Génesis 21:11 - Chayahuita (Shahui)

¹¹ Ina natanaton, Apraan panca sëtërin. Huiꞌnin niꞌton, sëtëyarin.

Génesis 21:11 ပူးပေါင်းရင်းမြစ်များ

Génesis 17:18

Napoaton iso pochin Yosë nontërin: —¡Maꞌcha Sinioro shaꞌhuitërancoso chachin Ismairo catahuaranhuë paya! itërin.

Génesis 21:12

Sëtopirinhuëꞌ, Yosëri itërin: “Ama huiꞌnapi marëꞌ sëtëquësohuëꞌ. Co cosonanën marëꞌ tëranta sëtacaso yaꞌhuërinhuëꞌ. Maꞌsona Sara nohuantërinso niquëꞌ. Isaco quëran pipipisopita, noya noya catahuararahuë. Inapita mini yonquiato nani shaꞌhuitëranquën nisapasoꞌ.

2 Samuel 18:33

Ina natanaton, copirnoso paꞌpi sëtërin. Sëtaton yaꞌcoana aipi patoana yaꞌhuërinquë nanpëontarin. Inaquë huiꞌnin marëꞌ sëtaton, naꞌnëmiatërin. Ayanapon pochin naporin: “Apësaron, huiꞌnahuë taꞌa. Apësaron conpaaꞌhua taꞌa. Quëma yaꞌhuërënamën chiminahuë naporini, noya niitohuë taꞌa. Apësaron, huiꞌnahuë taꞌa. Apësaron conpaaꞌhua taꞌa,” tënin naꞌnëton.

Mateo 10:37

Yaimapatamaco, ca naꞌcon naꞌcon nosoroco. Tatamaꞌ, mamamaꞌ, huiꞌnamaꞌ inapita co onpopinchin nosorocasoꞌ yaꞌhuërinhuëꞌ. Co naꞌcon naꞌcon nosorohuatamacohuëꞌ, co tëhuënchachin imaramacohuëꞌ tënahuë.

Hebreos 12:11

Aꞌna tahuëri Yosë nohuanton, maꞌsha onporëhuaꞌ. Naporahuaton, aꞌnapita maꞌsha onpotërinënpoaꞌ. Naporo chachinsoꞌ sëtërëhuaꞌ. Parisitacasoꞌ co nohuantopirëhuahuëꞌ, noya ahuantohuatëhuaꞌ, Yosë naꞌcon catahuarinpoaꞌ. Nirótëatëhuaꞌ, noya nisarëhuaꞌ. Inapoatëhua sano cancantarihuaꞌ.