Génesis 20:17 - Chayahuita (Shahui)

¹⁷ Ina quëran Apraan, Yosë nontërin Apimirico marëꞌ. Ina saꞌin, cosonanënpita, inapita marëntaꞌ, Yosë nontërin. Nontohuachina, Yosëri anoyatërin. Naquëranchin huaꞌhuasha yaꞌhuëtaantacaiso marëꞌ anoyatërin.

Génesis 20:17 ပူးပေါင်းရင်းမြစ်များ

Génesis 12:17

Napoaponahuëꞌ, Sarai naꞌinin niꞌton, Yosëri huaraon anaꞌintërin. Saꞌin, huiꞌninpitarë chachin chiníquën canio quëran anaꞌintërin.

Génesis 20:7

Iporaso nipirinhuëꞌ, soꞌin chachin quëtaantaquëꞌ. Inaso pënëntonaꞌpi niꞌton, quëma marëꞌ nontarinco. Ama chiminamaso marëhuëꞌ, nontarinco. Coꞌsoꞌ quëtaantahuatanhuëꞌ, saꞌan, huiꞌnanpita, inapitarëꞌquën chachin, taꞌhuantaran,” itërin huëꞌënquë.

Génesis 29:31

Cacoposoꞌ, Nia co onpopinchin nosororinhuëꞌ. Ina nitotaton, Siniorori catahuarin huaꞌhuanacaso marëꞌ. Naquiraso nipirinhuëꞌ, ina nohuanton chachin, co nito huaꞌhuaninhuëꞌ.

Esdras 6:10

Inapotohuatamaꞌ, Yosë inápaquë huaꞌanëntërinso noya chinotapi. Ina marëꞌ maꞌsha tëparahuatonaꞌ, ahuiquitapi. Naporahuaton ca marëntaꞌ, Yosë nontapi. Huiꞌnahuëpita marëntaꞌ, Yosë nontapi.

Copo naporinso' 42:8

Noꞌhuiranquëmasoꞌ sanocaꞌhuaso marëꞌ, isopocoꞌ: Canchisë toro, nápo chachin carnironta quëpatomaꞌ, Copo niꞌconcoꞌ. Inari canpita marëꞌ inapita tëparahuaton yaꞌipi ahuiquitapon. Inapotahuaton canpita marëꞌ nontarinco. Nontohuachinco, noya natanahuato co maꞌsha onpotaranquëmahuëꞌ. Co noꞌtëquën yonquirapitomacohuëꞌ Copo shaꞌhuitëramaso marëꞌ, naꞌinamaꞌ. Napopiramahuëꞌ, co maꞌsha onpotaranquëmahuëꞌ. Coposoꞌ, noꞌtëquën yonquiarapitonco shaꞌhuirin,” itërin.

Proverbios 15:8

Co noyahuëꞌ nipisopita Yosë marëꞌ maꞌsha acopisoꞌ, Yosëri co noyahuëꞌ niꞌsarin. Noya nipisopitari nontohuachinasoꞌ, noya natanaton catahuarin.

Isaías 45:11

Caso Sinioroco noyasáchin ninahuë niꞌton, Israiro chinotërinco. Carima canpitasoꞌ, piyapinëhuëpita nicamaso marëꞌ acoranquëmaꞌ. Huiꞌnahuëpita maꞌsona onpotaꞌhuasoꞌ yonquirahuësoꞌ, ¡co naniarin quëran huarëꞌ natanamacoso yaꞌhuërinhuëꞌ! Maꞌsona nicacaꞌhuaso marëntaꞌ, ¡co canpita camaiamacoso yaꞌhuërinhuëꞌ!

Números 21:7

Napohuachinara, Moisësë paaparahuatona itaponaꞌ: —¡Maꞌhuantacha ninai paya! Sinioro noꞌhuitoi, quëmanta noꞌhuitënquën oshahuanai. Sinioro nontëquë yaꞌhuanoꞌsa aꞌpachincoi, itopi. Itohuachinara, Moisësëso Sinioro nontërin. Israiroꞌsa oshanën inquitaton, catahuantacaso marëꞌ nontërin.

Mateo 21:22

Yosë nontohuatamaꞌ, noya natëcoꞌ. “Tëhuënchachin Yosë catahuarinco,” topatamaꞌ, naꞌcon catahuarinquëmaꞌ. Maꞌsona tërantaꞌ nipatamaꞌ, acotarinquëmaꞌ, tënin.

Mateo 7:7

Ina quëran itaantarin: “Nani tahuëri Yosë nontocoꞌ nataꞌinquëmaꞌ. Pahuantërinquëmasoꞌ nipatamaꞌ, quëtarinquëmaꞌ. Maꞌsha yonirëso pochin cancantatomaꞌ, nontácoꞌ catahuainquëmaꞌ. Yaꞌcoana piꞌnirëso pochin cancantatomaꞌ, nontocoꞌ ayaꞌcoinquëmaꞌ.

Hechos 3:24

Yaꞌipi pënëntonaꞌpiroꞌsaꞌ iso tahuëriꞌsaꞌ ninopi. Samoiro quëran huarëꞌ napopi.

Filipenses 4:6

Maꞌsha onpohuatamaꞌ, ama paꞌyancosohuëꞌ. Ama nisha nisha yonquicosohuëꞌ. Yosë nontocoꞌ catahuainquëmaꞌ. Maꞌsha pahuantohuachinquëmaꞌ, nitocoꞌ. “Ma noya catahuarancoi niꞌton, ‘Yosparinquën, Sinioro,’ ” itocoꞌ.

1 Tesalonicenses 5:25

Quiya marëntaꞌ iyaroꞌsaꞌ Yosë nontocoꞌ.

Santiago 5:16

Napoaton maꞌsona tërantaꞌ co noyahuëꞌ nipatëhuaꞌ, imarëhuasopita capini nishaꞌhuitahuaꞌ. “Ina marëꞌ casoꞌ oshahuanahuë,” nitahuaꞌ. Itohuaran capini Yosë nontahuaꞌ anoyachinpoaꞌ. Yaꞌipi co noyahuëꞌ yonquirëhuasopita naniantohuatëhuaꞌ, chiníquën ina nontohuatëhuaꞌ, naꞌcon catahuarinpoaꞌ.