Génesis 19:24 - Chayahuita (Shahui)

²⁴ Naporoꞌ Siniorori, pën oꞌnan pochin aꞌpaimarin. Shaꞌpi moꞌshirë chachin, aꞌpaimarin. Sotoma, Comora, inapita ninanoroꞌsa aipi aꞌpaimarin.

Génesis 19:24 ပူးပေါင်းရင်းမြစ်များ

Génesis 13:10

Natanahuaton Notosoꞌ, motopiaꞌhua quëran, Cortaniiꞌ yonsan noyarotomarinso nocorin. Sohuaro ninanoaꞌhuaquë huarëꞌ notërinsoꞌ icanin. Inaquësoꞌ, notohuaroꞌ iꞌ yaꞌhuërin niꞌton, paꞌpi noyaroꞌpaꞌ ninin. Sinioro shaꞌtërinquë pochin niꞌton, Iquipito noꞌpaꞌ pochin ninin. (Ina pochin iráca ina noꞌpaꞌ nipirinhuëꞌ, coꞌhuara Siniorori Sotoma, Comora, inapita ninanoroꞌsa ataꞌhuanchátërasohuëꞌ, naporin.)

Génesis 13:12

Apransoꞌ, Canaan parti quëparitërin. Notosoꞌ, Cortaniiꞌ yonsan ninanoroꞌsa parti yaꞌhuëconin. Sotoma yaꞌcariya yaꞌhuëconin.

Génesis 18:17

Papon pochin, Siniorosoꞌ yonquiraarin. “Apraan quëran aꞌna tahuëri panca nacion pipiarin. Naporahuaton ina nacionsoꞌ, chiníquën nanantarin. Napoaton maꞌsona yaninahuësoꞌ, shaꞌhuitaꞌhuaso yaꞌhuërin. Nani shaꞌhuitërahuë yaꞌipi nacionoꞌsa isoroꞌpaquë yaꞌhuërinsopita, ina quëran catahuaꞌhuaso marëꞌ.

Génesis 19:23

Nani tahuërihuachina Notosoꞌ, Soaro ninanoquë camarin.

Copo naporinso' 1:16

Inari shaꞌhuitasoꞌ, aꞌna yaꞌhuërëꞌ piyapinën taꞌainantararin. Canquirahuaton itapon: —¡Oꞌcori pochin inápa quëran pën anotiimarin! Inapoaton yaꞌipi ohuicanënpita tiquitërinquën. Aꞌpainaꞌpiroꞌsantaꞌ, tiquirin. ¡Casáchin chaꞌërahuato shaꞌhuitaꞌhuanquënso marëꞌ, taꞌaintarahuë! itiintarin.

Éxodo 9:23

Huaranën sëꞌquërin quëran chachin Moisësësoꞌ, tanpaquën inápaquë ihuërin. Naporo chachin yaꞌipi Iquipito parti, oꞌcoritarin, huirátarin, ocai anotarin, naporin.

Isaías 1:9

Siniorosoꞌ yaꞌipi nanitapaton, carayanpoa quëparitahuaso marëꞌ aꞌpairinpoaꞌ. Coꞌsoꞌ inaporinhuë naporini, Sotoma, Comora, inapita ninanoroꞌsa pochin, nani taꞌhuanchitërihuahuëꞌ.

Jeremías 20:16

Aꞌnaquën ninanoroꞌsa Siniorori ataꞌhuantomiatërin. Ina ninanoroꞌsa pochin ina quëmapinta niin. Tashiramiachin maꞌsha onpoatona noncaropisoꞌ, nataꞌin. Camotëchinta ahuëtahuachinaꞌ, shaꞌhuitona noncaropisoꞌ, nataantaꞌin.

