Génesis 19:1 - Chayahuita (Shahui)

¹ Nani yatashirahuasoꞌ, cato anquëniroꞌsaso Sotoma ninanoquë camapi. Ninano yaꞌcoanaquë chachin Noto huënsasoꞌ, camapi. (Inaquë yaꞌhuëhuanoꞌsa niyontonpi maꞌsha yonquiatona anoyatacaiso marëꞌ.) Cato yaꞌpi canquipiso quënanahuaton, paaparin nontapon. Isonin quëran noꞌpaquë huarëꞌ monshorin.

Génesis 19:1 ပူးပေါင်းရင်းမြစ်များ

Génesis 11:27

Shaꞌhuitëranquëmaso chachin Tari huiꞌninpitasoꞌ, isopita: Apran, Nacoro, Aran, inapita. Aran huiꞌninsoꞌ, Noto itopi. Aransoꞌ, Orë ninanoquë chiminin. Ina ninanosoꞌ, Cartia parti yaꞌhuërin. Coꞌhuara paꞌpin chiminyátërasohuëꞌ, chiminin. Huaꞌhuatërinso ninanoquë chachin naporin.

Génesis 13:12

Apransoꞌ, Canaan parti quëparitërin. Notosoꞌ, Cortaniiꞌ yonsan ninanoroꞌsa parti yaꞌhuëconin. Sotoma yaꞌcariya yaꞌhuëconin.

Génesis 18:16

Nani coshatohuachinara, paantacaiso marëꞌ niꞌtoroꞌsasoꞌ huanipi huachi. Sotoma ninanotaquëchin paꞌsahuachinara, Apraani chiꞌyarin. Nontaton patacaso marëꞌ chiꞌyarin.

Génesis 18:22

Cato yaꞌpiso quëchitahuatonaꞌ, Sotoma ninanoquë paꞌpi. Apraanso nipirinhuëꞌ, Siniororëꞌ ninontacaso marëꞌ quëparitërin.

Génesis 19:10

Napoaponahuëꞌ, niꞌtoroꞌsari Noto mapi. Masahuatonaꞌ, acoana poꞌmopi. Napotatonaꞌ, yaꞌcoana oncotaantapi.

Génesis 19:2

Monshorin quëran itapon: —Caso siniororoꞌsa piyapinëma pochinco. Huëco pëinëhuëquë onpopionta huëꞌëcamaso nohuantocoꞌ. Inaquë nanitërama nipaꞌmorantëcamasoꞌ. Tashiraya yapaꞌpatama paantacoꞌ, itërin. Napotopirinhuëꞌ, inapitaso co nohuantopihuëꞌ. —Naporinchi paya. Napopiranhuëꞌ co nohuantëraihuëꞌ. Caniquë tëranta noya huëꞌëpoi, itopi.

Génesis 23:12

Napotopirinhuëꞌ, Apraanso yaꞌhuëhuanoꞌsa inachintopiso nitotaton, anoyatarin. Naquëranchin yaꞌhuëhuanoꞌsa niꞌtonënquë mónsho taantarin.

Génesis 48:12

Paꞌpin toꞌtopitënquë huiꞌninpita huënsëápirinahuëꞌ, Cosiri ahuanirin. Ahuanirahuaton, paꞌpin notënanquë isonin. Isonin quëran noꞌpaquë huarëꞌ monshorin. Noya nicaton napotërin.

Copo naporinso' 31:32

Nisharoꞌsantaꞌ, pëinëhuëquë huëꞌëcaiso marëꞌ përarahuë. Co cachiquë huëꞌëcaiso nohuantërahuëꞌ.

Salmos 69:12

Naní quëran chinotárinaco. Ninano yaꞌcoanaroꞌsaquë huënsëpisopitantaꞌ, pinorinaco. Noꞌpirahuëroꞌsa quëran huarëꞌ, cantahuachinara aꞌpiantërinaco.

Lucas 17:28

Notontaꞌ iráca Sotomaquë yaꞌhuëpirinhuëꞌ. Inaquë aꞌnapitasoꞌ topinan yaꞌhuatonaꞌ, coshatápi, oꞌosápi, nipaꞌantápi, maꞌsha shaꞌsapi, pëiapi.

Hebreos 13:2

Co nohuitapomarahuëꞌ, nosorocoꞌ. Huëꞌpachina, noya nontatomaꞌ, oꞌshitocoꞌ, aꞌcacoꞌ. Iráca aꞌnaquën napopisoꞌ yonquicoꞌ. Niꞌtoroꞌsaꞌ huëꞌpachinara, “Huëcoꞌ niꞌquicoi,” itërin. Piyapitaꞌmaꞌ topirinhuëꞌ, Yosë anquëninën chachin aꞌcarin. Inapochachin canpoantaꞌ niꞌtoroꞌsaꞌ noya nontahuaꞌ.

Rota naporinso' 4:1

Ina quëran Poososo paꞌsahuaton, ninano yaꞌcoanaquë huënsëconin. Inaquë piyapiꞌsa yániyontonpi niꞌton, huënsëconin. Naporo chachin Poosori Rota shaꞌhuitaton: “Inaso soꞌyanco marëꞌ yaꞌcariꞌ quëmopi,” itërinsoꞌ quëmapi naꞌhuëarin. Quënanahuaton përarin: —Iyasha. Huëquë huënsëriaquëꞌ, itërin. Napotohuachina, inaso huënsëconin.