Génesis 19:15 - Chayahuita (Shahui)

¹⁵ Nani tahuëri yaꞌcari nipachina, anquëniroꞌsari Noto itaponaꞌ: —¡Pashi tëquëꞌ! Saꞌan, cato huiꞌnanpita, inapita masahuaton, iso ninano quëran ocoiquë huachi. Ninano ataꞌhuantëraiquë, chimintamaꞌ.

Génesis 19:15 ပူးပေါင်းရင်းမြစ်များ

Génesis 19:14

Napotohuachinara, Notoso miꞌsënpita nicacaiso nipisopita shaꞌhuitacaso marëꞌ paꞌnin: —¡Manóton huëco paꞌahuaꞌ! Iso ninano quëran pipiaꞌahuaꞌ. ¡Siniorori iso ninano ataꞌhuantarin niꞌton, huëco paꞌahuaꞌ! itërin. Itopirinhuëꞌ, co natëpihuëꞌ.

Génesis 19:16

Napotopirinahuëꞌ, Notosoꞌ co manorinhuëꞌ niꞌton, Yosëri nosoroaton, yanichaꞌërin. Napoaton anquëniroꞌsari, saꞌinë chachin maimirarin. Huiꞌninpitanta maimirarahuatonaꞌ, ninano quëran chaꞌëcaiso marëꞌ ocoipi.

Génesis 19:17

Ninano quëran nani pipihuachinara, aꞌna anquëniri itapon: —¡Chaꞌëcamaso marëꞌ manóton taꞌacoꞌ! Ama pinëma parti tahuërëcosohuëꞌ. Paꞌmia pacoꞌ. Ama maꞌsha marëꞌ tëranta iso motopianaquë chinicosohuëꞌ. Chaꞌëcaso nohuantohuatamaꞌ, motopiroꞌsa parti taꞌacoꞌ, itërin.

Génesis 19:22

Napoaponahuëꞌ, ¡manóton inatohua pacoꞌ! Inatohua canama huarëꞌ Sotoma ninano ataꞌhuantarai huachi. Napoaton ina ninanosoꞌ, Soaro itopi.

2 Corintios 6:2

Iráca quiricanën quëran Yosë naporin: “Ipora chachin yacatahuaranquëmaꞌ. Nontohuatamaco, natanaranquëmaꞌ. Yanichaꞌëranquëmaꞌ niꞌton, catahuaranquëmaꞌ chaꞌëcamaso marëꞌ,” tënin. Ipora tahuëri chachin yacatahuarinpoaꞌ. Nontohuatëhuaꞌ, anoyacancantarinpoaꞌ, tënahuë.

Apocalipsis 18:4

Ina topachina, inápa quëran aꞌnari itërin: —Yaꞌipi imaramasopita pënënaranquëmaꞌ, natanco. Niꞌcona papironiaroꞌsaꞌ anishacancantochinënquëmaꞌ. Ina quëran pipiramaso pochin nicatomaꞌ, ama inapita pochin cancantocosohuëꞌ. Co noyahuëꞌ nipatamaꞌ, Yosë anaꞌintarinquëmaꞌ canpitantaꞌ.