Génesis 21:3 - Chayahuita (Shahui)

³ Saꞌinquë chachin huiꞌnahuaninso nasitohuachina, Isaco itërin.

Génesis 21:3 ပူးပေါင်းရင်းမြစ်များ

Génesis 17:19

Yosëriso nipirinhuëꞌ, itapon: —Saꞌanquë chachin huiꞌnahuanaran taꞌto, napotaranquën. Huiꞌnan nasitohuachin, Isaco itaran. Quëmarëꞌco anoyatërahuësoꞌ, inanta shaꞌhuitarahuë. Shaꞌhuitërahuëso chachin, shinpitanta catahuamiatarahuë.

Génesis 17:21

Napoaponahuëꞌ quëmaroꞌco anoyatato shaꞌhuitëranquënsopitasoꞌ, Sara huaꞌhuinquën nisarin. Aꞌna piꞌi quëran, ipora tahuëriꞌsa pochin, Isaco nasitapon, itërin.

Génesis 21:12

Sëtopirinhuëꞌ, Yosëri itërin: “Ama huiꞌnapi marëꞌ sëtëquësohuëꞌ. Co cosonanën marëꞌ tëranta sëtacaso yaꞌhuërinhuëꞌ. Maꞌsona Sara nohuantërinso niquëꞌ. Isaco quëran pipipisopita, noya noya catahuararahuë. Inapita mini yonquiato nani shaꞌhuitëranquën nisapasoꞌ.

Génesis 21:6

Naporoꞌ Sara yonquirin: “Yosë catahuarinco niꞌton, capa cancantato, tëhuarahuë. Aꞌnapitantaꞌ, huaꞌhuanahuëso nitotohuachinaꞌ, yaꞌipiya quëran capa cancantatona tëhuaponaꞌ.

Génesis 22:2

Naporoꞌ Yosëri itapon: —Huiꞌnan Isaco itëransoꞌ, aꞌnaíchin niꞌton, nosoromiatëran. Ina nipirinhuëꞌ, masahuaton Moria parti quëpaquëꞌ. Inaquë canconpatan, aꞌna motopi aꞌnotaranquën. Inaquë chinotancoso marëꞌ ina tëparahuaton, yaꞌipi ahuiquitëquëꞌ, itërin.

Génesis 25:19

Iporaso Isaco naporinso shaꞌhuichinquëmaꞌ: Inasoꞌ, Apraan huiꞌnin.

Mateo 1:2

Iráca Apraan huiꞌnahuanpachina, Isaco itopi. Ina quëran Isacontaꞌ huiꞌnahuanpachina, Cacopo itopi. Cacoposoꞌ naꞌa huiꞌninpita yaꞌhuëtërin. Aꞌnasoꞌ Cota itopi.

Hechos 7:8

Ina quëran itantapon: “Caora nohuanto, catahuaranquën. Huiꞌnanpita, yaꞌipi shiparinpita, inapitantaꞌ catahuarahuë. Napoaton marca niacotocoꞌ imaramacosoꞌ anitotacamaso marëꞌ,” itërin. Ina quëran Apraan huiꞌnin yaꞌhuëtërin. Isaco itërin. Posa tahuëritohuachina, marca acotërin. Isaco mashotohuachina, huiꞌnin yaꞌhuëtërin. Cacopo itopi. Ina quëran inantaꞌ huiꞌninpita yaꞌhuëtantarin. Shonca catoꞌ yaꞌhuëtërin. Yaꞌipiya marca niacotëraꞌpiapi. Inapita quëran shonca catoꞌ huënton cotioroꞌsaꞌ yaꞌhuërëhuaꞌ. Inapitasoꞌ shimashonënpoaꞌ, tënëhuaꞌ.

Romanos 9:7

Apraan catoꞌ huiꞌninpita yaꞌhuëtopirinhuëꞌ, aꞌnaíchin Yosëri acorin Apraan yaꞌhuërëtacaso marëꞌ. “Isaco huayonahuë. Shinpitantaꞌ piyapinëhuëpita pochin niꞌsarahuë,” tënin Yosë.

Josué 24:3

Apraansoꞌ, ina quëran ocoirahuë. Ocoirahuato, yaꞌipi iso noꞌpaꞌ paꞌtacaso camairahuë niꞌton, yaꞌipi paꞌtërin. Ina quëran ca nohuanton chachin shinpita naꞌamiatërin. Ca nohuanton huiꞌnahuanpachina Isaco itërin. Inaꞌton canpita shimashonëma ninin.