Génesis 2:8 - Chayahuita (Shahui)

⁸ Ina piquëran, Sinioroso noyápiachin nararo Itin itopiquë acorin. Inaso noꞌpaꞌ, Cortaniiꞌ quëran piꞌi pipirinso parti quëparitërin. Inaquë yaꞌhuëcaso marëꞌ quëmapi nininso acorin.

Génesis 2:8 ပူးပေါင်းရင်းမြစ်များ

Génesis 13:10

Natanahuaton Notosoꞌ, motopiaꞌhua quëran, Cortaniiꞌ yonsan noyarotomarinso nocorin. Sohuaro ninanoaꞌhuaquë huarëꞌ notërinsoꞌ icanin. Inaquësoꞌ, notohuaroꞌ iꞌ yaꞌhuërin niꞌton, paꞌpi noyaroꞌpaꞌ ninin. Sinioro shaꞌtërinquë pochin niꞌton, Iquipito noꞌpaꞌ pochin ninin. (Ina pochin iráca ina noꞌpaꞌ nipirinhuëꞌ, coꞌhuara Siniorori Sotoma, Comora, inapita ninanoroꞌsa ataꞌhuanchátërasohuëꞌ, naporin.)

Génesis 3:23

Napoaton Sinioroso Yosë niꞌton, noyápiachin nararo quëran quëmapi ocoirin. Ocoirahuaton, niquë acorin. Inaquë sacatacaso marëꞌ acorin. Noꞌpaquë chachin sacatapon huachi.

Génesis 3:24

Piyapi ocoirahuaton, piꞌi pipirin parti quëran aꞌpaito anquëniroꞌsa acorin. Inapitasoꞌ, quiropinoꞌsa itopi. Noyápiachin nararo aꞌpaicaiso marëꞌ acorin. Ina yaꞌcarintaꞌ, sahuëni orotaton huënin huënintárin acorin. Ama incari tëranta nanpirin nara yaꞌcaricaso marëhuëꞌ, aꞌpairapi.

Génesis 4:16

Ina quëran Caino paꞌnin. Yosë quëran pipirahuaton, Noto parti yaꞌhuëconin. Inaso noꞌpaꞌ, Itin quëran piꞌi pipirinso parti quëparitërin.

2 Reyes 19:12

Iráca shimashonëhuëpitanta copirno yaꞌconpi. Inapitanta naꞌa ninanoroꞌsa ataꞌhuantopi. Inapitasoꞌ nisha nisha yosëroꞌsa moshapirinahuëꞌ, co inapitari nichaꞌërinhuëꞌ: Cosan ninanoꞌ, Aran, Nisihui, Tirasaro, inapita ninanoroꞌsa ataꞌhuantopi. (Tirasaroquësoꞌ, Piti-itin parti quëran huëcatona inaquë yaꞌhuëpirinahuëꞌ, ataꞌhuantopi.)

Joel 2:3

Ina sontaroꞌsasoꞌ, pën aꞌnaroáchin maꞌsha ahuiquitërinso pochin yaꞌipi quënanpisoꞌ pëꞌyarapi. Coꞌhuara naꞌhuëyátërasoihuëꞌ, nani maꞌsha huiquitërantarin. Nani naꞌhuëpi piquëraontaꞌ, pën co sanoarinhuëꞌ. Coꞌhuara inapita canquiátërasoihuëꞌ, isoroꞌpaso noyápiachin nararo pochin nipirinhuëꞌ. Inapita naꞌhuëhuachina, topinan iꞌhuananárin patapi. Co maꞌshari tëranta chaꞌëtaponhuëꞌ.