Génesis 19:12 - Chayahuita (Shahui)

¹² Naporoꞌ niꞌtoroꞌsari, Noto itaponaꞌ: —¿Yaꞌhuëtërinquën aquëtë huarëꞌ quëmopiroꞌsa isëquë? Huiꞌnanpita quëmapiꞌsaꞌ, sanapiꞌsaꞌ, miꞌsëroꞌsa nicacaiso nipisopita yaꞌipi inapita, iso ninano quëran ocoiquëꞌ. Ocoiaton áquë quëpaquëꞌ.

Génesis 19:12 ပူးပေါင်းရင်းမြစ်များ

Génesis 19:11

Naporo chachin piyapiroꞌsa aipiran nisapisopita, aꞌnaroáchin asomarayapi huachi. Huiꞌnapiroꞌsa quëran, mashoroꞌsaquë huarëꞌ yaꞌipi somarayapi. Ina nipirinahuë tërantaꞌ, amiai huarëꞌ yaꞌcoana yonípi.

Génesis 19:13

Iso roꞌtë ataꞌhuantarai niꞌton, quëpaquëꞌ. Iso ninanoquë paꞌpi co noyahuëꞌ nipisoꞌ, naꞌa piyapiꞌsari Sinioroquë shaꞌhuirapipi. Napoaton, ataꞌhuantaꞌhuaiso marëꞌ aꞌparincoi, itopi.

Génesis 19:14

Napotohuachinara, Notoso miꞌsënpita nicacaiso nipisopita shaꞌhuitacaso marëꞌ paꞌnin: —¡Manóton huëco paꞌahuaꞌ! Iso ninano quëran pipiaꞌahuaꞌ. ¡Siniorori iso ninano ataꞌhuantarin niꞌton, huëco paꞌahuaꞌ! itërin. Itopirinhuëꞌ, co natëpihuëꞌ.

Génesis 19:17

Ninano quëran nani pipihuachinara, aꞌna anquëniri itapon: —¡Chaꞌëcamaso marëꞌ manóton taꞌacoꞌ! Ama pinëma parti tahuërëcosohuëꞌ. Paꞌmia pacoꞌ. Ama maꞌsha marëꞌ tëranta iso motopianaquë chinicosohuëꞌ. Chaꞌëcaso nohuantohuatamaꞌ, motopiroꞌsa parti taꞌacoꞌ, itërin.

Génesis 19:22

Napoaponahuëꞌ, ¡manóton inatohua pacoꞌ! Inatohua canama huarëꞌ Sotoma ninano ataꞌhuantarai huachi. Napoaton ina ninanosoꞌ, Soaro itopi.

Génesis 7:1

Ina quëran Siniorori Noi itapon: “Yaꞌipi ipora yaꞌhuëpisopita aꞌporinaco. Quëmasáchin nohuantërahuëso ninan. Napoaton iporasoꞌ, saꞌanëꞌquën chachin nanchaquë yaꞌconquë huachi. Huiꞌnanpitantaꞌ, saꞌinarë chachin yaꞌcoinaꞌ.

2 Pedro 2:7

Sotomaquë yaꞌhuëpisopita paꞌpi co noyahuëꞌ cancantopi. Monshihuanacaisoáchin yonquipi. Aꞌnaratipita co noyahuëꞌ nipi. Inaquë aꞌna quëmapiíchin noya ninin, Loto itopisoꞌ. Nani tahuëri, nani tahuëri co noyahuëꞌ nipiso nicaton, sëtërin. Taparoꞌ nonpachinara, co noya nataninhuëꞌ. Sëtacasoáchin cancantërin. Sacaiꞌ niponahuëꞌ, inaora Yosë yonquirin. Ina marëꞌ Yosëri nichaꞌërin.

2 Pedro 2:9

Inapochachin ipora Quisocristo imapatëhuaꞌ, Yosë nanitërin catahuainpoasoꞌ. Sopai yaminsëpirinpoahuëntaꞌ, Yosë catahuarinpoaꞌ chaꞌëcaso marëꞌ. Oshahuanoꞌsaso nipirinhuëꞌ anaꞌintarin. Nani yonquirin chiníquën anaꞌintacasoꞌ. Ayaroꞌ tahuëri nanihuachin, noꞌtëquën anaꞌintaton, parisitopiquë aꞌpararin.

Apocalipsis 18:4

Ina topachina, inápa quëran aꞌnari itërin: —Yaꞌipi imaramasopita pënënaranquëmaꞌ, natanco. Niꞌcona papironiaroꞌsaꞌ anishacancantochinënquëmaꞌ. Ina quëran pipiramaso pochin nicatomaꞌ, ama inapita pochin cancantocosohuëꞌ. Co noyahuëꞌ nipatamaꞌ, Yosë anaꞌintarinquëmaꞌ canpitantaꞌ.