Génesis 20:18 - Chayahuita (Shahui)

¹⁸ Siniorori nani Apimirico yaꞌhuërinquë, sanapiꞌsa anaꞌintopirinhuëꞌ. Ama huaꞌhuanacaiso marëhuëꞌ, Sara naꞌin quëran napotopirinhuëꞌ. Napoaton Apraani Yosë nontërin inari anoyatacaso marëꞌ. Napohuachina, Yosëri Apimirico saꞌin, piyapinënpita saꞌinaꞌ, inapita anoyatërin. Huaꞌhuasha yaꞌhuëtaantacaiso marëꞌ anoyatërin.

Génesis 20:18 ပူးပေါင်းရင်းမြစ်များ

Génesis 12:17

Napoaponahuëꞌ, Sarai naꞌinin niꞌton, Yosëri huaraon anaꞌintërin. Saꞌin, huiꞌninpitarë chachin chiníquën canio quëran anaꞌintërin.

Génesis 16:2

Aꞌna tahuëri Saraisoꞌ, soꞌin itapon: —Niꞌquëchi, Sinioro co nohuantërinhuë niꞌton, co huaꞌhuanahuëꞌ. Napoaponahuëꞌ, cosonanëhuë acoanchinquën topirahuë. Tapona inasoꞌ, huaꞌhuanaꞌpi nisápirinhuëꞌ. Huaꞌhuanpachin cari masarahuë huaꞌhuahuë pochachin nicacaso marëꞌ, itërin. Napotohuachina, Apranta nohuantërin.

Génesis 20:7

Iporaso nipirinhuëꞌ, soꞌin chachin quëtaantaquëꞌ. Inaso pënëntonaꞌpi niꞌton, quëma marëꞌ nontarinco. Ama chiminamaso marëhuëꞌ, nontarinco. Coꞌsoꞌ quëtaantahuatanhuëꞌ, saꞌan, huiꞌnanpita, inapitarëꞌquën chachin, taꞌhuantaran,” itërin huëꞌënquë.

Génesis 30:2

Cacoporiso nipirinhuëꞌ, noꞌhuiton itapon: —¡Co caso Yosëcohuëꞌ! Ina co nohuantërinhuë niꞌton, co huaꞌhuananhuëꞌ, itërin.

1 Samuel 1:6

Napoaton Pininarisoꞌ co yainhuëꞌ nontërin. Naporahuaton Sinioro nohuanton co huaꞌhuanaꞌpihuë niꞌton, nocanaton tëhuarin. Noꞌhuiantërinsoꞌ nichinapon chachin napotërin.

1 Samuel 5:10

Naporoꞌ aꞌnaquëni, Icoron ninano itopiquë Yosë caposonën quëpaantapi. Inaquë quëꞌcanpachinara yaꞌipi ina ninanoquë yaꞌhuëpisopita chiníquën noncaropi: “¡Israiroꞌsa Yosë chinotopiso caposonën quëshiantërinënpoaꞌ! ¡Yaꞌipinpoa tiquiinpoaso marëꞌ napotarinënpoaꞌ!” topi.