Génesis 23:2 - Chayahuita (Shahui)

² Ina quëran Quiria-arpa ninanoquë chiminin. Ina ninanosoꞌ, Ipron itopi antaꞌ. Inaso Canaan parti yaꞌhuërin. Saꞌin chimininso marëꞌ Apraansoꞌ, sëtaton, naꞌnërárin, ayanárin, naporin.

Génesis 23:2 ပူးပေါင်းရင်းမြစ်များ

Génesis 13:18

Ina natanahuaton, Apranso piyapinënpitarë chachin nëꞌmëtë pëiroꞌsa ótënpiso mapi. Masahuatonaꞌ, insina nararoquë paꞌpi. Inaquë paꞌsahuatonaꞌ, yaꞌhuëconpi huachi. Ina nararosoꞌ, Mamiri itopisoari huaꞌanëntërin. Ipron ninano yaꞌcariya inasoꞌ. Inaquë Apran Sinioro chinotacaso marëꞌ aꞌna artaro niantarin.

Génesis 23:1

Sarasoꞌ, pasa cato shonca canchisë piꞌi icanin.

Génesis 23:19

Nani anoyatahuaton Apraansoꞌ, Maquipira naninquë saꞌincoꞌ poꞌmorin huachi. Noꞌpaꞌ paꞌaninquë napotërin. Ina noꞌpasoꞌ shaꞌhuirahuëso chachin, Mamiriri huaꞌanëntërinso noꞌpa quëran, piꞌi pipirinso parti quëparitërin. Ina roꞌtësoꞌ, Ipron itopi antaꞌ. Canaan parti yaꞌhuërin.

Génesis 24:67

Ina quëran Isacosoꞌ, aꞌshinco nëꞌmëtë pëinënquë Nipica quëparin. Co huaꞌquiya quëranhuëꞌ macaton, noya cancantërin. Paꞌpi nosoromiatërin. Aꞌshin marëꞌ sëtápirinhuëꞌ, inapoaton noya cancantërin huachi.

Génesis 27:41

Naporo quëran huarëꞌ Isaori Cacopo paꞌpi noꞌhuirin huachi. Inasá paꞌpini noya yaꞌhuëcaso marëꞌ shaꞌhuitërin niꞌton, naporin. Napoaton yonquirárin: “Payo tata chiminapon. Ina chiminpachin, Cacopo tëpaarahuë,” tënin.

Génesis 35:27

Aꞌna tahuëri Cacoposoꞌ paꞌpin yaꞌhuërinquë paꞌnin. Inasoꞌ, Mamiriquë yaꞌhuërin. Ina ninanosoꞌ Arapa itopi antaꞌ. Naporahuaton ina chachin Ipron itomantapi. Inaquë Apraan, Isaco, inapita yaꞌhuëpi.

Génesis 37:14

—Inta conpa. Paꞌsahuaton iyamashoroꞌsa niꞌcontaquëꞌ. Ohuicaroꞌsaꞌ, chiporoꞌsaꞌ, inapitanta onpoinsona nisapisoꞌ, nahuicontaquëꞌ. Ina quëran huëꞌsahuaton, onpoapisona shaꞌhuitiico canta nitochi, itërin. Cacoposo Ipron motopianaroꞌsa quëran, Cosi aꞌparin. Inaso paꞌsápaton Siquimoquë canconin.

Génesis 50:1

Paꞌpin chiminpachina Cosisoꞌ, ina nonën iporin quëran naꞌnërin, apinorin, napotërin.

Génesis 50:10

Paꞌsápatonaꞌ, Corin-a-atatiquë canconpi. Inaquë niyontonatona panca sëtopi. Inaquë Cosi paꞌpin marëꞌ canchisë tahuëri sëtërinsoꞌ, naniantarin. (Corin-a-atatisoꞌ, trico toꞌnorapiquë) Ina noꞌpa quëransoꞌ, Cortaniiꞌ piꞌi yaꞌconinso parti acorin.

2 Samuel 1:12

Saono, huiꞌninë chachin chiminpiso marëꞌ oshaapona pochin naꞌnërápi. Israiro sontaroꞌsanta canapisoꞌ yonquiatona napopi: “Israiro sontaroꞌsasoꞌ, Sinioro sontaronënpita nipirinahuëꞌ, canapi,” taꞌtonaꞌ, naꞌnëpi. Inapoatona iꞌhuaraya huarëꞌ coshatopi.

2 Samuel 1:17

Naporo tahuëri Tapisoꞌ, Saonocoꞌ, Conatancoꞌ, inapita yonquiaton oshaarárin. Naporahuaton Cota huënton israiroꞌsa nitotacaiso marëꞌ aꞌchintacaiso camaitërin. Ina chachin noya ninaꞌpi itopisonta quiricaquë ninshitërinso yaꞌhuëárin. Iso pochin acorin:

2 Samuel 5:3

Inapoatona yaꞌipi Israiro ansianoroꞌsari Tapi Ipronquë nontoonpi. Napotohuachinara inarintaꞌ, “Sinioronta niꞌsárinco niꞌton, noya camaitarahuë,” itahuaton inapitarëꞌ anoyatërin. Napohuachina, inapitaso yaꞌipi israiroꞌsa copirnonëna nicacaso marëꞌ acopi huachi.

2 Samuel 5:5

Ipronquëꞌton yaꞌconaton, Cota huënton israiroꞌsa huaꞌanëntërin. Canchisë piꞌipi miria inaquë huaꞌanëntërin. Ina quëran yaꞌipi israiroꞌsa huaꞌanëntohuachina, cara shonca cara piꞌipi huaꞌanëntërin. Quirosarin ninanoquë naporin.

Números 20:29

“Aaron chiminin huachi,” taꞌtonaꞌ, israiroꞌsasoꞌ naꞌcon sëtopi. Cara shonca tahuëri ina marëꞌ naꞌnërápi.

Juan 11:31

Maria manorahuachina, cotioroꞌsaꞌ huëꞌpisopitari niꞌsapi. “Naꞌpi naninquë naꞌnëapon paꞌsamara,” taꞌtonaꞌ imapi.

Juan 11:35

Quisosontaꞌ naꞌnërin.

Hechos 8:2

Nani Istipan tëpahuachinara, Yosë chinotopisopitari paꞌpitopi. Sëtatonaꞌ, naꞌnërápi.

Deuteronomio 34:8

Cara shonca tahuëri israiroꞌsaꞌ, Moisësë chimininso yonquiatonaꞌ, naꞌnërápi. Moapo inotëro parti napopi. Inachintopiso niꞌton, inanapo tahuëri naꞌnëtopi.

1 Samuel 20:31

Inaso nanpirápachin, co quëmaso nanpicaso tëranta yaꞌhuërinhuëꞌ. Aquëtë huarëꞌ yaꞌhuërëtaancososoꞌ, co nanitaranhuëꞌ. Napoaton aꞌpaquë piyapinënpita macoinaꞌ. Inasoꞌ, chiminacaso yaꞌhuërin, itërin.

1 Samuel 28:3

Samoiro chimininsoꞌ ayonquiantaꞌinquëmaꞌ: Ina chiminpachina yaꞌipi israiroꞌsari naꞌnëtopi. Ina quëran Namaquë paꞌpitopi. Huaꞌhuatërinso ninanoquë chachin napotopi. Saonosoꞌ iráca chachin ninotonaꞌpiroꞌsa Israiro noꞌpa quëran ocoirin. Chimipiroꞌsa huaꞌyanën nito përatona nontopisopitantaꞌ, napotërin.