Génesis 20:7 - Chayahuita (Shahui)

⁷ Iporaso nipirinhuëꞌ, soꞌin chachin quëtaantaquëꞌ. Inaso pënëntonaꞌpi niꞌton, quëma marëꞌ nontarinco. Ama chiminamaso marëhuëꞌ, nontarinco. Coꞌsoꞌ quëtaantahuatanhuëꞌ, saꞌan, huiꞌnanpita, inapitarëꞌquën chachin, taꞌhuantaran,” itërin huëꞌënquë.

Génesis 20:7 ပူးပေါင်းရင်းမြစ်များ

Génesis 12:15

Iquipito copirnosoꞌ, “huaraon” itopi. Ina catahuapisopita huaꞌanoꞌsantaꞌ, Sarai niꞌpi. Niꞌsahuatonaꞌ, noyápiroyanchin nininso huaꞌanëna shaꞌhuitonpi. Natanahuaton huaraonsoꞌ: “Quëshico,” tënin. Napoaton Saraisoꞌ, ina pëinënquë quëpapi.

Génesis 12:17

Napoaponahuëꞌ, Sarai naꞌinin niꞌton, Yosëri huaraon anaꞌintërin. Saꞌin, huiꞌninpitarë chachin chiníquën canio quëran anaꞌintërin.

Génesis 2:17

Anitotacaso nara nitërinsoíchin, co nohuantërahuë capamasoꞌ. Inaso caꞌpatan, noya nininso nitotaponahuëꞌ, co noyahuëꞌ nininsonta nitotaran. Ama ina nitërinso caꞌquësohuëꞌ. Ina caꞌpatan, tëhuënchachin chiminaran,” itërin.

Génesis 20:18

Siniorori nani Apimirico yaꞌhuërinquë, sanapiꞌsa anaꞌintopirinhuëꞌ. Ama huaꞌhuanacaiso marëhuëꞌ, Sara naꞌin quëran napotopirinhuëꞌ. Napoaton Apraani Yosë nontërin inari anoyatacaso marëꞌ. Napohuachina, Yosëri Apimirico saꞌin, piyapinënpita saꞌinaꞌ, inapita anoyatërin. Huaꞌhuasha yaꞌhuëtaantacaiso marëꞌ anoyatërin.

Génesis 20:3

Napoaponahuëꞌ, naporo tashi chachin Yosëri huëꞌënquë pënënin: “Quëmaso chiminaran. Sanapi mananso soꞌyahuan niꞌton, chiminamaso yaꞌhuërin,” itërin.

Génesis 20:8

Tahuërianpitohuachina, Apimiricoso huënsëintarahuaton, piyapinënpita amatërin. Huëꞌpachinara, yaꞌipi huaꞌnarinso shaꞌhuitërin. Natanahuatonaꞌ, piyapinënpitaso paꞌpi paꞌyanpi.

Génesis 23:6

—Natanquë sinioro shaꞌhuichinquën. Yosë huayoninquën niꞌton, quëmasoꞌ chiníquën nanantëran. Nipoꞌmoraisoꞌ noꞌpaꞌ insosona noya noya niꞌnanquë, saꞌancoꞌ poꞌmoquëꞌ. Co incoi tëranta apiratarainquënhuëꞌ, itopi.

2 Reyes 5:11

Ina natanaton, Namanoso noꞌhuitërin: —Sëëshi. Pipirahuaton taꞌma Sinioro nontapon. Ina quëran chanatërahuëquë sëꞌhuarahuaton, inquitarinco, topirahuë.

Copo naporinso' 42:8

Noꞌhuiranquëmasoꞌ sanocaꞌhuaso marëꞌ, isopocoꞌ: Canchisë toro, nápo chachin carnironta quëpatomaꞌ, Copo niꞌconcoꞌ. Inari canpita marëꞌ inapita tëparahuaton yaꞌipi ahuiquitapon. Inapotahuaton canpita marëꞌ nontarinco. Nontohuachinco, noya natanahuato co maꞌsha onpotaranquëmahuëꞌ. Co noꞌtëquën yonquirapitomacohuëꞌ Copo shaꞌhuitëramaso marëꞌ, naꞌinamaꞌ. Napopiramahuëꞌ, co maꞌsha onpotaranquëmahuëꞌ. Coposoꞌ, noꞌtëquën yonquiarapitonco shaꞌhuirin,” itërin.

Éxodo 7:1

Napotopirinhuëꞌ, Yosëri itaantapon: —Niꞌquëꞌ. Copirno niꞌtonënquë ca yaꞌhuërënamëhuë maꞌsha nicacaso marëꞌ nani acoranquën. Iya masho Aaronso nipirinhuëꞌ, quëma yaꞌhuërënamën nonsarin.

Jeremías 14:11

Ina quëran Sinioro itaantarinco: “Ama isopita noya yaꞌhuëcaiso marëꞌ nontocosohuëꞌ.

Jeremías 15:1

Aꞌna tahuëri Sinioro nontatonco itaponco: “Israiroꞌsa nichaꞌëahuaso marëꞌ Moisësë, Samoiro, inapita nontopirinacohuë tërantaꞌ, co nosoroꞌitohuëꞌ. Shaꞌhuitëquë noꞌpanëhuë quëran pipiinaꞌ.

