Génesis 21:20 - Chayahuita (Shahui)

^20-21 Yosëri, huiꞌnapi catahuarin niꞌton, nóya aꞌshinin. Paran inotëro parti yaꞌhuëpi. Míso pëꞌchinantërin. Oshaquëran aꞌshini Iquipito sanapi yoniton, acoantërin.

Génesis 21:20 ပူးပေါင်းရင်းမြစ်များ

Génesis 10:9

Nimorotoso Siniorori catahuarin niꞌton, paꞌpi míso inantërin. Napoaton piyapiꞌsa nonpachinara paꞌyatopi napocaisoꞌ: “Siniorori Nimoroto catahuarin niꞌton, míso inantërin. Inapochachin quëmanta catahuainquën,” topi.

Génesis 16:12

Mashotohuachin, tanan cahuario paꞌpi notëraya pochin nisarin. Yaꞌipiya inimicotarin. Inantaꞌ, yaꞌipiya quëran, inimicotaponaꞌ. Quëmopinënpitari co quëꞌyapirinahuëꞌ, inahua notënanquë chachin yaꞌhuapon,” itërin.

Génesis 17:20

Ismairo marënta nontërancosoꞌ, nani natananquën. Inanta catahuarahuë. Ca nohuanto naꞌa huiꞌninpita yaꞌhuëtapon. Ina quëran pipipisopita naꞌamiataponaꞌ. Shonca cato huaꞌanoꞌsa nicacaisoꞌ huiꞌnahuanapon. Ina shinpita quëran panca nacion pipipon.

Génesis 25:27

Catopiaꞌhuaroꞌsa noya soꞌsopi. Isaosoꞌ huiꞌnapitahuaton, maꞌsha yonicaso paꞌyatërin. Míso inantërin. Cacoposo nipirinhuëꞌ, co inaporinhuëꞌ. Yaꞌhuëpiquë paꞌyatërin yaꞌhuápasoꞌ.

Génesis 27:3

Napoaton pëꞌchinanën, shinërënënpita, inapita masahuaton maꞌsha yoníquëꞌ.

Génesis 28:15

Niꞌquëꞌ. Carinquën caꞌtanaranquën. Intópanta paꞌpatan, carinquën aꞌpaiaranquën. Carinquën chachin iso noꞌpaquë quënantaranquën. Co onporonta pataranquënhuëꞌ, yaꞌipi shaꞌhuitëranquënsoꞌ naniquë huarëꞌ catahuararanquën,” itërin.

Génesis 39:21

Tashinan pëiquë poꞌmopirinahuëꞌ, Siniororisoꞌ co Cosi naniantërinhuëꞌ. Nosoroaton catahuaantarin niꞌton, tashinan pëi huaꞌani, noya nicaton paꞌyatërin: “Cosisoꞌ, nóya huiꞌnapi,” taꞌton, noya niꞌnin.

Lucas 1:80

Ina quëran huiꞌninsoꞌ soꞌsorahuaton, huiꞌnapitarin huachi. Yosë yonquiarin niꞌton, chiníquën cancantarin. Inotëro parti yaꞌhuëárin. Ina quëran oshaquëran Yosëri shaꞌhuitërin israiroꞌsaꞌ pënënacaso marëꞌ.

Lucas 2:40

Quisoso soꞌsorahuaton, chinirarin. Nóya yonquirin. Yosëri naꞌcon catahuarin.

Jueces 6:12

Inapoasoꞌ, Sinioro anquëninëni yaꞌnotahuaton itapon: —Quëmasoꞌ chiníquën mashonquën. Naporahuaton, chiníquën cancantëran. ¡Sinioro chachin catahuararinquën! itërin.