Génesis 22:8 - Chayahuita (Shahui)

⁸ —Yosë nohuanton conpa yaꞌhuapon, itërin paꞌpini. Ina quëran, paantapi.

Génesis 22:8 ပူးပေါင်းရင်းမြစ်များ

Génesis 18:14

¡Caso Sinioroco niꞌto, yaꞌipi nohuantërahuësoꞌ nanitaparahuë nicaꞌhuasoꞌ! Aꞌna piꞌi quëran, nicaponquën huëantarahuë. Naporoꞌ Sara huaꞌhuanaton, huaꞌhuin ipoarin huachi, itërin.

Génesis 22:14

Ina quëran Apraani ina roꞌtë aninihuanin. “Pahuantërinpoasoꞌ Sinioro quëtërinpoaquë,” itërin. Napoaton, iporahuanta ina pochin nohuitapi. “Motopiquësoꞌ, pahuantërinpoasopita Sinioro quëtërinpoaꞌ,” topi nonatonaꞌ.

Génesis 22:7

Papon pochin Isacori, Apraan itapon: —¡Tata! itërin. —¿Maꞌta conpaaꞌhuaꞌ? itërin paꞌpini. —Niꞌquë tata, nani ihuë yaꞌhuërin. Pëꞌto raꞌpinta yaꞌhuërin. Carniroaꞌhua yaꞌipi ahuiquitacaso marësoꞌ: ¿Intoparanta manëꞌ? itërin Isacori.

Génesis 22:9

Yosëri shaꞌhuitërinquë canconpachinara, Apraanso aꞌnara artaro ninin. Tënirahuaton, ina aipi ihuë acorin. Ina quëran huiꞌnin tonporahuaton, ihuë aipi acorin.

2 Reyes 2:6

Ina piquëran Iniasëri Irisio itaantapon: —Sinioro Cortaniiꞌpaꞌ aꞌpaantarinco. Quëmasoꞌ isëranchin quëparitëquë topirahuëꞌ, itaantarin. —¡Yoscoarëꞌ co quëparitarahuëꞌ! itaantarin Irisiori. Napotohuachina, cato chachin inatohua paantapi.

Mateo 19:26

Yaꞌipiya notëërahuaton, itapon: —Co insontaꞌ inaora nanitërinhuëꞌ chaꞌëcasoꞌ. Yosëíchin nanitërin anoyacancantinquëmasoꞌ. Yaꞌipiya nanitaparin, itërin.

Juan 1:29

Tahuëririnquë inaquë Quisoso huëꞌsarin. Coanshari quënanahuaton, piyapiꞌsaꞌ itërin: “Pasoꞌ quëmapi niꞌcoꞌ. Yosëri aꞌpaimarinsoꞌ. Inasoꞌ carniroaꞌhua pochin nicaton, oshanënpoaꞌ inquitiinpoaso marëꞌ chiminapon.

Apocalipsis 13:8

Huaꞌhuayatërahuëꞌ piyapiꞌsari natëapi. Carniroaꞌhua imapisopitaíchin co ina chinotapihuëꞌ. Inasoꞌ aꞌna quirica yaꞌhuëtërin. Nanpirin quirica itopisoꞌ. Inaquë nininënpita nani ninshitërin. Isoroꞌpaꞌ ninin quëran huarëꞌ imapisopita ninoton, inaquë ninshitërin. “Canpoa marëꞌ Carniroaꞌhua chiminin,” taꞌtonaꞌ, ina imasapi. Aꞌnapitaso nipirinhuëꞌ co nanpirin quiricaquë nininënpita yaꞌhuërinhuëꞌ niꞌton, maꞌsha marë quëran pipirinsoꞌ chinotapi.

Apocalipsis 5:12

“¡Ma noyacha Carniroaꞌhuaso paya! Piyapiꞌsaꞌ oshanënaꞌ inquitacaso marëꞌ chiminin. Noya noya niꞌton, yaꞌipi piyapiꞌsari chinochinaꞌ. Chini chiníquën nanantaton, yaꞌipi nanitaparin. Nani maꞌsha yaꞌhuëtërin, yaꞌipi huaꞌanëntarin. Yaꞌipi nitotërin. Napoaton yaꞌipinpoaꞌ natëahuaꞌ. ‘Yosparinquën, Sinioro,’ itahuaꞌ,” tosapi.

Apocalipsis 5:6

Itohuachincora, Quisoso quënanahuë. Huancanachin Yosë huënsërinso yaꞌcariya huaniarin. Ansianoꞌsaꞌ, catapini maꞌsharoꞌsa pochin nininsopita, inapitari tancapitopi. Quisoso chachin niponahuëꞌ, carniroaꞌhua nani tëpapiso pochin yaꞌnorin. Canchisë pomohuan nisahuaton, canchisë yaꞌpirin yaꞌhuëtërin. Chiníquën nanantaton, canchisë ispiritoroꞌsaꞌ aꞌparin yaꞌipiroꞌpaquë nicainpoaso marëꞌ.

Apocalipsis 7:14

—Co casoꞌ nitotërahuëꞌ. Quëma nitotëransoꞌ. Shaꞌhuitoco cantaꞌ nitochi, itohuatëra, shaꞌhuitërinco: —Isopitasoꞌ chiníquën parisitaponaraihuëꞌ, co Yosë aꞌpopihuëꞌ. Carniroaꞌhuari huënainën quëran anoyacancantërin niꞌton, huiríchin aꞌmopi.