Ezequiel 3:18

Aꞌnaquën co noyahuëꞌ nininso marëꞌ: ‘Isosoꞌ, chiminacaso yaꞌhuërin,’ tosarahuë. Napotohuato, quëma nanan quëtaranquën co noyahuëꞌ nininsoꞌ aꞌpocaso marëꞌ shaꞌhuitaran. Natëhuachinquën co chiminaponhuëꞌ. Co shaꞌhuitohuatansohuëꞌ, tëhuënchachin chiminapon. Napoaponahuëꞌ, chimininso marëꞌ quëma naꞌintarinquën.

Ezequiel 33:8

Aꞌna piyapi co noyahuëꞌ nipachin, chiminacaso shaꞌhuitaranquën. Napotohuatënquën, co noyahuëꞌ nininsoꞌ aꞌpocaso marëꞌ quëmari shaꞌhuitaran. Shaꞌhuitopiranhuë co natëhuachinquënhuëꞌ, inasoꞌ oshanën marëꞌ chiminapon. Inapohuachin, co quëma naꞌintarinquënhuëꞌ. Shaꞌhuitacaso nipirinhuëꞌ, co shaꞌhuitohuatansohuëꞌ, inaso oshanën marëꞌ chiminapon. Napoaponahuëꞌ, ina chimininsoꞌ, quëma naꞌintarinquën,” itërinco.

Hechos 8:24

—Canpitari Yosë nontocoꞌ ama ina pochin anaꞌinchincosohuëꞌ, itërin. Chiníquën paꞌyanaton, naporin.

1 Corintios 14:4

Nisha nananquë nonpiso pochin nonpachinaꞌ, inahuara Yosë yonquiatonaꞌ, chiníquën cancantapi. Nipirinhuëꞌ, Yosë nanamën shaꞌhuitohuachinënpoaꞌ, yaꞌipi imarëhuasopita natanpatëhuaꞌ, chini chiníquën cancantarihuaꞌ.

Hebreos 1:1

Iráca quëran huarëꞌ Yosësoꞌ nanamën anitotërinpoaꞌ. Shimashonënpoapita, pënëntonaꞌpiroꞌsa quëran naꞌaro anitotërin. Naporahuaton nisha nisha quëran anitotërin. Co aꞌnaromaráchin yaꞌipi anitotërinhuëꞌ.

Hebreos 13:4

Quëmapiꞌsaꞌ saꞌapachinaꞌ, ama aꞌna sanapi yonquiꞌinasohuëꞌ. Sanapiꞌsantaꞌ soꞌyahuachinaꞌ, ama soꞌinaꞌ tëhuananpichinasohuëꞌ. Ama mantaꞌ monshihuainasohuëꞌ. Monshihuanpatamaꞌ, Yosë chiníquën anaꞌintarinquëmaꞌ.

1 Juan 5:16

Aꞌnaquën Yosë imamiataponahuëꞌ, co noyahuëꞌ ninin. Co Yosë aꞌpoaponahuëꞌ, oshahuanin. Inapita marëꞌ Yosë nontahuaꞌ anoyacancanchin. Aꞌnaquënso nipirinhuëꞌ imapirinhuëꞌ, co noyahuëꞌ yonquiaton, Quisocristo chachin aꞌpomiatërin. Aꞌpomiatohuachina, chiminpi pochin cancantantapi. Co inapita marëꞌ Yosë nontacasoꞌ yaꞌhuërinhuëꞌ.

1 Samuel 12:19

Napoaton yaꞌipiya quëran Samoiro itaponaꞌ: —Sinioroso Yosënën niꞌton, ina nontëquë quiya marëꞌ. Quiyasoꞌ quëma piyapinënpitacoi ninai. Ama anaꞌintatoncoi tëpaincoiso marëhuëꞌ ina nontëquëꞌ. Paꞌpi co noyahuëꞌ nicatoi oshahuanapiraihuëꞌ, copirno acotiincoiso natanatoi, naꞌcon naꞌcon tëhuërai, itopi.

1 Samuel 12:23

Caso nipirinhuëꞌ, canpita marëꞌ orarahuësoꞌ, co tananpitapohuëꞌ. Tananpitohuatosoꞌ, Sinioro co natëtohuëꞌ oshahuanarahuë. Naporahuaton carima aꞌchintáponquëma noya nicatoma noꞌtëquën ina imacamaso marëꞌ.

1 Samuel 7:5

Ina piquëran Samoirosoꞌ comisionoꞌsa aꞌparin: “Yaꞌipi israiroꞌsanpoa Mispaquë pacatëhua niyontoanhuaꞌ. Inaquë Samoiro canpoa marëꞌ Yosë nontarin, itocoꞌ,” itërin.

1 Samuel 7:8

Tëꞌhuatona Samoiro itaponaꞌ: “Yosë nontëransoꞌ, ama copi tëquësohuëꞌ. Huiristinoꞌsa chiníquën nanantatona huaꞌanëntërincoi nipirinhuëꞌ, inapita quëran nichaꞌëincoi huachi,” itopi.