Génesis 19:3 - Chayahuita (Shahui)

³ Napotopirinahuëꞌ, Notori naquëranchin naquëranchin shaꞌhuitohuachina, napoin quëran pëinënquë paꞌpi huachi. Canconpachinara, noya cosharo nitërin. Pan co ahuëpocatopinanhuëꞌ anpitaton, inapitarëꞌ acotohuachina, niꞌtoroꞌsa coshatopi huachi.

Génesis 19:3 ပူးပေါင်းရင်းမြစ်များ

Génesis 19:2

Monshorin quëran itapon: —Caso siniororoꞌsa piyapinëma pochinco. Huëco pëinëhuëquë onpopionta huëꞌëcamaso nohuantocoꞌ. Inaquë nanitërama nipaꞌmorantëcamasoꞌ. Tashiraya yapaꞌpatama paantacoꞌ, itërin. Napotopirinhuëꞌ, inapitaso co nohuantopihuëꞌ. —Naporinchi paya. Napopiranhuëꞌ co nohuantëraihuëꞌ. Caniquë tëranta noya huëꞌëpoi, itopi.

Génesis 21:8

Isacoaꞌhuaya oshaquëran soꞌsohuachina, aꞌshini aꞌpotërin. Aꞌpotërinso tahuëri, capa cancantacaiso marëꞌ Apraan panca pita ninin.

Génesis 24:31

Inaquë nontaton itapon: —Huëquë api. Quëmasoꞌ Sinioro noya catahuarinquën. ¡Co aipiran quëparitamaso yaꞌhuërinhuëꞌ! Nani pëi taparahuë canpita marëꞌ. Camiyoroꞌsanta huëꞌëcaisoꞌ, nani taparahuë, itërin.

Génesis 26:30

Napotohuachinara, naporo chachin Isacori panca pita nitërin niꞌton, coshatopi, oꞌopi, napopi.

2 Reyes 4:8

Aꞌna tahuëri Irisiosoꞌ, Sonin ninanotaëchin naꞌhuërarin. Naꞌhuësoꞌ, aꞌna yaꞌhuëhuan sanapiri cosharo caꞌpacaso marëꞌ apisárin quëran, pëinënquë poꞌmorin. Inaso sanapi chiníquën nanantërin. Ina piquërantaꞌ, nani paꞌninquë inaquë coshatapatërin.

Éxodo 12:39

Iquipitoroꞌsari yaꞌhuëpi quëran pipicaisoꞌ amanotopi. Napoaton, co caracaiso tëranta anpiaponaraihuëꞌ, pipipi. Napoaton pan co ahuëpocatopinanhuë nicacaiso marëꞌ tapapisoꞌ mapi. Masahuatonaꞌ, huancopi anpipi huachi.

Lucas 11:8

Nipayarinsoꞌ niponahuëꞌ, co nohuantopiriontaꞌ, naquëranchin naquëranchin nitantahuachina, huënsëintarahuaton, quëtapon.

Lucas 14:23

“Ninano quëran pipirahuaton, macoantaquëꞌ. Nisha nisha ira paꞌtaton, shaꞌhuitonquëꞌ huëꞌinaꞌ. Iminoꞌsaquë huarëꞌ paaton, maconquëꞌ. Naꞌa piyapiꞌsaꞌ nohuantërahuë.

Lucas 5:29

Ina quëran naꞌa amiconënpita amatërin pëinënquë coshatacaiso marëꞌ. Quisoso nohuitacaiso marëꞌ amatërin. Naꞌa copirno marëꞌ coriqui maꞌpatonaꞌpiroꞌsantaꞌ huëꞌpi.

Juan 12:2

Inaquë canconpatëira, yaꞌhuëhuanoꞌsaꞌ amatërinacoi caꞌpataꞌhuaiso marëꞌ. Quisoso nosoroatonaꞌ, napopi. Martasoꞌ cosharoꞌ oꞌhuinarin. Nasarontaꞌ inaquë coshatarin.

1 Corintios 5:8

Pascoa pita naꞌhuasoiꞌ, yaꞌipi ahuëpocatërinsoꞌ tëꞌyatopi. Inapochachin canpoantaꞌ yaꞌipi co noyahuëꞌ yonquirëhuasopita aꞌpoatëhuaꞌ, noyasáchin niahuaꞌ. Ama huachi co noyahuëꞌ niahuasohuëꞌ. Noyápiachin cancantatëhuaꞌ, noꞌtëquënáchin yonquiaꞌahuaꞌ.

2 Corintios 5:14

“Quisocristo naꞌcon nosororinpoaꞌ,” taꞌtoi, nanamën aꞌchinárai. Canpoa marëꞌ inasoꞌ chiminin. Ina imapatëhuaꞌ, canpoantaꞌ chiminëhuaso pochin niꞌninpoaꞌ.

Hebreos 13:2

Co nohuitapomarahuëꞌ, nosorocoꞌ. Huëꞌpachina, noya nontatomaꞌ, oꞌshitocoꞌ, aꞌcacoꞌ. Iráca aꞌnaquën napopisoꞌ yonquicoꞌ. Niꞌtoroꞌsaꞌ huëꞌpachinara, “Huëcoꞌ niꞌquicoi,” itërin. Piyapitaꞌmaꞌ topirinhuëꞌ, Yosë anquëninën chachin aꞌcarin. Inapochachin canpoantaꞌ niꞌtoroꞌsaꞌ noya nontahuaꞌ.

Jueces 6:19

Quitionosoꞌ paꞌsahuaton aꞌnara chipoaꞌhua tëparin. Tëparahuaton poꞌmorin. Ina poꞌmorahuaton cato shonca quiro pochin tricoroꞌmo manin. Ina quëraontaꞌ, pan co ahuëcatopinanhuëꞌ anpirin. Chipoaꞌhua noshinën anpirinsosoꞌ, aꞌna iꞌmëquë poꞌmorin. Noꞌhuiquënsoꞌ, huëꞌëtaquëranchin acorin. Yaꞌipi inapita insina narataquë quëparin.

1 Samuel 28:24

Naporoꞌ sanapisoꞌ, toroaꞌhua amoshin pëꞌtahuarinsoꞌ manin. Pëinën aquëtëran acorinso masahuaton tëparin. Ina piꞌisoꞌ tricoroꞌmonta manin. Ina quëran pan co ahuëpocatopinanhuë anpirin.