Génesis 21:14 - Chayahuita (Shahui)

¹⁴ Tahuëririnquë tashiramiachin Apraansoꞌ, Acara quëtacaso marëꞌ cosharo manin. Aꞌnara shaꞌhuëtë morsaquë iꞌsha taꞌpanahuaton, quëtërin. Huiꞌnionta Ismairo itërinsoꞌ, aꞌpaantërin quëpacaso marëꞌ. Inahuaso paꞌpachinara, Piirsipa inotëro parti chihuëatonaꞌ, topinan paꞌsápi.

Génesis 21:14 ပူးပေါင်းရင်းမြစ်များ

Génesis 16:7

Taꞌapirinhuëꞌ, Sinioro anquëninëni inotëro parti quënanin. Shor iraquë iꞌsha pipirinsoꞌ yaꞌcariꞌ, quënanin.

Génesis 19:27

Tashiramiachin Apraansoꞌ, iꞌhuara Sinioro nontërintaquëchin paꞌnin.

Génesis 21:13

Cosona huaꞌhuionta catahuarahuë. Ca nohuanto, shinpita panca nacion ocoiaponaꞌ. Huiꞌnan chachin anta niꞌton, catahuarahuë,” itërin.

Génesis 21:15

Iꞌsha shaꞌhuëtë morsaquë yaꞌhuërinsoꞌ, taꞌquipi. Taꞌquihuachinara Acarasoꞌ, naraaꞌhuaya tashinantërianaquë huaꞌhuin acorahuaton, patërin.

Génesis 21:31

Napoaton ina roꞌtësoꞌ, Piirsipa itopi. Inaquë cato chachin Yoscoarëꞌ taꞌtonaꞌ, anoyatopi niꞌton, ina pochin nohuitopi.

Génesis 21:33

Nani paꞌpachinara, Apraanso inaranchin Sinioro chinotërin. Inasoꞌ: “Yosë yaꞌhuëmiatërinsoꞌ,” itopi antaꞌ. Inaquë chinotaton, aꞌnara tamarisco nara shaꞌnin. Nani shaꞌhuirahuë chachin ina noꞌpasoꞌ, Piirsipa itopi.

Génesis 22:19

Nani Yosë chinotahuatonaꞌ, Apraanso huiꞌninë chachin piyapinënpita quëparitopiquë, paꞌmantapi. Ina quëran yaꞌipi chachin, Piirsipaquë panantapi. Inaquë Apraan huaꞌqui yaꞌhuërin.

Génesis 22:3

Tahuëririnquë Apraansoꞌ, tashiramiachin huënsëintarahuaton, tapatarin huachi. Ihuë Yosë chinotaton ahuiquitacaso marëꞌ pëꞌshitërinsoꞌ, moranënquë aꞌmitërin. Ina quëran huiꞌnin, cato piyapinënpita, inapita quëparin. Yosëri shaꞌhuitërinquë paꞌnin huachi.

Génesis 24:54

Naporo huarëꞌ Apraan piyapinën, caꞌtaninsopitarë chachin, coshatopi, oꞌopi, napopi. Naporahuatona naporo tashi inaquë chinotopi huachi. Tahuëririnquë capayatahuaton, Apraan piyapinënso Nipica paꞌpin, yoꞌin inapita itapon: —Ipora tahuëri huaꞌanëhuë yaꞌhuërinquë yapaantarahuë taꞌa, tënin.

Génesis 26:31

Tahuëririnquë tashiramiachin, huënsëantahuachinara itohuara capini: “Yoscoarëꞌ noya niniꞌtëhuaꞌ yaꞌhuarihuaꞌ,” nitopi. Ina quëran, nani anoyatahuatonaꞌ: “Paꞌsarai huachi,” topachinara, Isacori itapon: “Osharan pacoꞌ, Yosë catahuainquëmaꞌ,” itërin.

Génesis 26:33

Napotohuachinara, Apimiricorë anoyatatonaꞌ: Yoscoarëꞌ niitopisoꞌ, yonquiaton, ina pososoꞌ aninihuanin, “Sipa” itërin. Napoaton ina ninanosoꞌ, ipora Iso quirica ninshitasoco huarëntaꞌ Piirsipa itopi.

Génesis 28:18

Tahuëririnquë Cacoposoꞌ, tashíramiachin capayatahuaton naꞌpi motoantërinso manin. Masahuaton, nohuitacaso marëꞌ onë pochin ahuanirin. Naporahuaton ina aipi toma opotërin. Inapotahuaton, Yosë marëꞌ acorin.

Génesis 37:15

Ina parti chihuëaton paꞌsápirinhuëꞌ, aꞌna quëmapiri quënanahuaton itapon: —¿Maꞌta yonisaran?

Génesis 46:1

Cacoposoꞌ yaꞌipi huëntonënë chachin paꞌsarin. Yaꞌipi maꞌshanënpitarëꞌ paꞌsarin. Piirsipaquë canconpachinara, maꞌsha tëparin. Tëparahuaton, paꞌpincoꞌ Yosë chinotërinso chachin chinotërin.

1 Reyes 19:3

Ina natanaton, Iniasëso paꞌyanin: “Coꞌsoꞌ taꞌahuatohuëꞌ, tëpaponaco,” taꞌton Piirsipa ninanoquë piyapinënë chachin taꞌarin. Inaso ninanoꞌ, Cota huënton noꞌpanën paꞌmarinꞌpaꞌ yaꞌhuërin. Inaquë canconahuaton, piyapinën patërin.

Salmos 107:4

Aꞌnaquënsoꞌ, inotëro parti chihuëatonaꞌ, paꞌsápirinahuëꞌ, co aꞌna ninano tëranta yaꞌhuëcaiso marëꞌ quënanpihuëꞌ.

Eclesiastés 9:10

Maꞌsona tëranta nicacasoꞌ yonquihuatan, yaꞌipi cancanën quëran niquëꞌ. Aꞌna tahuëri chiminpatan, co huachi manta nisaranhuëꞌ. Co manta yonquiaranhuëꞌ. Co inaquëso maꞌsha nitotërëhuëꞌ. Co inaquësoꞌ yonquínahuan ninëhuëꞌ.

Juan 8:35

Niꞌcoꞌ. Patron yaꞌhuërinquë piyapinën co yaꞌhuëmiatërinhuëꞌ. Patronëni nohuantohuachina, ocoiantarin. Huiꞌninso nipirinhuëꞌ yaꞌhuëmiatarin.

Josué 3:1

Tahuëririnquë tashíramiachin Cosoisoꞌ Sitin quëran pipirin. Yaꞌipi israiroꞌsarë chachin pipirin. Paꞌsápatonaꞌ, Cortaniiquë canconpi. Canconahuatonaꞌ, nëꞌmëtë pëinëna ótëantapi. Sinioro camaitërinso ninacaiso marëꞌ inaquë yaꞌhuërapi.

1 Samuel 15:12

Tahuëririnquë Samoirosoꞌ anoachin Saono nicapon paꞌnin. Coꞌhuara quënayántëraponhuëꞌ aꞌnaquëni itapon: “Saonosoꞌ Carmiro ninanoquë paꞌnin. Inaquë aꞌnara panca raꞌpi ahuanirin. Ina nicatona piyapiꞌsari noya niꞌcaiso marëꞌ ahuanirin. Inaporahuaton Quiricaroquë paꞌmantacaso marëꞌ tahuimarin,” itërin.