Génesis 22:14 - Chayahuita (Shahui)

¹⁴ Ina quëran Apraani ina roꞌtë aninihuanin. “Pahuantërinpoasoꞌ Sinioro quëtërinpoaquë,” itërin. Napoaton, iporahuanta ina pochin nohuitapi. “Motopiquësoꞌ, pahuantërinpoasopita Sinioro quëtërinpoaꞌ,” topi nonatonaꞌ.

Génesis 22:14 ပူးပေါင်းရင်းမြစ်များ

Génesis 22:13

Naporoꞌ Apraan tahuërërahuaton niꞌpirinhuëꞌ, aꞌnara carniro quënanin. Yosë nohuanton pomonën quëran, naraꞌhuaya sëꞌpaquënquë aꞌtënin. Ina masahuaton huiꞌnin yaꞌhuërënamën tëparin. Inapotaton, Yosë chinotacaso marëꞌ yaꞌipi ahuiquitërin.

Génesis 22:15

Sinioro anquëninëni, naquëranchin inápa quëran Apraan përaton itapon: —Sinioro naporin: “Yaꞌipi cancanën quëran huarëꞌ natëtonco, aꞌnaíchin huiꞌnan nipirinhuëꞌ co apiratërancohuëꞌ. Inaporanso marëꞌ noya niꞌnanquën. Caso Yosëco niꞌto, noꞌtëquën shaꞌhuitaranquën.

Génesis 22:8

—Yosë nohuanton conpa yaꞌhuapon, itërin paꞌpini. Ina quëran, paantapi.

Génesis 28:19

Inaquë chachin iráca aꞌna ninano yaꞌhuërin. Noso itopisoꞌ. Ina pochin nohuitopirinahuëꞌ, Cacopori nisha nininën acotaton, Pitiri itërin.

Génesis 32:30

Napoaton Cacoposoꞌ ina roꞌtë aninihuanin: “Pinoiro,” itërin. “Isëquë chachin, Yosë nirayarahuë. Ina niponahuëꞌ co chiminahuëꞌ,” taꞌton, ina pochin ina roꞌtë nohuitërin.

1 Reyes 17:8

Napohuachina Siniorori Iniasë itaantapon: “Iporasoꞌ, Saripita ninano itopiquë paꞌsahuaton yaꞌhuëconquëꞌ. Inaso ninanoꞌ, Siton parti yaꞌhuërin. Nani inaquë aꞌnara quëyoron camairahuë nocomainquënso marëꞌ,” itërin.

Éxodo 17:15

Ina yonquiaton Moisësësoꞌ, Yosë chinotacaso marëꞌ aꞌnara artaro ninin. Ina artaro aninihuanaton: “Siniorosoꞌ pantiranëhuë,” itërin. “Sinioro catahuarincoi inimicoroꞌsa minsërai,” taꞌton, ina pochin aninihuanin.

Miqueas 4:10

Co nohuantopiramahuëꞌ, inimiconëmapita áquë quëpaponënquëmaꞌ. Papironiaꞌpaꞌ huarëꞌ cansaramaꞌ. Papoma pochin caparoꞌtëquë huëꞌërantapomaꞌ. Napoarama niꞌton, ipora Quirosarinquë yaꞌhuëramasopitasoꞌ, sanapi yahuaiton nisiꞌhuitërinso pochin nicoꞌ. Napoaponahuëꞌ, huaꞌqui parisitëramaso piquëran inimiconëma quëran carima nichaꞌësaranquëmaꞌ. Piyapinëhuëpitanquëma niꞌton, napotaranquëmaꞌ.

Juan 1:14

Quisocristo isoroꞌpaquë nasitimarin. Yosë niponahuëꞌ, piyapi chachin nasitërin. Canpoarë chachin yaꞌhuërin. Quiyasoꞌ niꞌnai. Inasoꞌ nóya, tënai. Yosë pochachin ninin. Inaíchin huiꞌnin inasoꞌ. Inaora nohuanton nosororinpoaꞌ. Noꞌtëquën nontërinpoaꞌ.

Deuteronomio 32:36

Naquëranchin Moisësë cantaton tapon: “Canpitaso Sinioro chachin paꞌpoyarinquëmaꞌ. Co huachi nanitëramahuëꞌ niꞌpachina, nosoroarinquëmaꞌ: ‘Piyapinëhuëpita inimiconënpitari yaminsërin. Chiníquënoꞌsa capa niraꞌpiapi. Sanpacharoꞌsanta capa nisapi,’ topachina, catahuaarinquëmaꞌ.

1 Timoteo 3:16

Iráca co Yosë nohuitopirëhuahuëꞌ, iporasoꞌ Quisocristo anohuitërinpoaꞌ: “Ma noyacha inaso paya,” tënëhuaꞌ. Yosë huiꞌnin isoroꞌpaquë oꞌmaton, piyapi chachin nasitimarin. Ispirito Santo chachin anitotërinpoaꞌ Yosë huiꞌnin nininsoꞌ. Nanpiantahuachina, anquëniroꞌsarintaꞌ quënanpi. Imapisopitari yaꞌipi parti paatonaꞌ, nanamën shaꞌhuiraꞌpiapi. Naꞌa piyapiꞌsaꞌ natëpi. Iporasoꞌ Yosëꞌpaꞌ noya yaꞌhuërin. Inatohuaꞌ Yosëri quëpantarin.

Jueces 6:24

Napotohuachina Quitionosoꞌ aꞌnara artaro inaquë ninin. Sinioro chinotacaso marëꞌ ninin. Nani nisahuaton aninihuanin: “Sinioro asanocancaninpoaꞌ,” itërin. Ina artarosoꞌ, iso quirica ninshitasoco huarënta yaꞌhuërarin. Opra ninanoquë yaꞌhuërarin. Inaquësoꞌ, Apisiro huëntonaꞌhua israiroꞌsa yaꞌhuëpi.

1 Samuel 7:12

Ina quëran Samoirosoꞌ, panca naꞌpi macacaiso camaitërin. Ina macatona Mispa quëran Sën itopiso motopiaꞌhuayaquë ira paꞌninsoꞌ huáncana acorin. Ina naꞌpi acorinsoꞌ, aninihuanin: “Ipini-sëri,” itërin. “Isëquë huarëꞌ Sinioro catahuarinpoaꞌ,” tapon ina pochin nohuitërin.