Génesis 2:4 - Chayahuita (Shahui)

⁴ Ina pochin Yosë iráca: Isoroꞌpaꞌ, piꞌiroꞌtëꞌ, inapita acorin. Yaꞌipi noꞌtëquën shaꞌhuitaranquëmaꞌ. Sinioroso Yosë niꞌton, inapita yaꞌnan acoaponahuëꞌ,

Génesis 2:4 ပူးပေါင်းရင်းမြစ်များ

Génesis 1:1

Yosë nani maꞌsha acorinso shaꞌhuichinquëmaꞌ: Iráca co manta yaꞌhuërinhuëꞌ. Yosëíchin yaꞌhuërin. Caniaritapon, piꞌiroꞌtëꞌton acorin. Ina quëran isoroꞌpantaꞌ, acorin.

Génesis 1:28

Noya yonquirapiton iso pochin shaꞌhuitërin: “Nóya yaꞌhuëcoꞌ. Naꞌa huaꞌhuasha yaꞌhuëchinquëmaꞌ. Shiparimapita naꞌatonaꞌ, yaꞌipi parti yaꞌhuëꞌinaꞌ. Yaꞌipi huaꞌanëntocoꞌ. Samiroꞌsaꞌ, maꞌsharoꞌsaꞌ, anpiantëhuanoꞌsaꞌ, niohuaratërinsopita, inapita huaꞌanëntocoꞌ,” itërin.

Génesis 1:3

Naporoꞌ Yosë tapon: “¡Tashinantërinso niiꞌsohuanchin huachi!” tënin. Topachina, niiꞌsohuantërin huachi.

Génesis 1:31

Naporoꞌ Yosëri yaꞌipi acorinsopita nicaton: “¡Ma nóyacha yaꞌipi acorahuë paya!” tënin. Tashiantarahuaton tahuëriantahuachina, iꞌhuaraya huarëꞌ saota tahuëri nanirin huachi.

Génesis 1:4

Niiꞌsohuantërinso nóya nicaton, nisha acorin. Tashintaꞌ, nisha acorin.

Génesis 10:1

Iporasoꞌ, Simo, Camo, Cahuito, inapita shinpita napopiso shaꞌhuichinquëmaꞌ. Pacon paꞌninso piquëran huiꞌnahuanatona naꞌantapisoꞌ, shaꞌhuichinquëmaꞌ. Simo, Camo, Cahuito, inapitaso nani shaꞌhuirahuëso chachin, Noi huiꞌninpita.

Génesis 11:10

Simo shinpita napopiso shaꞌhuichinquëmaꞌ. Pacon paꞌninso piquëran cato piꞌipitapasoꞌ, Simo pasa piꞌipitarin. Naporoꞌ aꞌnara huiꞌnin nasitërin. Nasitohuachina, Aropasa, itërin.

Génesis 25:12

Shaꞌhuitëranquëmaso chachin, Apraan Acaraquëya huiꞌnahuanpachina, Ismairo itopi. Acarasoꞌ, iquipitoron. Sara piyapinën. Ismairo huiꞌninpitasoꞌ, isopita:

Génesis 25:19

Iporaso Isaco naporinso shaꞌhuichinquëmaꞌ: Inasoꞌ, Apraan huiꞌnin.

Génesis 36:1

Isao quëran pipipisopita shaꞌhuichinquëmaꞌ. Inasoꞌ, Itomo itopi antaꞌ.

Génesis 36:9

Ina nápo Isao huiꞌninpita yaꞌhuëtërin. Inasoꞌ, yaꞌipi itomoroꞌsa shimashonën. Inapitasoꞌ, Sëir motopiroꞌsa parti yaꞌhuëpi.

Génesis 5:1

Atan shinpita napopiso shaꞌhuichinquëma nitotocoꞌ. Yosëri piyapi nipachina, inaora pochachin ninin.

1 Reyes 18:39

Ina nicatona yaꞌipi niꞌtërantapisopita isonpi. Noꞌpaquë huarëꞌ monshorahuatonaꞌ: “¡Siniorocha Yosëso paya!” topi.

Copo naporinso' 38:28

Oꞌnan, poroncayoꞌ, inapitasoꞌ, co piyapiꞌsa pochin paꞌpina yaꞌhuëtopihuëꞌ. ¡Ca nohuanton inapitaso yaꞌhuëpi!

Copo naporinso' 38:4

Isoroꞌpaꞌ yaꞌhuëcaso marëꞌ simintonën pochin nininsoꞌ acoasoco, ¿insëquëta naporo quëmasoꞌ nisaran? ‘¡Naꞌcon nitotërahuë!’ tënan niꞌquëhuarëꞌ, ¡Shaꞌhuitoco insëquësona naporo nisaransoꞌ!

Éxodo 15:3

Chini chiníquën niꞌton, inimicoroꞌsa tiquirin. Inasoꞌ, Sinioro itërëhuaꞌ.

Isaías 44:6

Siniorosoꞌ yaꞌipi nanitaparin. Inasoꞌ, israiroꞌsa nichaꞌësahuaton huaꞌanëntërin. Ina nontatënquëma naporin: “Coꞌhuara isoroꞌpaꞌ yaꞌhuëyátërasohuëꞌ, caꞌton yaꞌhuërahuë. Nani maꞌsha yaꞌhuërinsopita taꞌhuantopiriontaꞌ, caso yaꞌhuëápo. Casáchin Yosëco.

Apocalipsis 1:4

Ca Coanshaco quirica aꞌpataranquëmaꞌ. Asia parti yaꞌhuëramasopita ninshitaranquëmaꞌ. Imaramaꞌ niꞌton, aꞌnaya aꞌnaya ninanoroꞌsaquë niyontonatomaꞌ, Yosë chinotëramaꞌ. Canchisë ninanoquë niyontonamasoꞌ aꞌnaya aꞌnayanquëmaꞌ yonquiatënquëmaꞌ, ninshitaranquëmaꞌ. Inaora nohuanton, Tata Yosë noya catahuainquëmaꞌ. Asanocancainquëmaꞌ. Iráca quëran huarëꞌ yaꞌhuërin. Ipora huantaꞌ nanpiarin. Inasoꞌ yaꞌhuërápon. Co onporontaꞌ chimianinhuëꞌ. Huaꞌanëntacasoꞌ shiranën notënanquë canchisë ispiritoroꞌsaꞌ yaꞌhuapi catahuainquëmaso marëꞌ.

Apocalipsis 1:8

Yosë chachin shaꞌhuitërinpoaꞌ: “Caꞌton yaꞌhuërahuë. Coꞌhuara isoroꞌpaꞌ yaꞌhuëyátërasohuëꞌ, yaꞌhuárahuë. Aꞌna tahuërintaꞌ yaꞌipi maꞌsharoꞌsaꞌ taꞌhuantopirinahuëꞌ, casoꞌ yaꞌhuápo. Iráca quëran huarëꞌ yaꞌhuërahuë. Ipora huantaꞌ nanpiárahuë. Co onporontaꞌ taꞌhuantapohuëꞌ, yaꞌhuërápo. Chini chiníquën nanantërahuë,” tënin.

Apocalipsis 16:5

Napohuachina, anquëni iiꞌ aꞌpairinsoari Yosë nontaton tapon: “Noꞌtëquën Sinioro anaꞌintaran. Iráca quëra huarëꞌ yaꞌhuaton, ipora huantaꞌ nanpiaran. Noyasáchin ninan.