Génesis 20:6 - Chayahuita (Shahui)

⁶ Napotohuachina, Yosërinta huëꞌënquë chachin aꞌpaniantarin: “Tëhuënchachin co nitotatonhuëꞌ naporan. Napoaton ca nohuanto co ichihuëꞌëranhuëꞌ. Carinquën yaꞌcopiranquën ama oshahuanaton tëhuëtancoso marëhuëꞌ.

Génesis 20:6 ပူးပေါင်းရင်းမြစ်များ

Génesis 20:18

Siniorori nani Apimirico yaꞌhuërinquë, sanapiꞌsa anaꞌintopirinhuëꞌ. Ama huaꞌhuanacaiso marëhuëꞌ, Sara naꞌin quëran napotopirinhuëꞌ. Napoaton Apraani Yosë nontërin inari anoyatacaso marëꞌ. Napohuachina, Yosëri Apimirico saꞌin, piyapinënpita saꞌinaꞌ, inapita anoyatërin. Huaꞌhuasha yaꞌhuëtaantacaiso marëꞌ anoyatërin.

Génesis 26:11

Napotahuaton, piyapinënpita camairin: —Inquëma tëranta iso quëmapihuë nipon, saꞌinhuë nipon sëꞌhuahuatamaꞌ, tëhuënchachin chiminaramaꞌ, itërin.

Génesis 31:7

Naporahuaton nonpintahuatonco co noꞌtëquën pahuërërincosohuëntaꞌ, nitotëramaꞌ. Napoaponahuëꞌ, Yosë catahuarinco niꞌton, co aquëtë huarëꞌ ihuarincohuëꞌ.

Génesis 35:5

Paꞌpachinara, Yosë nohuanton, nisha nisha ninanoroꞌsaquë yaꞌhuëpisopita paꞌpi tëꞌhuapi. Napoatona co nanitopihuëꞌ Cacopo huiꞌninpita, imatona iꞌhuërëtacaisoꞌ.

Génesis 39:9

Chini chiníquën nanan quëtërinco iso pëiquë camaitaꞌhuaso marëꞌ. Naporahuaton, huaꞌanëhuë co maꞌsha tëranta apiratërincohuëꞌ. Quëmasáchin tëhuënchinsoꞌ saꞌinquën niꞌton, apiratërinco. Napoaton, co caso piꞌpian tëranta nohuantërahuëꞌ paꞌpi co noyahuëꞌ nininsoꞌ nicacaꞌhuasoꞌ. ¡Naporahuaton quëmarëꞌco ninahuë naporini, co Yosë natëtohuëꞌ, paꞌpi oshahuaintohuëꞌ! itërin.

Salmos 51:4

Noya pënënpirancohuëꞌ, co natëranquënhuëꞌ. Naꞌinpiro nininsoꞌ nicato tëhuëtëranquën. Co natëranquënhuë niꞌquëhuarëꞌ, anaꞌintancoso yaꞌhuërin.

Salmos 84:11

Siniorosoꞌ Yosë niꞌton, paꞌpoyarinpoaꞌ. Aꞌpintatë pochin catahuarinpoa noꞌtëquën yonquicasoꞌ. Noyasáchin nipatëhuaꞌ, nosororinpoaꞌ. Noya nicatonpoaꞌ, noya nininsoꞌ co apiratërinpoahuëꞌ.

Éxodo 34:24

Cari chachin yaꞌyoraninquëmasopita nacionoꞌsa aꞌpararahuë. Napoaton pancana huaꞌanëntaramaꞌ. Ina niꞌton, nani piꞌiquë cararo chinotamacoso marëꞌ huëꞌsaramaꞌ. Huëꞌpatamaꞌ, co insonta noꞌpanëma matiimaso yonquiaponhuëꞌ.

Mateo 27:19

Huaꞌan shiranënquë huënsëasoꞌ, saꞌinintaꞌ nanan aꞌpatiirin Quisoso ocoicaso marëꞌ. “Achin tashiꞌ aꞌninquëchin huaꞌnarahuë. Quisoso huaꞌnato, chiníquën paꞌyanahuë. Inasoꞌ noya quëmapi. Co mantaꞌ onporinhuëꞌ niꞌton, nichaꞌëquëꞌ. Co tëpacasoꞌ yaꞌhuërinhuëꞌ,” itërin saꞌini. Ina marëntaꞌ Piratori co yatëparinhuëꞌ.

1 Corintios 7:1

Iꞌhua chachin ninshitatomaco, nisha nisha natanamaco niꞌton, shaꞌhuichinquëmaꞌ. Quëmapi co yasaꞌapachinhuëꞌ, noya inaora yaꞌhuëcasoꞌ, tënahuë.

2 Corintios 6:17

Ina quëran Siniorori itantarin: “Aꞌnaquën co noyahuëꞌ cancantohuachinaꞌ, ama inapitarëꞌquëmaꞌ nipayacosohuëꞌ. Co noyahuëꞌ yonquipisoꞌ tananpitocoꞌ. Inapotohuatamaꞌ, noya niꞌsaranquëmaꞌ.

2 Tesalonicenses 2:11

Napoaton, Yosëri tananpitarin nonpin nanan natëcaiso marëꞌ. Sopai nohuanton, natëapi.

2 Tesalonicenses 2:7

Co Yosë inimiconën yaꞌnoyatëraponahuëꞌ, ipora chachin co incari tërantaꞌ nitotopirinahuëꞌ, nani sacatapi Yosë inimiconën huaꞌanëntacaso marëꞌ. Aꞌna tahuëriso nipirinhuëꞌ, Yosë nohuanton, yaꞌcopirinsoꞌ capa nipachin, Yosë inimiconën yaꞌnorarin.