Génesis 19:16 - Chayahuita (Shahui)

¹⁶ Napotopirinahuëꞌ, Notosoꞌ co manorinhuëꞌ niꞌton, Yosëri nosoroaton, yanichaꞌërin. Napoaton anquëniroꞌsari, saꞌinë chachin maimirarin. Huiꞌninpitanta maimirarahuatonaꞌ, ninano quëran chaꞌëcaiso marëꞌ ocoipi.

Génesis 19:16 ပူးပေါင်းရင်းမြစ်များ

Génesis 19:15

Nani tahuëri yaꞌcari nipachina, anquëniroꞌsari Noto itaponaꞌ: —¡Pashi tëquëꞌ! Saꞌan, cato huiꞌnanpita, inapita masahuaton, iso ninano quëran ocoiquë huachi. Ninano ataꞌhuantëraiquë, chimintamaꞌ.

Génesis 43:10

Iꞌhua chachin napotasënquën aꞌpantërancoi naporini, ¡nani catoro paꞌsahuatoi, huënantaꞌitoihuëꞌ! itërin.

Salmos 103:13

Ina noya nicatëhua natëhuatëhuaꞌ, nosoroarinpoaꞌ. Quëmapi huiꞌnin nosororinso pochin nitarinpoaꞌ.

Salmos 107:1

Siniorosoꞌ nóya. Naporahuaton nosoromiatërinpoaꞌ. Napoaton, “Yosparinquën,” itahuaꞌ.

Salmos 118:1

Siniorosoꞌ nosoromiatërinpoaꞌ. Inasoꞌ nóya niꞌton, “Yosparinquën,” itahuaꞌ.

Salmos 32:10

Inpioroꞌsasoꞌ, naꞌcon parisitaponaꞌ. Sinioro ninarëhuasopitaso nipirinhuëꞌ, canopiaꞌhua soꞌquëtërëso pochin nitatonpoaꞌ, nosoromiatërinpoaꞌ.

Salmos 33:18

Sinioro chinotopisopitaso nipirinhuëꞌ, inari aꞌpaimiatarin. Noya nicatona natëpisopitasoꞌ, inapotarin.

Salmos 33:19

Chimirin quëran nichaꞌëcaso marëꞌ aꞌpaiarin. Tanaro tahuëriꞌsanta nipirinhuëꞌ, aꞌpaiaton catahuararin niꞌton, nanpiapi.

Salmos 34:12

¿Huaꞌqui tahuëri nicatomaꞌ, noya yaꞌhuëcaso nohuantërama ti? Napohuachinsoꞌ, noyasáchin nonacamaso yaꞌhuërin. Ama onporo tëranta nonpinquësohuëꞌ.

Éxodo 34:6

Moisësë naꞌhuëtapon pochin chiníquën nonsarin: —¡Caso Sinioroco! ¡Caso Sinioroco! Caso Yosëco noyápiachin cancantërahuë. Aꞌnaroáchin yanosorotërahuë. Co aꞌnaroáchin noꞌhuitërahuëꞌ. Piyapinëhuëpita nosoromiatërahuë. Noꞌtëquënáchin nonahuë.

Éxodo 34:7

Piyapinëhuëpita nosoroato, huaranca shinpita huënton yaꞌhuëaquë huarëntaꞌ, co nisha cancantarahuëꞌ. Co noyahuëꞌ nipirinahuëꞌ, oshanën inquitato nanan anoyatërahuë. Co natëtochináchinhuëꞌ cancantatona oshahuanpachinarantaꞌ, inapotërahuë. Napoaponahuëꞌ, insosona tëhuëhuachin, onpopionta anaꞌintarahuë. Huiꞌninpita, shinpita, inapitanta anaꞌintarahuë. Shinpita huiꞌninaquë huarënta anaꞌintarahuë, tënin.

Números 14:18

“Caso co aꞌnaroáchin noꞌhuitërahuëꞌ. Piyapinëhuëpita nosoromiatërahuë. Co noyahuëꞌ nipirinahuëꞌ, oshanëna inquitato nanan anoyatërahuë. Co natëtonacohuëꞌ oshahuanpachinantaꞌ, inapotërahuë. Tëhuëhuachinaso napoaponahuëꞌ, onpopionta anaꞌintarahuë. Huiꞌninpita, shinpita, inapitanta anaꞌintarahuë. Shiparina shinpita nicoantarinquë huarënta anaꞌintápo,” tënan.

