Génesis 20:3 - Chayahuita (Shahui)

³ Napoaponahuëꞌ, naporo tashi chachin Yosëri huëꞌënquë pënënin: “Quëmaso chiminaran. Sanapi mananso soꞌyahuan niꞌton, chiminamaso yaꞌhuërin,” itërin.

Génesis 20:3 ပူးပေါင်းရင်းမြစ်များ

Génesis 12:17

Napoaponahuëꞌ, Sarai naꞌinin niꞌton, Yosëri huaraon anaꞌintërin. Saꞌin, huiꞌninpitarë chachin chiníquën canio quëran anaꞌintërin.

Génesis 12:18

Napoaton Apran amataton, itapon: “¿Onpoatonta napotëranco? ¡Iso sanapi saꞌan nipirinhuëꞌ, shaꞌhuichitonco pora!

Génesis 20:7

Iporaso nipirinhuëꞌ, soꞌin chachin quëtaantaquëꞌ. Inaso pënëntonaꞌpi niꞌton, quëma marëꞌ nontarinco. Ama chiminamaso marëhuëꞌ, nontarinco. Coꞌsoꞌ quëtaantahuatanhuëꞌ, saꞌan, huiꞌnanpita, inapitarëꞌquën chachin, taꞌhuantaran,” itërin huëꞌënquë.

Génesis 28:12

Naporo tashi huëꞌëton, huaꞌnarin: Aꞌnara nanpënan noꞌpaquë paquërahuaton, Yosë yaꞌhuërinquë huarëꞌ nincanin niꞌnin. Ina nanpënanquë chachin, pancatë niꞌton, Yosë anquëninënpita aꞌnaquën pantarapi, aꞌnaquënso oꞌmarapi.

Génesis 37:5

Aꞌna tashi Cosi huaꞌnarin. Tahuëririnquë, iinpita shaꞌhuitërin: —Natanco iyaroꞌsa huaꞌnarahuëso shaꞌhuichinquëmaꞌ: Huëꞌëhuëquë, iminquë yaꞌipinpoa trico masarëhuaꞌ. Manëhuasonta tonporarëhua niꞌnahuë. Aꞌnanaya ca tonporahuësosoꞌ, huanirin. Canpita tonporamasoso nipirinhuëꞌ, ca tonporahuësoꞌ mosharapi. Yaꞌipi tahuitatonaꞌ, monshopi quëran mosharapi, itërin. Ina natanahuatonaꞌ, iinpitariso aquë aquëtë noꞌhuipi.

Génesis 37:9

Ina piquëran Cosisoꞌ, huaꞌnaantarin. Naporonta iinpita shaꞌhuitaantarin: —Natanco iyaroꞌsa aꞌna huaꞌnaantarahuëso shaꞌhuitaantaꞌinquëmaꞌ. Huaꞌnato niꞌpirahuëꞌ, piꞌi, yoqui, shonca aꞌna tayoraroꞌsaꞌ, inapita monshorahuatona moshararinaco niꞌnahuë, itërin.

Génesis 40:5

Aꞌna tashiso nipirinhuëꞌ, cato huaꞌanoꞌsa chachin, huaꞌnapi. Aꞌnaya aꞌnaya huaꞌnapisoꞌ, co inachachin tapon huaꞌnapihuëꞌ, nisha nisha tapon huaꞌnapi.

Génesis 40:8

—Catocoi chachin huaꞌnapiraihuëꞌ, co insonta yaꞌhuërinhuëꞌ maꞌsona tapon huaꞌnaraiso anitotiincoisoꞌ, itopi. —¡Yosë mini nanitërin maꞌsona tapon huaꞌnarësopita anitotiinpoasoꞌ! Shaꞌhuitoco huaꞌnaramasoꞌ, itërin.

Génesis 46:2

Naporo tashi Yosëri huaꞌnarëso pochin yaꞌnotërin. Yaꞌnotahuaton, nininën quëran përarin: “Cacopo” itërin. Napotohuachina, inariso itapon: —Maꞌta Sinioro yaꞌhuarahuë, itërin.

Salmos 105:14

Insëquë tëranta paꞌpachinara, co Yosë nohuantërinhuëꞌ aꞌnapitari maꞌsha onpotacaisoꞌ. Copirnoroꞌsantaꞌ anaꞌintaton, pënënin:

Jonás 3:4

Conasëso inaquë yaꞌconahuaton, aꞌna tahuëriraꞌ iratërin. Papon pochin pënëntërarin: “¡Catapini shonca tahuëriya quëran Yosëri iso ninano ataꞌhuantapon!” tërarin.

Números 22:9

Naporo tashi Siniorori Paramo yaꞌnotahuaton, itapon:

Mateo 1:20

Huëꞌësoꞌ, Yosë anquëninëni yaꞌnotimarin nontacaso marëꞌ. —Tashita Cosi. Carinquën nohuitëranquën. Quëmasoꞌ Tapicoꞌ shinquën. Piꞌpian shaꞌhuitaponquën oꞌmarahuë. Maria noya maquëꞌ. Co quëmapiri sëꞌhuarinhuëꞌ. Ispirito Santo nohuanton, inaora cayorin. Napoaton noya maquëꞌ.

Mateo 27:19

Huaꞌan shiranënquë huënsëasoꞌ, saꞌinintaꞌ nanan aꞌpatiirin Quisoso ocoicaso marëꞌ. “Achin tashiꞌ aꞌninquëchin huaꞌnarahuë. Quisoso huaꞌnato, chiníquën paꞌyanahuë. Inasoꞌ noya quëmapi. Co mantaꞌ onporinhuëꞌ niꞌton, nichaꞌëquëꞌ. Co tëpacasoꞌ yaꞌhuërinhuëꞌ,” itërin saꞌini. Ina marëntaꞌ Piratori co yatëparinhuëꞌ.