Génesis 22:23 - Chayahuita (Shahui)

²³ Ina Pitoiro mini, Nipica paꞌpin. Nacorosoꞌ, Apraan iyaꞌhuain. Yaꞌipiya quëran Miricasoꞌ, posa huaꞌhuinpita yaꞌhuëtërin. Ina nápo Nacorosoꞌ, saꞌinquë chachin huiꞌnahuanin.

Génesis 22:23 ပူးပေါင်းရင်းမြစ်များ

Génesis 11:29

Apransoꞌ, Sarai manin. Nacorontaꞌ, Mirica manin. Miricasoꞌ, Aran huiꞌnin. Inasoꞌ, aꞌnara caipayain yaꞌhuëtërin, Isca itopisoꞌ.

Génesis 22:22

Quimoino quëran nasitaantapi: Quisito, Aso, Piritasi, Itarapi, Pitoiro, inapita.

Génesis 22:24

Naporahuaton aꞌna saꞌinquënta huiꞌnahuanin. Ina saꞌinsoꞌ, Nioma itopi. Inaquë huiꞌnahuaninsopitasoꞌ: Tipa, Caamo, Taas, Maaca, inapita.

Génesis 24:15

Orarinsoꞌ co tiquiyátërasohuëꞌ, aꞌnara nanon yonsha pitënahuaton, huëꞌsarin niꞌnin. Inaso nanon, Pitoiro huiꞌnin. Nipica itopi. (Pitoirosoꞌ, shaꞌhuirahuëso chachin Nacoro huiꞌnin. Miricaquë huiꞌnahuaninsoꞌ. Nacoronta Apraan iyaꞌhuain.)

Génesis 24:47

Ina quëran cari natanahuë: “¿Maꞌninta quëmasoꞌ tata?” itërahuë. “Caso tatahuë, Pitoiro. Inasoꞌ, Nacoro huiꞌnin. Miricaquëya huiꞌnahuaninsoꞌ,” itërinco. Itohuachincora, aꞌnara poꞌmoitëra pochin nininsoꞌ nitëananënquë aꞌtëntërahuë. Naporahuaton cato aꞌsontanpacaso quëtërahuë.

Génesis 24:51

Maꞌtana Nipica yaꞌhuëarin. Siniorori ina pochin nohuantërin niꞌquëhuarëꞌ, quëpaquëꞌ. Huaꞌanën huiꞌnin soꞌyachin, itopi.

Génesis 24:60

Nani yapaꞌpachina, yoꞌini nóya yonquirapiton iso pochin shaꞌhuitërin: “Oshira, Yosë catahuainquën. Paꞌpi nohuantërai, noya huaꞌhuanaton, notohuaroꞌ amiparinpita yaꞌhuëtiinquënsoꞌ. Naporahuaton amiparinpitantaꞌ, Yosëri catahuain inimiconënapita minsëraꞌpiainaꞌ,” itërin.

Génesis 24:67

Ina quëran Isacosoꞌ, aꞌshinco nëꞌmëtë pëinënquë Nipica quëparin. Co huaꞌquiya quëranhuëꞌ macaton, noya cancantërin. Paꞌpi nosoromiatërin. Aꞌshin marëꞌ sëtápirinhuëꞌ, inapoaton noya cancantërin huachi.

Génesis 25:20

Catapini shonca piꞌipitasoꞌ, saꞌarin. Pitoiro huiꞌnin Nipica itopisoꞌ, manin. Inaso yoꞌin, Napano itopi. Inapitasoꞌ aranoꞌsa itopi. Patan-aran parti yaꞌhuëpi.

Génesis 28:2

Patan-aran parti tëhuënchinsoꞌ paquëꞌ. Tata masho Pitoiro yaꞌhuërinquë paꞌsahuaton, api Napano huiꞌninpita aꞌnara maquëꞌ.

Génesis 28:5

Ina pochin Isacori Patan-aran parti Cacopo aꞌparin. Cacoposoꞌ paꞌsahuaton, Napano yaꞌhuërinquë canconin. Nani shaꞌhuirahuëso chachin inasoꞌ, Pitoiro huiꞌnin. Pitoirosoꞌ Aran piyapi. Napanosoꞌ, Nipica yoꞌin miáchin. Nipicantaꞌ, Cacopo, Isao, inapita aꞌshinaꞌ.

Romanos 9:10

Naporahuaton, Tata Isacontaꞌ catoꞌ huiꞌnahuanin. Saꞌin Nipica itopisoꞌ yahuaihuachina, Yosëri itapon: