Génesis 2:7 - Chayahuita (Shahui)

⁷ Naporoꞌ Sinioroso Yosë niꞌton, yaniroꞌpaꞌ amocan quëran quëmapi ninin. Nani nisahuaton, nanpicaso marëꞌ pihuinitërin. Inapotohuachina, niirahuaton nanpirin huachi.

Génesis 2:7 ပူးပေါင်းရင်းမြစ်များ

Génesis 1:27

Yosëri piyapi acoapon, inaora pochachin acorin. Aꞌnara quëmapi, aꞌnara sanapi. Inaíchin ninin.

Génesis 2:6

Napoaponahuëꞌ, noꞌpa quëran chachin iꞌsha pipiton, sëꞌcotërotárin.

Génesis 3:19

Paꞌpi chiníquën sacatahuarëꞌ coshataran. Napoin quëran chiminaran huachi. Noꞌpa quëran ninanquën niꞌton, noꞌpa chachin niantamaso yaꞌhuërin, itërin.

Génesis 3:23

Napoaton Sinioroso Yosë niꞌton, noyápiachin nararo quëran quëmapi ocoirin. Ocoirahuaton, niquë acorin. Inaquë sacatacaso marëꞌ acorin. Noꞌpaquë chachin sacatapon huachi.

Copo naporinso' 4:19

Aquëtë huarëꞌ piyapiꞌsasoꞌ, co manta chinipihuëꞌ. Noꞌpapi pëi amocanquë pëipiso pochin niconpi. Noꞌson pochin shiꞌsharichináchin niconpi.

Salmos 100:3

Yosëíchin chini chiníquën nanantërin. Ina nitotoco canpitantaꞌ. Inaso nininpoa niꞌton, huaꞌanëntërinpoaꞌ. Ina piyapinënpoa canpoasoꞌ. Ohuicaroꞌsa huaꞌanëni aꞌpairinso pochin noya aꞌpairinpoaꞌ.

Salmos 103:14

Canpoasoꞌ, amocan quëran nininpoa niꞌton, co chinirëhuasohuëꞌ, nitotërin. Napoaton nosororinpoaꞌ.

Eclesiastés 12:7

Amocan quëran Yosë nininquën niꞌton, chiminpatan nonënsoꞌ, noꞌpaꞌ niantapon. Ispiritonëntaꞌ, Yosëꞌpaꞌ paantapon. Ina quëtërinquën niꞌton, ina chachin mataantarinquën.

Eclesiastés 3:7

Oshacaso tahuëri. Osharësonta pipitaantacaso tahuëri. Taꞌtápaso tahuëri. Nonacaso tahuëri.

Isaías 64:8

Napopiraihuëꞌ, quëmaso Sinioro tatahuëi pochin ninan. Quiyaso tëshiroꞌpa pochin ninai. Quëmaso tëshitonaꞌpi pochin ninan. ¡Quëmasáchin yaꞌipicoi ninancoi!

Ezequiel 37:6

Pancarin ipatëroꞌsaꞌ, nosha, inapita acotaranquëmaꞌ. Shaꞌhuëtënta yaꞌhuëtarinquëmaꞌ. Inapotahuatënquëmaꞌ, niinëhuë quëtaranquëma nanpiantaramaꞌ. Inapotohuatënquëmaꞌ, ca Sinioroco ninahuëso anitotaranquëmaꞌ,” tënin,’ itëquëꞌ,” itërinco.

Juan 20:22

Ina quëran pihuirahuaton, —Ispirito Santo yaꞌcoancanchinquëma huachi. Ina catahuarinquëmaꞌ noꞌtëquën pënëntacamasoꞌ.

Hechos 17:25

Co piyapi maꞌshanënpita nohuantërinhuëꞌ. Co mantaꞌ pahuantërinhuëꞌ. Inariáchin yaꞌipi maꞌshanënpoaꞌ quëtërinpoaꞌ. Ina nohuanton, nanpirëhuaꞌ. Ina nohuanton, cosharoꞌ, maꞌsha, inapita yaꞌhuëtërinpoaꞌ.

Romanos 9:20

¿Maquëma cháchintaꞌ niꞌtomaꞌ, nanitëramaꞌ Yosë chachin pinocamasoꞌ? Niꞌcoꞌ. Piyapi tëshitohuachina, minëꞌ, huëꞌëta, inapita ninin. Nipachina, co tëshiri huaꞌanën noꞌhuirinhuëꞌ. “¿Onpoatontaꞌ naponin ninanco?” co itërinhuëꞌ.

1 Corintios 15:45

Yosë quiricanënquë tapon: “Iráca Yosëri yaꞌnan quëmapi nininsoꞌ Atan itërin. Inasoꞌ nonën quëtërin isoroꞌpaquë nanpicaso marëꞌ,” tënin. Iporasoꞌ Quisocristontaꞌ Atan pochin nicaponahuëꞌ, Yosë chachin niꞌton, catahuarinpoaꞌ canpoantaꞌ Yosë pochin nanpicaso marëꞌ.

1 Corintios 15:47

Atansoꞌ noꞌpa quëran ninin isoroꞌpaquë nanpicaso marëꞌ. Quisocristoso nipirinhuëꞌ Yosë yaꞌhuërin quëran oꞌmarin niꞌton, noya noya ninin.

2 Corintios 4:7

Co quiyasoꞌ chiníquën nanantopiraihuëꞌ, Yosë nohuitatoi, aꞌnapitantaꞌ catahuarai ina nohuitacaiso marëꞌ. Niꞌcoꞌ. Yonsha, huëꞌëta, inapita noꞌpa quëran nipi niꞌton, co yaꞌhuëmiatërinhuëꞌ. Aꞌnaroáchin yaꞌquihuachina, co noyatërinhuëꞌ. Napoonin. Inapochachin quiyantaꞌ co chiníquën cancantopiraihuëꞌ, Yosë catahuarincoi nanamën aꞌchinaꞌhuaisoꞌ. Aꞌnapitantaꞌ natanatonacoi, yonquiapi. “Ma noyacha Yosëri catahuarin paya. Co catahuarinhuëꞌ naporini, co ina pochin nanichitonahuëꞌ,” tosapi.

2 Corintios 5:1

Niꞌcoꞌ. Pëiꞌ nëꞌmëtë quëran nipachinara, co huaꞌquirinhuëꞌ. Inapochachin nonënpoantaꞌ co yaꞌhuëmiatarinhuëꞌ. Chiminpatëhuaꞌ, Yosëꞌpaꞌ paꞌpatëhuaꞌ, nasha nonënpoaꞌ Yosë quëtarinpoaꞌ. Noya noya nininsoꞌ quëtarinpoaꞌ. Inasoꞌ co onporontaꞌ chanatarinhuëꞌ.

1 Timoteo 2:13

Atanꞌton Yosëri ninin. Ina quëran Ipa ninin Atan catahuacaso marëꞌ.

Hebreos 12:9

Tatanpoaꞌ pënënpachinpoara, natërëhuaꞌ. Piꞌpian anaꞌintopirinpoahuëꞌ, co noꞌhuirëhuahuëꞌ. Noya nicatëhuaꞌ, natërëhuaꞌ. Tata Yosëso nipirinhuëꞌ naꞌcon naꞌcon natëcasoꞌ yaꞌhuërin. Inasoꞌ nininpoaꞌ niꞌton, natëhuatëhuaꞌ, noya noya nanpiarihuaꞌ.