Génesis 21:17 - Chayahuita (Shahui)

¹⁷ Yosëri, huiꞌnapi naꞌnërinsoꞌ natanin. Napoaton Yosë anquëninëni, inápa quëran përasahuaton nontërin: “¿Maꞌta Acara onporan? ¡Ama paꞌyanquësohuëꞌ! Yosëri, huiꞌnapi naꞌnërinsoꞌ natanin.

Génesis 21:17 ပူးပေါင်းရင်းမြစ်များ

Génesis 15:1

Ina piquëran Siniorori, Apran yaꞌnotërin. Co huëꞌëponahuëꞌ, huaꞌnarëso pochin nontërinsoꞌ natanin: —Apran, ama tëꞌhuaquësohuëꞌ, carinquën paꞌpoyaranquën. Panca acanamiataranquën, itërin.

Génesis 16:11

Ipora cayoransoꞌ, quëmapiaꞌhuaya huaiyaran. Huaihuatan, Ismairo itëquëꞌ. Co napion ancantaton naꞌnëransoꞌ, Sinioro nataninquën niꞌton, ina nininën acotëquëꞌ.

Génesis 16:7

Taꞌapirinhuëꞌ, Sinioro anquëninëni inotëro parti quënanin. Shor iraquë iꞌsha pipirinsoꞌ yaꞌcariꞌ, quënanin.

Génesis 16:8

Quënanahuaton, natanin: —Quëmasoꞌ Acaranquën, nohuitëranquën. Sarai cosonanënquën. ¿Intoparanta huëcaton, intopata paꞌsaran? itërin. —Patronanëhuë Sarai itopisoꞌ taꞌananpiarahuë, tënin Acara.

Génesis 16:9

Naporoꞌ Sinioro anquëninëni, itapon: —Naquëranchin patronanën paapantaquëꞌ. Maꞌsona camairinquënsopita, natëquëꞌ, itërin.

Génesis 22:11

Naporo chachin Sinioro anquëninëni, inápa quëran përarin: —¡Apraan! ¡Apraan! itërin. —Maꞌta Sinioro yaꞌhuëarahuë, itërin Apraani.

Génesis 24:7

Siniorosoꞌ Yosë niꞌton, inápaquë huaꞌanëntërin. Nani ina shaꞌhuitërinco iso noꞌpaꞌ shihuëpitari huaꞌnëntacasoꞌ. Iráca tatahuë yaꞌhuërin noꞌpa quëran ocoirinco. Quëmopinëhuëpita yaꞌhuërin parti quëran ocoirinco huachi. Ocoirahuatonco isëquë quëninco. Inari chachin anquëninën aꞌpararin catahuainquënso marëꞌ. Ina nohuanton, sanapi nohuantarin isëquë huëcacasoꞌ.

Génesis 26:24

Naporo tashi Siniorori yaꞌnotahuaton itapon: “Caso Yosëco. Tataparin Apraan chinotërinco. Ama tëꞌhuaquësohuëꞌ. Carinquën caꞌtanatënquën catahuamiataranquën. Piyapinëhuë Apraan natërinco niꞌton, ca nohuanton shiparinpita naꞌamiatapon,” itërin.

Génesis 46:3

—Caso Yosëco. Tataparionta chinotërinco. Iquipitoquë paꞌmacaso marëꞌ ama tëꞌhuaquësohuëꞌ. Inaquë shiparinpita naꞌatonaꞌ, panca nacion ocoiaponaꞌ.

Salmos 91:15

Nontohuatamaco aꞌpaniaranquëmaꞌ. Ca chachin caꞌtanaranquëmaꞌ. Maꞌsha onpoatoma co napion ancantopiramahuëꞌ, nichaꞌësaranquëmaꞌ. Inapotaranquëma niꞌton, naní quëran noya niꞌsarinënquëmaꞌ.

Éxodo 14:13

Napotopirinahuëꞌ, Moisësëriso itapon: —¡Ama paꞌyancosohuëꞌ! ¡Chiníquën cancantocoꞌ! Sinioro chachin nichaꞌërinpoasoꞌ, ipora niꞌsaramaꞌ. Inari canpita yaꞌhuërënamën ahuëtaton, iquipitoroꞌsa minsëarin. Napoaton co huachi onporo tëranta inapita quënanaramahuëꞌ, itërin.

Éxodo 3:2

Inaquë Sinioro anquëninëni yaꞌnotërin. Sarsa naraꞌhuaya huëyararinso huáncana quënanin. Moisësëri niꞌsápirinhuëꞌ, naraꞌhuaya huëyarinso co manta huiquitërinhuë niꞌton, paꞌpi paꞌyantërin.

Éxodo 3:7

Napoaponahuëꞌ, Yosëri aquëtë chachin shaꞌhuitaantarin: —Piyapinëhuëpita israiroꞌsa itopisoꞌ, Iquipitoroꞌsari chiníquën asacatatona aparisitomiatapi. Sacato huaꞌanoꞌsari, ahuëanaquëranchin asacatapi. Napoaton catahuaꞌhuaso marëꞌ chiníquën nontërinaco. Ina natanato, inapita nichaꞌëcaꞌhuaso marëꞌ oꞌmarahuë. Iquipitoroꞌsari huaꞌanëntopirinahuëꞌ, ocoirahuato panca noꞌpaꞌ nininquë quëparahuë. Inaquësoꞌ, co manta pahuaninhuëꞌ. Iporasoꞌ inaquë: Cananoꞌsaꞌ, itiroꞌsaꞌ, amororoꞌsaꞌ, huirisëroꞌsaꞌ, iporoꞌsaꞌ, quiposoroꞌsaꞌ, inapita yaꞌhuërapi. Ina huëntonoꞌsasoꞌ, co chinotërinacohuëꞌ.

Isaías 41:10

Ama manta tëꞌhuacosohuëꞌ, caꞌtanaranquëmaꞌ. Ama paꞌyancosohuëꞌ. Caso Yosëco niꞌsáranquëmaꞌ. Carinquëma achiniatënquëma catahuaranquëmaꞌ. Chiníquën nanantato inchinanëhuë quëran sëꞌquëaranquëmaꞌ.

Mateo 15:32

Ina quëran caꞌtanoꞌsanënpita përasahuaton, itapon: —Piyapiꞌsaꞌ nosororahuë. Nani cara tahuëri pochin natanarinaco niꞌton, co huachi mantaꞌ cosharoꞌ yaꞌhuëtopihuëꞌ capacaisoꞌ. Co topinan yaaꞌparahuëꞌ, tanari canahuachinaꞌ, itërin.

Marcos 5:36

Quisososo nipirinhuëꞌ piyapiꞌsaꞌ noninsoꞌ natanaponahuëꞌ, co ina yonquirinhuëꞌ. —Ama iyasha paꞌyanquësohuëꞌ. Natëco, itërin.

Deuteronomio 26:7

Naporoꞌ Sinioro nontëranquën huachi: “Quëmasáchin Yosënquën. Shimashonëhuëipita chinotërinënquën. Nosoroatoncoi catahuacoi,” itërainquën. Napotohuatëinquën, natanancoi huachi. Aparisitërinacoiso niꞌsahuaton, yacatahuarancoi huachi.

1 Samuel 11:5

Naporoꞌ Saononta imin quëran huënantárin. Tororoꞌsa asacatërin quëran quënantárin. Piyapiꞌsa naꞌnërapisoꞌ natanaton, natantërin: —¿Maꞌta onpoatona naꞌnërantapisoꞌ? tënin. Napohuachina Capisë quëran huëcatona nanan quëpisoꞌ aꞌnari shaꞌhuitërin.