Jeremías 23:14

Quirosarinquë pënëntonaꞌpiroꞌsa yaꞌhuërinsontaꞌ, napopisoꞌ niꞌnahuë. Paꞌpi co noyahuëꞌ nicatona saꞌina tëhuananpitopi, nonpinpi, napopi. Co noyahuëꞌ nipisopita achinicancanpi niꞌton, co insonta co noyahuëꞌ nininsoꞌ yaaꞌporinhuëꞌ. Ina pënëntonaꞌpiroꞌsaꞌ, yaꞌhuëhuanoꞌsaꞌ, inapitaso sotomaroꞌsaꞌ, comoraroꞌsaꞌ, inapita pochin niꞌnahuë.

Oseas 11:8

Canpitaso israiroꞌsanquëmaꞌ. Noꞌhuípiro mini nipiramahuëꞌ, ¡Co nanitërahuë aꞌpomiataꞌhuanquëmasoꞌ! Atoma, Sipoin, inapita ninanoroꞌsasoꞌ, co noyahuëꞌ nipiso marëꞌ iráca ataꞌhuantërahuë. Inapita pochachin ataꞌhuantaꞌhuanquëmasoꞌ, ¡coꞌchi nanitarahuë paya! ¡Nosorochináchin cancantëranquëmaꞌ!

Amós 4:11

Naquëranchin Sinioro taantarin: “Sotoma, Comora, inapita ninanoroꞌsaꞌ, huëhuëpiro nitato iráca ataꞌhuantërahuë. Inapochachin canpitantaꞌ, naꞌaquëma ataꞌhuantëranquëmaꞌ. Ina quëran chaꞌëramasopitasoꞌ, pënaya pën quëran ocoipiso pochin ninamaꞌ. Inapoápomarahuëꞌ, co tahuërëtëramacohuëꞌ. Ca Sinioroco noꞌtëquën shaꞌhuitaranquëmaꞌ,” tënin.

Lucas 10:12

Ayaroꞌ tahuëri nanihuachin, inapitasoꞌ chiníquën parisitapi, tënahuë. Iráca Sotomaroꞌsasoꞌ paꞌpi co noyahuëꞌ nipi niꞌton, Yosëri chiníquën anaꞌintërin. Co natërinacosopitaso nipirinhuëꞌ, chini chiníquën anaꞌintarin huachi,” itërin.

2 Pedro 2:6

Ina quëran Sotomaquë yaꞌhuëpisopitantaꞌ anaꞌintërin. Co noyahuëꞌ cancantohuachinara, Sotoma, Comora, catoꞌ ninano chachin noyá ahuiquitërin. Yaꞌipiya chiminpi. Ayonquiinpoaso marëꞌ inapita aninshitërin. “Co noyahuëꞌ nipatëhuaꞌ, chiníquën anaꞌintarinpoaꞌ,” tënëhuaꞌ.

Judas 1:7

Iráca Sotomaquë yaꞌhuëpisopitantaꞌ paꞌpi co noyahuëꞌ yonquipi. Monshihuanacaisoáchin cancantopi. Aꞌnaratipita taparoꞌ nipi. Co ina pochin nicacasohuëꞌ nipirinhuëꞌ, napopi. Ina marëꞌ Yosëri chiníquën anaꞌintërin. Pën inápa quëran aꞌpaimarin ahuiquitacaso marëꞌ. Sotoma, Comora, inapita huiquitopi. Yaꞌcariya ninanoroꞌsantaꞌ huiquitopi. Ayonquiinpoaso marëꞌ ninshitërinpoaꞌ. Inapita yonquiatëhuaꞌ, “Aꞌna tahuëri oshahuanoꞌsaꞌ pënquë parisitomiatapi huachi,” tënëhuaꞌ.

Apocalipsis 14:10

Chiníquën noꞌhuitënquëmaꞌ, main huino oꞌshitërëso pochin anaꞌintarinquëmaꞌ. Parisitopiquë aꞌpahuachinquëmaꞌ, pënquë parisitaramaꞌ. Carniroaꞌhua, anquëniroꞌsaꞌ inapita niꞌtërantapaquë noꞌtëquën anaꞌintarinquëmaꞌ.