Génesis 21:10 - Chayahuita (Shahui)

¹⁰ Napoaton Apraan shaꞌhuitërin: “¡Cosonasoꞌ, huaꞌhuinë chachin, aꞌpaquë paꞌin! Isacoso huaꞌhuahuë chachin niꞌton, co nohuantërahuëꞌ quëma maꞌshanënpita cosona huaꞌhuionta quëtacasoꞌ,” itërin.

Génesis 21:10 ပူးပေါင်းရင်းမြစ်များ

Génesis 17:19

Yosëriso nipirinhuëꞌ, itapon: —Saꞌanquë chachin huiꞌnahuanaran taꞌto, napotaranquën. Huiꞌnan nasitohuachin, Isaco itaran. Quëmarëꞌco anoyatërahuësoꞌ, inanta shaꞌhuitarahuë. Shaꞌhuitërahuëso chachin, shinpitanta catahuamiatarahuë.

Génesis 17:21

Napoaponahuëꞌ quëmaroꞌco anoyatato shaꞌhuitëranquënsopitasoꞌ, Sara huaꞌhuinquën nisarin. Aꞌna piꞌi quëran, ipora tahuëriꞌsa pochin, Isaco nasitapon, itërin.

Génesis 22:10

Inaquë acorahuaton tëpacaso marëꞌ cosoroaꞌhua manantërin.

Génesis 25:19

Iporaso Isaco naporinso shaꞌhuichinquëmaꞌ: Inasoꞌ, Apraan huiꞌnin.

Mateo 22:13

‘Iso quëmapi masahuatomaꞌ, tonpocoꞌ. Paꞌon, tanpaquën, inapita noyá tonpocoꞌ. Nani tonporahuatomaꞌ, tashinanquë tëꞌyatocoꞌ. Inatohuaꞌ piyapiꞌsaꞌ naꞌnërapi, chiníquën parisitapi huachi,’ itërin piyapinënpita.

Juan 8:35

Niꞌcoꞌ. Patron yaꞌhuërinquë piyapinën co yaꞌhuëmiatërinhuëꞌ. Patronëni nohuantohuachina, ocoiantarin. Huiꞌninso nipirinhuëꞌ yaꞌhuëmiatarin.

Gálatas 3:18

Iráca Yosëri shaꞌhuitërin. “Caora nohuanto, piyapiꞌsaꞌ nichaꞌësarahuë,” itërin. Iráca pënëntërinsoꞌ natëtëꞌ chaꞌëcasoꞌ yaꞌhuërin naporini, co inaora nohuanton Yosë nichaꞌëitonpoahuëꞌ.

Gálatas 4:7

Napoaton co huachi pënëntërinsoꞌ huaꞌanëntërinpoahuëꞌ. Huiꞌninpita pochin Yosë niꞌninpoaꞌ niꞌton, naꞌcon catahuarinpoaꞌ. Inaora nohuanton, yaꞌipi shaꞌhuitërinpoasoꞌ acotarinpoaꞌ.

1 Pedro 1:4

Yosëꞌpaꞌ nani tapatërinpoaꞌ noya noya yaꞌhuëcontacaso marëꞌ. Inatohuaꞌ co mantaꞌ taꞌhuantarihuahuëꞌ. Co mantaꞌ nitapiarinhuëꞌ. Inaquësoꞌ co yanco pochin ahuirinhuëꞌ. Noya noya nisarin. Canpoa marëꞌ Yosëri acorin. Inari chachin niꞌsarin.

1 Juan 2:19

“Quiyantaꞌ imarai,” topirinahuëꞌ, nani pipipi. Co tëhuënchachin Yosë huëntonënquë yaꞌconpihuëꞌ. Yaꞌconpi naporini, co pipiitonahuëꞌ. Pipipi quëran nitotërëhuaꞌ. “Co onporontaꞌ cancanëna quëran huarëꞌ imapihuëꞌ,” tënëhuaꞌ.