Lucas 18:13

Aꞌnaso nipirinhuëꞌ co yaꞌcaritërinhuëꞌ. Tapanaton, monshoárin. Oshanën marëꞌ sëtërin. ‘Tata Yosë, casoꞌ oshahuanco. Nosoroatonco, oshanëhuë inquitoco,’ itërin.

Juan 6:44

Co insontaꞌ nanitërinhuëꞌ inaora nohuanton imaincosoꞌ. Tata Yosëri huayoninsopitaráchin imasarinaco. Ayaroꞌ tahuëri inapitasoꞌ ananpitaantararahuë.

Romanos 9:18

Inaora nohuanton, aꞌnaquën nosororin. Aꞌnaquënso nipirinhuëꞌ tananpitërin. Tananpitohuachina, co natantochináchinhuëꞌ cancantopi.

2 Corintios 1:3

—Ma noyacha Tata Yosëso paya. Sinioro Quisocristo paꞌpin inasoꞌ. Naꞌcon nosororinpoaꞌ niꞌton, catahuarinpoaꞌ chiníquën cancantahuasoꞌ. Nani tahuëri inasáchin achinicancaninpoaꞌ.

Deuteronomio 7:8

Napoaton Iquipito quëran ocoirinquëmaꞌ. Inaquë canpitasoꞌ, chiníquën sacatatoma parisitëramaꞌ. Inapoápiramahuëꞌ, Sinioro nosororinquëmaꞌ. Nosoroatënquëma chiníquën nanantaton huaraon quëran nichaꞌërinquëmaꞌ. Naporahuaton shimashonënpoapita shaꞌhuitërinsoꞌ nanicaso marëꞌ napotërinpoaꞌ.

Tito 3:5

Co canpoara noya ninëhuaso marëꞌ nichaꞌërinpoahuëꞌ. Inaora nohuanton, Yosë nosoroatonpoaꞌ, nichaꞌërinpoaꞌ. Amatërëso pochin yaꞌipi oshanënpoaꞌ inquitërinpoaꞌ. Oshanënpoaꞌ inquitatonpoaꞌ, anasitaantarëso pochin nasha cancan quëtërinpoaꞌ. Ispirito Santo nohuanton, ina pochin cancantërëhuaꞌ.

Josué 6:22

Cato nëhuëtonaꞌpiroꞌsa iꞌhua aꞌparinsopita, Cosoiri itantapon: “Monshihuantë sanapi pëinënquë paꞌsahuatomaꞌ, ocoicontacoꞌ. Yaꞌipi quëmopinënpitarë chachin ocoicoꞌ. Yoscoarëꞌ taꞌtoma shaꞌhuitëramaso chachin nitoncoꞌ,” itërin.

2 Pedro 2:7

Sotomaquë yaꞌhuëpisopita paꞌpi co noyahuëꞌ cancantopi. Monshihuanacaisoáchin yonquipi. Aꞌnaratipita co noyahuëꞌ nipi. Inaquë aꞌna quëmapiíchin noya ninin, Loto itopisoꞌ. Nani tahuëri, nani tahuëri co noyahuëꞌ nipiso nicaton, sëtërin. Taparoꞌ nonpachinara, co noya nataninhuëꞌ. Sëtacasoáchin cancantërin. Sacaiꞌ niponahuëꞌ, inaora Yosë yonquirin. Ina marëꞌ Yosëri nichaꞌërin.

2 Pedro 2:9

Inapochachin ipora Quisocristo imapatëhuaꞌ, Yosë nanitërin catahuainpoasoꞌ. Sopai yaminsëpirinpoahuëntaꞌ, Yosë catahuarinpoaꞌ chaꞌëcaso marëꞌ. Oshahuanoꞌsaso nipirinhuëꞌ anaꞌintarin. Nani yonquirin chiníquën anaꞌintacasoꞌ. Ayaroꞌ tahuëri nanihuachin, noꞌtëquën anaꞌintaton, parisitopiquë aꞌpararin.