Génesis 20:9 - Chayahuita (Shahui)

⁹ Ina quëran Apraan amatahuaton, itapon: —¡Maꞌhuantacha nitapirancoihuë paya! ¡Caso co maquë tëranta tëhuëtëranquënhuëꞌ! Quëmaso nipirinhuëꞌ, napotatoncoi panca yaaoshahuanpirancoihuëꞌ. Ca aoshahuanatonco, quëmopinëhuëpita, piyapinëhuëpita, inapita, naꞌinchitonhuëꞌ. ¡Co naporëhuëꞌ!

Génesis 20:9 ပူးပေါင်းရင်းမြစ်များ

Génesis 12:18

Napoaton Apran amataton, itapon: “¿Onpoatonta napotëranco? ¡Iso sanapi saꞌan nipirinhuëꞌ, shaꞌhuichitonco pora!

Génesis 20:10

¿Maꞌta yonquiaton, napotopirancohuëꞌ? itërin. Napotohuachina, Apraani itapon: —Isëquësoꞌ, co manta Yosë natëpihuëꞌ. Saꞌahuë matiinacoso marëꞌ tëpaponaco casoꞌ, taꞌto naporahuë.

Génesis 20:8

Tahuërianpitohuachina, Apimiricoso huënsëintarahuaton, piyapinënpita amatërin. Huëꞌpachinara, yaꞌipi huaꞌnarinso shaꞌhuitërin. Natanahuatonaꞌ, piyapinënpitaso paꞌpi paꞌyanpi.

Génesis 26:10

Napopirinhuëꞌ, Apimiricori itapon: —¡Co napochitoncoihuë pora! Onpichin saꞌan inso yaꞌhuëhuani tërantaꞌ, ichihuëꞌërin. Ina marëꞌ quiyasoꞌ oshahuaintoihuëꞌ, itërin.

Génesis 29:25

Tahuëririnquë tashíramiachin Cacoposoꞌ, Nia ichihuëꞌërinso niꞌnin. Niꞌsahuaton, paꞌpi paꞌyantërin. Napoaton Napano chiníquën nontërin: —¡Co napochitoncohuë pora! ¡Coꞌta Naquira marëꞌ nani sacatërahuë! ¡Nani nonpintëranco niꞌsora! itërin.

Génesis 34:7

Cacopo huiꞌninpita huënantahuachinara, napopisoꞌ natantopi. Natantahuatonaꞌ, paꞌpi noꞌhuitopi. Siquimori oshina co mashátëraponahuëꞌ, ichihuëꞌërin niꞌton, napopi: “Inapoaton inasoꞌ, israiroꞌsanpoa panca tëhuëtërinpoaꞌ. ¡Co onporonta inapocaso yaꞌhuërinhuëꞌ!” topi.

Génesis 38:24

Cara yoqui quëran pochin, Cota shaꞌhuitapona huëcapaipi: —Shiparin Tamara itërëhuasoꞌ, monshihuanin. Napoaton iporasoꞌ cayorin huachi, itopi. Natanahuaton Cotasoꞌ, noꞌhuitaton yai tënin: —¡Ocoirahuatomaꞌ, aꞌpëco chimiin! tënin.

Génesis 39:9

Chini chiníquën nanan quëtërinco iso pëiquë camaitaꞌhuaso marëꞌ. Naporahuaton, huaꞌanëhuë co maꞌsha tëranta apiratërincohuëꞌ. Quëmasáchin tëhuënchinsoꞌ saꞌinquën niꞌton, apiratërinco. Napoaton, co caso piꞌpian tëranta nohuantërahuëꞌ paꞌpi co noyahuëꞌ nininsoꞌ nicacaꞌhuasoꞌ. ¡Naporahuaton quëmarëꞌco ninahuë naporini, co Yosë natëtohuëꞌ, paꞌpi oshahuaintohuëꞌ! itërin.

2 Samuel 12:5

Ina natanaton, Tapiso paꞌpi noꞌhuitërin. Maꞌhuan naporinso marëꞌ noꞌhuitaton, Natan itapon: —¡Co nosoroatonhuëꞌ napotërin niꞌquëhuarëꞌ, pahuërëchin. Catapini ohuica ina marëꞌ pahuërëtacaso yaꞌhuërin. Naporahuaton, Yoscoarëꞌ noya chiminacasoꞌ! itërin.

Éxodo 32:21

Ina quëran Aaron itapon: —¿Maꞌta onpotërinquën isopita niꞌton, mamanshi nicaton napoin aoshahuanan? itërin.

Éxodo 32:35

Ina tosahuaton, Siniorori israiroꞌsa anaꞌintërin. Toroaꞌhua Aaroni nonaninsoꞌ moshapi niꞌton, chiníquën canio tëꞌyanantërin.

Romanos 2:11

Yosësoꞌ yaꞌipinpoaꞌ napopianachin niꞌninpoaꞌ.

Tito 1:11

Yapënëntohuachinaꞌ, shaꞌhuitëquëꞌ ama pënënchinasohuëꞌ. Maꞌsha canacaisoáchin yonquiatonaꞌ, aꞌchinapi. Nisha aꞌchintohuachinara, aꞌnaquën Yosë nanamën yaaꞌpopi. Quëmopinënpitarë chachin nisha imasapi.

Hebreos 13:4

Quëmapiꞌsaꞌ saꞌapachinaꞌ, ama aꞌna sanapi yonquiꞌinasohuëꞌ. Sanapiꞌsantaꞌ soꞌyahuachinaꞌ, ama soꞌinaꞌ tëhuananpichinasohuëꞌ. Ama mantaꞌ monshihuainasohuëꞌ. Monshihuanpatamaꞌ, Yosë chiníquën anaꞌintarinquëmaꞌ.