Génesis 19:9 - Chayahuita (Shahui)

⁹ Inapitariso nipirinhuëꞌ, itaponaꞌ: —¡Poꞌshaquë quëmasoꞌ! Nisha piyapinquën niponahuëꞌ, ¿yacamairancoi ti? ¡Iporaso huachi inapita quëran naꞌcon naꞌcon, quëma nitarainquën! itopi. Napotatonaꞌ, Noto ahuërapi. Pëinën yaꞌcoanantaꞌ, yapaparapitopi huachi.

Génesis 19:9 ပူးပေါင်းရင်းမြစ်များ

Génesis 11:6

Niꞌquimarahuaton, yonquirin: “Isopitaso inaquësáchin yaꞌhuatonaꞌ, ina nananquësáchin nonpi niꞌton, nani caniaritopi sacatacaisoꞌ. Poꞌpachinara, co incari tëranta nanitarinhuë atananpitacasoꞌ.

Génesis 13:12

Apransoꞌ, Canaan parti quëparitërin. Notosoꞌ, Cortaniiꞌ yonsan ninanoroꞌsa parti yaꞌhuëconin. Sotoma yaꞌcariya yaꞌhuëconin.

Éxodo 2:14

Napotopirinhuëꞌ, ahuëtonaꞌpiriso itapon: —¡Co insonta camaiancoso marëꞌ nanan quëtërinquënhuëꞌ! Co coisë pochin nicamaso yaꞌhuërinhuëꞌ. Iꞌhuara Iquipito quëmapi tëparanso pochin ¿ca yaꞌhuërëꞌ yatëpaantamaranco ti? itërin. Ina natanahuaton, Moisësë paꞌyanin: “Iquipito quëmapi tëparahuësoꞌ nani yaꞌipi nitotopi,” tënin yonquinënquë.

Proverbios 27:3

Naꞌpi, inotëꞌ, inapitaso paꞌpi quëquën. Co yonquinahuanhuëꞌ noꞌhuitërinsoso napoaponahuëꞌ, inapita quëran quëquën quëquën pochin ninin.

Isaías 65:5

Napoaponaraihuë nonpachinara: ‘Ama yaꞌcaricosohuëꞌ. Inaquëranchin huaniquëꞌ. Quëmá quëran noya noyaco niꞌton, co cariancoso yaꞌhuërinhuëꞌ,’ toconpi. Napoatonaꞌ, pën nani tahuëri orotárinso pochin nipi. Conai imëhuatëra, apininposo pochin nipi,” tënin.

Mateo 7:6

Ina quëran itaantarin: “Isontaꞌ aꞌchinchinquëmaꞌ. Niꞌniroꞌsaꞌ, coshiroꞌsaꞌ, inapita co yonquipihuëꞌ. Huirinaꞌpi paꞌton nininsoꞌ co quëtacasoꞌ yaꞌhuërinhuëꞌ. Noꞌpaquë acoramaꞌ naporini, iꞌnachitonahuëꞌ. Ina quëran canpitantaꞌ yaquëtëitënquëmahuëꞌ. Aꞌnaquën piyapiꞌsantaꞌ niꞌniroꞌsa pochin cancantopi niꞌton, Yosë nanamën aꞌchintohuatamaꞌ, chiníquën noꞌhuiarinënquëmaꞌ. Co piꞌpisha tërantaꞌ nohuantohuachinahuëꞌ, tananpitocoꞌ,” itërin.

1 Samuel 17:44

Napotahuaton itaantapon: —Noyapaꞌ. ¡Huëquë nipachin tëpatënquën soporoꞌsaꞌ, niꞌniroꞌsaꞌ, inapita aꞌcaꞌinquën! itërin.

1 Samuel 2:16

Napotohuachina aꞌnaquëni itapon: “Coꞌ. Tomaquënꞌton Sinioro marëꞌ corto huaꞌani ahuiquitacaso yaꞌhuërin. Ina piquëran quëmasoꞌ nohuantëransoꞌ maquëꞌ,” itërin. Napotohuachina, inariso itaantapon: “Co naporinhuëꞌ, apiramiachin quëtancoso yaꞌhuërin. Co noya quëran quëtohuatancohuëꞌ, osërëtaranquën,” itërin.