreos 12:14

Ama piꞌpian tërantaꞌ ninoꞌhuicosohuëꞌ. Naporahuaton, noya nicoꞌ. Co noya nipatamahuëꞌ, co mantaꞌ Yosë nohuitaramahuëꞌ.

1 Pedro 3:8

Yaꞌipinquëmaꞌ noya niniꞌtomaꞌ, yaꞌhuëcoꞌ. Aꞌnaquën sëtohuachinaꞌ, noya nontocoꞌ ama aquëtëꞌ sëchinasohuëꞌ. Noya cancantohuachinaꞌ, canpitantaꞌ noya cancantocoꞌ. Imaramaso capini ninosorocoꞌ. Ninosoroatomaꞌ iyaroꞌsaꞌ nicatahuacoꞌ. Ama ninocancosohuëꞌ. Canpitantaꞌ imoyaroꞌsaꞌ, noya ninontocoꞌ.