Génesis 21:33 - Chayahuita (Shahui)

³³ Nani paꞌpachinara, Apraanso inaranchin Sinioro chinotërin. Inasoꞌ: “Yosë yaꞌhuëmiatërinsoꞌ,” itopi antaꞌ. Inaquë chinotaton, aꞌnara tamarisco nara shaꞌnin. Nani shaꞌhuirahuë chachin ina noꞌpasoꞌ, Piirsipa itopi.

Génesis 21:33 ပူးပေါင်းရင်းမြစ်များ

Génesis 12:8

Ina quëran motopiroꞌsa parti paꞌpi. Ina motopiroꞌsasoꞌ, Pitiri ninano quëran, piꞌi pipirinso parti quëparitërin. Inaquë nëꞌmëtë pëiroꞌsa otënpi yaꞌhuëcaiso marëꞌ. Pitiri ninanosoꞌ, piꞌi yaꞌconinso parti acorahuatonaꞌ, Ai ninanontaꞌ, piꞌi pipirinso parti acopi. Ina huancánachin yaꞌhuëipi. Inaquë naquëranchin Apran Sinioro chinotacaso marëꞌ aꞌna yaꞌhuërëꞌ artaro niantarin.

Génesis 21:32

Nani anoyatohuachina Apimiricosoꞌ, Huicororë chachin huiristinoꞌsa noꞌpanën parti paantapi.

Génesis 26:23

Ina quëran, Piirsipa parti paantapi.

Génesis 26:25

Napotohuachina Isacosoꞌ, aꞌnara artaro inaquë ninin. Ina nisahuaton, Sinioro chinotërin. Inaquë yaꞌhuapona pochin piyapinënpitari aꞌna yaꞌhuërëꞌ poso ihuaantapi.

Génesis 26:33

Napotohuachinara, Apimiricorë anoyatatonaꞌ: Yoscoarëꞌ niitopisoꞌ, yonquiaton, ina pososoꞌ aninihuanin, “Sipa” itërin. Napoaton ina ninanosoꞌ, ipora Iso quirica ninshitasoco huarëntaꞌ Piirsipa itopi.

Génesis 4:26

Sitonta huiꞌnahuanpachina, Inosë itërin. Naporo quëran huarëꞌ piyapiroꞌsa caniaritopi Yosë chinotatonaꞌ, “Sinioro” itacaisoꞌ.

Salmos 90:2

Coꞌhuara isoroꞌpaꞌ, motopiroꞌsaꞌ, inapita yaꞌhuëyátërasohuëꞌ, quëmasoꞌ yaꞌhuëran. Iráca quëran huarëꞌ yaꞌhuëran. Tahuëri nitiquipirinhuë tërantaꞌ, quëmaso yaꞌhuëápon. Quëmasáchin Yosënquën.

Salmos 93:2

Quëmaso Sinioro yaꞌhuëmiatëran. Nani maꞌsha caniaritërin quëran huarëꞌ, huaꞌanëntëran.

Éxodo 15:18

Sinioronënpoaso nipirinhuëꞌ, huaꞌanëntomiatapon. Co onporonta pipiarinhuëꞌ,” topi.

Isaías 40:28

¡Nani canpitaso nitotëramaꞌ! ¡Nani shaꞌhuitërinënquëmasoꞌ natanamaꞌ! Sinioronënpoasoꞌ, Yosë yaꞌhuëmiatërinsoꞌ. Inari isoroꞌpaꞌ, yaꞌipi yaꞌhuërinsopitarë chachin acorin. Co aso canotaton nëꞌca nëꞌcatosárinhuëꞌ. Nitotërinsontaꞌ, co naninahuanhuëꞌ.

Amós 8:14

Samariaquë mamanshiroꞌsa chinotatonaꞌ: ‘Noꞌtëquën nontaranquën. Tano mamanshiantaꞌ,’ topi aꞌnaquën. Piirsipaquënta mamanshiroꞌsa yaꞌhuërinso chinotatonaꞌ: ‘Noꞌtëquën nontaranquën. Piirsipa mamanshiantaꞌ,’ topi aꞌnaquëontaꞌ. Napopisopitasoꞌ, ca nohuanton anotërëso pochin nipachinaꞌ, co huachi huënsëaponahuëꞌ,” tënin Sinioro.

Habacuc 1:12

Napotohuachincora, carinta itaantapo: “Sinioro quëmaso Yosënquën niꞌton, chinotëranquën. Noyasáchin nicaton yaꞌhuëmiatëran. Quëmari inapita quëran anaꞌintancoiso marëꞌ papironiaroꞌsa huayonan. Quëmasoꞌ paꞌpoyarápirancoihuëꞌ, anaꞌintancoiso marëꞌ inapita achiniran.

Romanos 1:20

Isoroꞌpaꞌ ninin quëran huarëꞌ piyapiꞌsaꞌ nitotopi. Yosësoꞌ co quënanpirëhuahuëꞌ, nani maꞌsha ninin. Ina nicatonaꞌ, “Tëhuënchachin Yosë yaꞌhuërin. Yaꞌipiya nanitaparin niꞌton, ina chinotahuaꞌ,” taꞌcaso nipirinhuëꞌ, co nohuantopihuëꞌ. Napoaton naꞌinpi.

Romanos 16:26

Quiricanën quëran anitotërinpoaꞌ. Iráca aꞌnaya aꞌnaya ninotonaꞌ, Yosë nohuanton, ninshitopi. Iráca quëran huarëꞌ Yosë yaꞌhuërin. Co onporontaꞌ chiminaponhuëꞌ. Nanpimiatarin. Ina nohuanton, nanamën yaꞌipi parti shaꞌhuiarëhuaꞌ. Nisha nisha piyapiꞌsaꞌ anitotarëhuaꞌ natëcaiso marëꞌ.

Deuteronomio 32:40

Inápaquë anquirahuato shaꞌhuitaranquëmaꞌ: Caso yaꞌhuëmiatërahuë niꞌto, noꞌtëquën shaꞌhuitaranquëmaꞌ. Sahuëni huënaráchin yaꞌhuëtërincoso toꞌnahuato, noya coisë pochin nisarahuë. Inimiconëhuëpita noꞌtëquën iꞌhuërëtarahuë. Noꞌhuirinacosopita, nanirinso chachin anaꞌintarahuë.

Deuteronomio 33:27

Yaꞌhuëmiatërinso Yosë chachin paꞌpoyarinpoaꞌ. Chini chiníquën nanantaton catahuarinpoaꞌ. Co onporonta sanpataponhuëꞌ. Ina catahuarinpoa niꞌton, inimicoroꞌsa nicatonpoa taꞌananpirinënpoaꞌ. Nani inapita ataꞌhuantacaso marëꞌ nanan quëtërinpoaꞌ.

1 Timoteo 1:17

Napoaton Yosëíchin natëahuaꞌ. Nani tahuëriya: “¡Ma noyacha Yosëso paya!” itahuaꞌ. Inasoꞌ co onporontaꞌ taꞌhuantaponhuëꞌ. Co quënanpirëhuahuëꞌ, huaꞌanëntomiatërinpoaꞌ. Inaíchin chinotacasoꞌ yaꞌhuërin. Ama onporontaꞌ ina naniantahuasohuëꞌ. Amen.

Hebreos 13:8

Quisocristo co onporontaꞌ nishataponhuëꞌ. Iráca nosororinpoaꞌ. Ipora huantaꞌ catahuarinpoaꞌ. Co onporontaꞌ naniantarinpoahuëꞌ. Inasáchin imahuaꞌ.