Génesis 19:22 - Chayahuita (Shahui)

²² Napoaponahuëꞌ, ¡manóton inatohua pacoꞌ! Inatohua canama huarëꞌ Sotoma ninano ataꞌhuantarai huachi. Napoaton ina ninanosoꞌ, Soaro itopi.

Génesis 19:22 ပူးပေါင်းရင်းမြစ်များ

Génesis 13:10

Natanahuaton Notosoꞌ, motopiaꞌhua quëran, Cortaniiꞌ yonsan noyarotomarinso nocorin. Sohuaro ninanoaꞌhuaquë huarëꞌ notërinsoꞌ icanin. Inaquësoꞌ, notohuaroꞌ iꞌ yaꞌhuërin niꞌton, paꞌpi noyaroꞌpaꞌ ninin. Sinioro shaꞌtërinquë pochin niꞌton, Iquipito noꞌpaꞌ pochin ninin. (Ina pochin iráca ina noꞌpaꞌ nipirinhuëꞌ, coꞌhuara Siniorori Sotoma, Comora, inapita ninanoroꞌsa ataꞌhuanchátërasohuëꞌ, naporin.)

Génesis 14:2

Inapitasoꞌ, isopita aꞌnatërápo copirnoroꞌsarëꞌ, niinimicotatona niahuërápi: Pira, Pirsa, Sinapo, Simipiri, inapita itopisoarëꞌ niahuërápi. Pirasoꞌ, Sotoma ninano copirno. Pirsanta Comora ninano copirno. Sinaposo nipirinhuëꞌ, Atoma ninano copirno. Simipirinta Sipoin ninano copirno. Pira ninanoaꞌhua copirnontaꞌ, inapita catahuarin. (Pira ninanoaꞌhuasoꞌ, Soaro itopi antaꞌ.) Inapitarëꞌ, aꞌnatërápo copirnoroꞌsaꞌ, Sitin motopiana itopiquë, sontaronënapita yontonpi ahuëtacaiso marëꞌ. Inaso motopiana, Chimiriiꞌ marë parti quëparitërin.

Génesis 19:21

Napotohuachina aꞌna anquëniri itapon: —Nani natananquën nontërancosoꞌ. Nohuantëranso chachin nisarahuë. Co ina ninanosoꞌ, ataꞌhuantapohuëꞌ.

Génesis 19:23

Nani tahuërihuachina Notosoꞌ, Soaro ninanoquë camarin.

Éxodo 32:10

¡Ama manta tëquësohuëꞌ. Isopita paꞌpi anoꞌhuitërinaco niꞌton, apiramiachin tiquichinaꞌi topirahuë! Inapita tiquirahuato, quëma shiparinpita quëran noya noya nacion ocoiarahuë, itërin.

Marcos 6:5

Co cancanëna quëran huarëꞌ natëpihuëꞌ niꞌton, co nanitërinhuëꞌ aquëtë huarëꞌ Yosë pochin nicacasoꞌ. Caraíchin caniaꞌpiroꞌsaꞌ sëꞌhuarahuaton, anoyatërin.

Deuteronomio 34:3

Niquipi partinta aꞌnotërin. Cortaniiꞌ motopiananta aꞌnotërin. Quirico quëran canonamatë, Soaro ninanoquë huarëꞌ paꞌmarinsonta aꞌnotërin. Quiricosoꞌ, “Palmeraroꞌsa ninanoꞌ,” itopi antaꞌ.

2 Timoteo 2:13

Co noꞌtëquënáchin imapirëhuahuëꞌ, inasoꞌ noꞌtëquën nontërinpoaꞌ niꞌton, noya aꞌpaiarinpoaꞌ. Nani shaꞌhuitërinpoaꞌ niꞌton, co nanitërinhuëꞌ nonpintinpoasoꞌ. Co onporontaꞌ nisha cancantarinhuëꞌ.

Tito 1:2

Quisocristo imapatëhuaꞌ, aꞌna tahuëri inápaquë quëpantarinpoaꞌ. Yaꞌhuërinꞌpaꞌ yaꞌhuëmiatarihuaꞌ. “Ananpitaantarinpoaꞌ,” taꞌtëhuaꞌ, ina ninarëhuaꞌ. Yosë iráca coꞌhuara isoroꞌpaꞌ acoyátërasohuëꞌ, ninotonpoaꞌ yonquirinpoaꞌ. Inasoꞌ co onporontaꞌ nonpintërinpoahuëꞌ.