Génesis 21:8 - Chayahuita (Shahui)

⁸ Isacoaꞌhuaya oshaquëran soꞌsohuachina, aꞌshini aꞌpotërin. Aꞌpotërinso tahuëri, capa cancantacaiso marëꞌ Apraan panca pita ninin.

Génesis 21:8 ပူးပေါင်းရင်းမြစ်များ

Génesis 19:3

Napotopirinahuëꞌ, Notori naquëranchin naquëranchin shaꞌhuitohuachina, napoin quëran pëinënquë paꞌpi huachi. Canconpachinara, noya cosharo nitërin. Pan co ahuëpocatopinanhuëꞌ anpitaton, inapitarëꞌ acotohuachina, niꞌtoroꞌsa coshatopi huachi.

Génesis 21:7

Co huaꞌhuanaꞌpicohuë niꞌto, co inso tëranta Apraan nontaton: ‘Tëhuënchachin Saraquë huiꞌnahuanaran,’ co ichitonhuëꞌ. Inaso nipirinhuëꞌ, máshoya niponahuëꞌ, huiꞌnahuanin huachi,” tënin.

Génesis 21:9

Capa cancantapirinahuëꞌ, Sarasoꞌ co noyahuëꞌ cancantërin. Cosona huaꞌhuini Isaco monaton yaꞌnipitarin niꞌnin.

Génesis 26:30

Napotohuachinara, naporo chachin Isacori panca pita nitërin niꞌton, coshatopi, oꞌopi, napopi.

Génesis 29:22

Napotohuachina Napanosoꞌ yaꞌipi yaꞌhuërin pirayan yaꞌhuëpisopita, amatërin. Cacopo saꞌarinquë pita nicacaso marëꞌ amatërin.

Génesis 40:20

Cara tahuëriya quëran, huaraon huaꞌhuatërinso tahuëri nanirin. Naporoꞌ yaꞌipi catahuarinsopita huaꞌanoꞌsa ichicapacancanacaso marëꞌ, panca pita ninin. Yaꞌipi përarinsopita niꞌtonënquë huaraonsoꞌ camaitërin: “Cato huaꞌanoꞌsa chachin tashinan pëi quëran ocoicoꞌ,” tënin.

1 Reyes 3:15

Naporoꞌ Saromonso capayatahuaton, tapon: “Siniorochi huëꞌëhuëquë nontërinco paya,” tënin. Ina quëran Quirosarinquë canconpachina, Siniororë anoyatopiso caposonën yaꞌhuërinquë yaꞌconconin. Inaquë yaꞌconaton oshanën marëꞌ maꞌsharoꞌsa tëparin. Tëparahuaton yaꞌipi ahuiquitërin. Nanan anoyatërinso marëntaꞌ, maꞌsharoꞌsa tëparin. Inapotaton yaꞌipi catahuacaiso marëꞌ huaꞌanoꞌsa acorinsopita, ichicoshatërin.

Oseas 1:8

No-roama aꞌpotohuachina, Comiriso huaꞌhuaantarin. Huaihuachina, quëmapiaꞌhua niantarin: Naporoꞌ Siniorori Osiasë camaiantarin: “Huiꞌnan huaꞌhuatërinsoꞌ, No-ami itëquëꞌ. Canpitaso piyapinëhuëpitanquëma nipiramahuëꞌ, co huachi piyapinëhuëpitanquëmahuëꞌ. Canta co huachi Yosënëmacohuëꞌ. Ina tapon inantaꞌ, ina pochin nohuitëquëꞌ.

Jueces 14:10

Sanson paꞌpinsoꞌ shiin nicapon paꞌmarin. Inachintopi niꞌton, nasha miꞌsë nichinapon chachin Sansonsoꞌ pita ninin. Canchisë tahuëri marëꞌ pita ninin. Inatohuaso nimapachinara, ina nápo tahuëri pita imapi.

Jueces 14:12

Inapita cara shonca yaꞌpi Sansoni itapon: —Aꞌnara ninocaso nanan shaꞌhuichinquëmaꞌ. Canchisë tahuëri pita imarëhuaquë, maꞌsona tapo naporahuësoꞌ shaꞌhuitoco. Noꞌtëquën shaꞌhuitohuatamaco, noꞌtëquën pahuërëaranquëmaꞌ. Noya noya rino piꞌshi quëran aꞌmocaso nipisoꞌ, aꞌnaya aꞌnayanquëma quëtaranquëmaꞌ. Pitaquë aꞌmotë niꞌtacaso marëntaꞌ, aꞌnaya aꞌnaya quëchinquëmaꞌ.

1 Samuel 1:22

Anaso napoaponahuëꞌ, co paꞌninhuëꞌ. Coꞌhuara soꞌin paꞌshátëraponhuëꞌ: —Co caso inatohua paꞌshatërapohuëꞌ. Huaꞌhuasha aꞌpota huarëꞌ paꞌsarahuë. Nani aꞌpotohuachin, Sinioronquën nicacaso marëꞌ quëpatarahuë. Acoonpato, inaso inaquë yaꞌhuëapon, itërin. Napotohuachina, soꞌini itapon: —Inta nipachin. Maꞌsona nicacaso yonquiransoꞌ, niquëꞌ. Ina aꞌpota huarëꞌ, isëranchin yaꞌhuëtaquëꞌ. Sinioro chachin catahuainquën ina shaꞌhuitëransoꞌ nicacaso marëꞌ, itërin. Soꞌini napotohuachina, inaso quëparitaton inaquëranchin huaꞌhuin asoꞌsorin. Soꞌsohuachina aꞌpotërin.

1 Samuel 1:24

Siroquë Yosë chinotacaso nëꞌmëtë pëi yaꞌhuërin niꞌton, huaꞌhuin aꞌpotohuachina, inaquë quëparin. Huaꞌhua nipirinhuëꞌ quëparin. Cara toroaꞌhua, cato shonca cato quiro trico, inapitanta quëparin. Naporahuaton aꞌnara shaꞌhuëtë morsaquë huinonta quëparin.