Génesis 18:8 - Chayahuita (Shahui)

⁸ Ina aꞌcapon pochin, ohuaca shoꞌshoiꞌ atachirotopisontaꞌ, acotërin. Naporahuaton ohuaca shoꞌshoiꞌ oꞌshitërin. Inapoaton, aꞌcapon pochin ninararin pahuantohuachina acotacaso marëꞌ. Niꞌtoroꞌsa nara tashinantërinquë coshatasoi naporin.

Génesis 18:8 ပူးပေါင်းရင်းမြစ်များ

Génesis 18:7

Saꞌin shaꞌhuitahuaton, taꞌarëꞌnachin ohuacaroꞌsa yaꞌhuarinquë paꞌnin. Noya noya nininsoꞌ toroaꞌhua huayonin. Huayonahuaton, aꞌnara piyapinën quëtërin. Quëtohuachina, inasoꞌ tëparahuaton aꞌnaroáchin capacaiso marëꞌ anpirin.

Génesis 18:9

Nani coshatohuachinara, niꞌtoroꞌsari Apraan natanpi: —¿Saꞌanpo huachi? itopi. —Maꞌtana nëꞌmëtë pëi acoana yaꞌhuëarin, itërin.

Génesis 19:3

Napotopirinahuëꞌ, Notori naquëranchin naquëranchin shaꞌhuitohuachina, napoin quëran pëinënquë paꞌpi huachi. Canconpachinara, noya cosharo nitërin. Pan co ahuëpocatopinanhuëꞌ anpitaton, inapitarëꞌ acotohuachina, niꞌtoroꞌsa coshatopi huachi.

Isaías 7:15

Inasoꞌ huaꞌhuatapon, ohuaca shoꞌshoiꞌ atachirotopiso capon. Ninoiꞌ iroapon, napoapon.

Lucas 12:37

Piyapinënpita ninarapi quënanquintahuachina, huaꞌanëni nóya niꞌsarin. Inari chachin nitaparahuaton, cosharoꞌ acotarin piyapinënpita capacaiso marëꞌ.

Lucas 17:8

Co naporinhuëꞌ. Patronꞌton yacoshatërin. Napoaton piyapinën shaꞌhuitërin. ‘Cosharoꞌ niquëꞌ. Ina quëran nitaparahuaton, oꞌhuintoco caꞌi. Nani coshatohuato, oꞌshitoco,’ itërin. Nani coshatohuachina, naporo huarëꞌ piyapinënsoꞌ coshatërin.

Lucas 24:30

Yacoshatohuachinaꞌ, Quisosori pan manin. “Yosparinquën,” Yosë itahuaton, sëꞌpanin. Sëꞌpanahuaton, quëtërin.

Lucas 24:43

Masahuaton, inapitari nicasoiꞌ, caꞌnin.

Juan 12:2

Inaquë canconpatëira, yaꞌhuëhuanoꞌsaꞌ amatërinacoi caꞌpataꞌhuaiso marëꞌ. Quisoso nosoroatonaꞌ, napopi. Martasoꞌ cosharoꞌ oꞌhuinarin. Nasarontaꞌ inaquë coshatarin.

Hechos 10:41

Co yaꞌipi piyapiꞌsari niꞌpihuëꞌ. Yosë nohuanton, quiyarisoꞌ niꞌnai aꞌnapita shaꞌhuitaꞌhuaiso marëꞌ. Nani nanpiantahuachina, quiyarëꞌ coshatërin, oꞌorin. Quisocristo tëhuënchachin nanpiantarin, tënai.

Gálatas 5:13

Ina pochin, iyaroꞌsaꞌ, nontaranquëmaꞌ. Canpitasoꞌ Quisocristo nohuantërinquëmaꞌ. Nichaꞌërinquëmaꞌ ama huachi tëꞌhuarëꞌquëmaꞌ yaꞌhuëcamaso marëhuëꞌ. Co huachi yaꞌipi iráca pënëntërinsoꞌ imacasoꞌ yaꞌhuëpirinhuëꞌ, co Yosë nohuantërinhuëꞌ oshahuanacamasoꞌ. Quisocristo imapatamaꞌ, co noyahuëꞌ yonquiramasoꞌ naniantacasoꞌ yaꞌhuërin. Ninosoroatomaꞌ, nicatahuacoꞌ noya cancantacamaso marëꞌ. Aꞌnapita naꞌcon naꞌcon yonquicoꞌ.

Deuteronomio 32:14

Pëꞌtahuanënpoa quëraontaꞌ, shoꞌshoiꞌ ocoirëhuaꞌ. Ocoiatëhua atachirotërëhuaꞌ. Noya noya carniroaꞌhuaroꞌsa caꞌnëhuaꞌ. Carniroroꞌsaꞌ, chipo mashoroꞌsaꞌ, inapita Pasan parti yaꞌhuërinsoꞌ, caꞌnëhuaꞌ. Noya noya trico nininsoꞌ caꞌnëhuaꞌ. Noya noya opa quëran huino nipisoꞌ, oꞌorëhuaꞌ.

Apocalipsis 3:20

Cancanëmaquë yayaꞌcoancantëranquëmaꞌ. Ina marëꞌ nontaranquëmaꞌ. Yaꞌcoana piꞌnirëso pochin ninaranquëmaꞌ. Natanahuatamaco: ‘Yaꞌcoancantoco,’ itohuatamaco, yaꞌcoancantaranquëmaꞌ. Niichicoshatërëso pochin nóya ninohuitarihuaꞌ.

Jueces 13:15

Manoasoꞌ, quëmapi yaꞌnorinso co nohuitërinhuëꞌ: “Isoso Sinioro anquëninën,” co taꞌtonhuëꞌ, itapon: —Ama pataquësohuëꞌ. Chipoaꞌhua tëparahuato anpiriꞌi caꞌa topirahuë, itërin. —Quëparitopirahuë tëranta co quëma cosharonën caꞌpaitënquënhuëꞌ. Napoaponahuëꞌ, chipoaꞌhua tëpahuatan nanitëran Sinioro marëꞌ yaꞌipi ahuiquitacasoꞌ, itërin anquëniri.

Jueces 5:25

Iꞌshaíchin Sisararisoꞌ natanin. Inariso nipirinhuëꞌ, ohuaca shoꞌshoiꞌ quëtërin. Toma tomaiton, noya tasonquë chachin quëtërin.