Génesis 23:6 - Chayahuita (Shahui)

⁶ —Natanquë sinioro shaꞌhuichinquën. Yosë huayoninquën niꞌton, quëmasoꞌ chiníquën nanantëran. Nipoꞌmoraisoꞌ noꞌpaꞌ insosona noya noya niꞌnanquë, saꞌancoꞌ poꞌmoquëꞌ. Co incoi tëranta apiratarainquënhuëꞌ, itopi.

Génesis 23:6 ပူးပေါင်းရင်းမြစ်များ

Génesis 13:2

Apransoꞌ, notohuaroꞌ oro, prata, pëꞌtahuaroꞌsaꞌ, inapita yaꞌhuëtaton paꞌpi maꞌhuan.

Génesis 14:14

Apranso apin quëpapiso natantahuaton, piyapinënpita natëtonoꞌsa nipiso huayonin. Inapitasoꞌ, pëinënquë chachin huaꞌhuatatona soꞌsopisoꞌ. Ayontonpachina, cara pasa shonca posa quëmapiꞌsa yaꞌipiya quëran icanpi. Inapitarëꞌ, Apran paꞌnin copirnoroꞌsa imacaso marëꞌ. Tano ninanoaꞌhuaquë huarëꞌ imarin.

Génesis 18:12

Ina yonquiaton, co huachi huina cacotatonhuëꞌ, tëhuarin huachi. Tëhuapon pochin, yonquirin: “Inaporahuë naporini, noya cancanchitohuëꞌ. Napoaponahuëꞌ, catocoi chachin nani mashotërai niꞌton, co quiyaso inapoasocoihuëꞌ ayapoi,” tënin yonquinënquë.

Génesis 20:7

Iporaso nipirinhuëꞌ, soꞌin chachin quëtaantaquëꞌ. Inaso pënëntonaꞌpi niꞌton, quëma marëꞌ nontarinco. Ama chiminamaso marëhuëꞌ, nontarinco. Coꞌsoꞌ quëtaantahuatanhuëꞌ, saꞌan, huiꞌnanpita, inapitarëꞌquën chachin, taꞌhuantaran,” itërin huëꞌënquë.

Génesis 21:22

Naporo tahuëriꞌsa pochin Apimirico paꞌnin Apraan nontapon. Huicororëꞌ paꞌnin. Inasoꞌ, Apimirico sontaronënpita camairinsoꞌ. Inaquë Apimiricori Apraan itapon: —Tëhuënchachin quëmasoꞌ nani maꞌsha nipatana, Yosë catahuarinquënso niꞌnai.

Génesis 23:5

Napotohuachina, Iti huaꞌanoꞌsari itaponaꞌ:

Génesis 23:7

Napotohuachinara, Apraanso huanirahuaton, itiroꞌsa nontaantacaso marëꞌ mónsho tënin: —Tëhuënchachin isoporinquë saꞌahuëcoꞌ poꞌmocaꞌhuaso nohuantohuatamaꞌ, catahuaco. Canpitari yaꞌhuërënamëhuë Sohuaro huiꞌnin Ipron itopisoꞌ, nontoco topirahuë.

Génesis 24:18

—Oꞌoquë api, itërin Nipicari. Napotahuaton, yonshanën chinohuararin. Inapoaton oꞌshitacaso marëꞌ sëꞌquëtërin.

Génesis 24:35

Siniorori huaꞌanëhuë catahuamiatërin niꞌton, paꞌpi notohuaroꞌ maꞌsha yaꞌhuëtërin: Ohuacaroꞌsaꞌ, ohuicaroꞌsaꞌ, inapita notohuaroꞌ pëꞌtahuarin. Naporahuaton oro, prata inapita yaꞌhuëtërin. Piyapinënpitanta quëmapiꞌsaꞌ, sanapiꞌsaꞌ, inapita yaꞌhuëtërin. Camiyoroꞌsaꞌ, moraroꞌsaꞌ, inapitanta naꞌa pëꞌtahuarin.

Génesis 31:35

Naquirari itapon: —Tata, co huanirahuëso marëhuëꞌ, ama noꞌhuicosohuëꞌ. Sanapicoi inachintëraiso tahuëri nanitërinco niꞌton, huënsëárahuë, itërin. Napanori mamanshinënpita yonisápirinhuëꞌ, co quënaninhuëꞌ.

Génesis 42:10

—¡Co sinioro inacoihuëꞌ! Quiyasoꞌ quëma piyapinënpita pochin ninai. Tricoíchin paꞌanapoi oꞌmarai. Ina tataquëranchin yaꞌipicoi ninai. Co onporo tëranta nëhuëtochinaihuëꞌ, itopi.

Génesis 44:8

¿Coꞌta Canan parti quëran huarëꞌ coriqui costaronëhuëiquë quënanpatoira, quëshiantaranquën pora? ¿Onporahuatoita iporasoꞌ, pratahuë nipon, orohuë nipon, huaꞌanën pëinën quëran ihuachitoihuëꞌ?

Éxodo 32:22

—Ama iya noꞌhuitëquësohuëꞌ. Israiroꞌsa co noyahuëꞌ cancantopisoꞌ, nani nitotëran.

Isaías 45:14

Naquëranchin Siniorosoꞌ israiroꞌsa nontaton itapon: “Iquipitoquë imin camayoroꞌsa yaꞌhuërinsoꞌ, Itiopiaquë nicatonoꞌsa yaꞌhuërinsoꞌ, Sapaquë yaꞌhuëpisopitanta naporopi mashoráchin nicaponaraihuëꞌ, tëꞌhuataponënquëmaꞌ. Tëꞌhuatatënëmaꞌ, canpitarë anoyataponaꞌ. Inapoatoma canpita piquëran pacacaiso marëꞌ, catinaquëtaramaꞌ. Isonahuatona nosorochináchin nontaponënquëmaꞌ: ‘Canpitasáchin Yosë catahuarinquëmaꞌ. Co aꞌna ina pochin yaꞌhuërinhuëꞌ,’ itarinënquëmaꞌ,” itërin.

Rota naporinso' 2:13

Napotohuachina, Rotariso itapon: —Quëmaso noyasha nontëranco. Ina pochin nontatonco achinicancananco. Caso co piyapinënpita sanapiꞌsa pochin tëranta nipirahuëꞌ, noyasha nontëranco, itërin.