Génesis 21:34 - Chayahuita (Shahui)

³⁴ Huaꞌqui Apraan huiristinoꞌsa noꞌpanënaquë, yacapatërin.

Génesis 21:34 ပူးပေါင်းရင်းမြစ်များ

Génesis 20:1

Apraansoꞌ, piyapinënpitarë chachin yaꞌhuëapi quëran pipipi. Pipirahuatonaꞌ, Niquipi parti paantapi. Quiraro ninanoquë canconahuatonaꞌ, inaquë yaꞌhuëcaiso marëꞌ quëparitopi. Ina ninanosoꞌ, Catisë ninano quëran Shor parti ira paꞌninsoꞌ huáncana quëparitërin.

Génesis 22:19

Nani Yosë chinotahuatonaꞌ, Apraanso huiꞌninë chachin piyapinënpita quëparitopiquë, paꞌmantapi. Ina quëran yaꞌipi chachin, Piirsipaquë panantapi. Inaquë Apraan huaꞌqui yaꞌhuërin.

Hebreos 11:13

Apraan, Isaco, Cacopo, inapita chiminaquë huarëꞌ Yosë natëpi. “Nani Yosë shaꞌhuitërinpoaꞌ. Co nonpintarinpoahuëꞌ. Pahuanarin nipirinhuëꞌ, aꞌna tahuëri Yosë nohuanton, yaꞌhuapon,” taꞌtonaꞌ, nóya cancantopi. “Co huaꞌqui isoroꞌpaquë yaꞌhuarihuahuëꞌ. Isëquësoꞌ topinan yacapatërëhuaso pochin ninëhuaꞌ,” topi.

Hebreos 11:9

Aquë paaton, Canaan parti canconin. Inaquë yaꞌhuaponahuëꞌ, nëꞌmëtëꞌ pëiquëráchin yaꞌhuërin. Paꞌsápaton, co yaꞌhuëmiatërinhuëꞌ. Isaco, Cacopo, inapitantaꞌ nëꞌmëtëꞌ pëiroꞌsaquë yaꞌhuëpi. Yosëri nani shaꞌhuitërin. “Iso noꞌpa chachin quëchinquëmaꞌ,” itopirinhuëꞌ, co huaꞌanënchátërapihuëꞌ. “Co Yosë nonpintarinpoahuëꞌ. Aꞌna tahuëri ina nohuanton, huaꞌanëntarihuaꞌ,” taꞌtonaꞌ, Yosë natëpi.

1 Pedro 2:11

Nosororanquëmaꞌ iyaroꞌsaꞌ niꞌton, pënënaranquëmaꞌ. Quisocristo imatomaꞌ, co isoroꞌpaquë yaꞌhuëmiataramahuëꞌ. Yosëꞌpaꞌ yaꞌhuëmiataramasoꞌ. Napoaton ama maꞌsha isoroꞌpaquë yaꞌhuërinsopitaráchin yonquicosohuëꞌ. Isoroꞌpaquë noꞌpiápi, monshihuanapi, taparosáchin nonatonaꞌ, capa cancantapi. Ama ina pochin cancantocosohuëꞌ. Ina pochin cancantohuatamaꞌ, sopai minsëarinquëmaꞌ, co Yosë pochin cancantaramahuëꞌ.