Génesis 18:5 - Chayahuita (Shahui)

⁵ Yaꞌhuërahuëtaquëchin naꞌhuëarama niꞌquëhuarëꞌ, maꞌsha tëranta capamaso quëshiinquëmaꞌ. Ina quëran chiníquën cancantatomaꞌ, paantamaso marëꞌ, itërin. —Naporan niꞌquëhuarëꞌ, inta nipachin, itopi.

Génesis 18:5 ပူးပေါင်းရင်းမြစ်များ

Génesis 18:6

Napotohuachinara, Apraanso nëꞌmëtë pëinënquë yaꞌconahuaton, Sara itapon: —Manorahuaton, cato shonca quiro pochin, noya noya tricoroꞌmo nininsoꞌ maquëꞌ. Ina masahuaton, pan niquëꞌ, itërin.

Génesis 19:8

Cato huiꞌnahuëpita nanoꞌsa co quëmapiri sëꞌhuayátërarinsohuëꞌ, yaꞌhuëtërinco. Inapita nipachin ocoichinquëmaꞌ, nohuantëramasoꞌ nitocoꞌ. Isopita quëmapiꞌsaso nipirinhuëꞌ, ama napotocosohuëꞌ. Cari përarahuë pëinëhuëquë yaꞌconquipi niꞌton, napotaranquëmaꞌ, itërin.

Génesis 33:10

Itopirinhuëꞌ, Cacoposoꞌ taantarin: —Ama iya masho napoquësohuëꞌ. Tëhuënchachin noya ninicatë yaꞌhuantacaso nohuantohuatan, onpopionta maquë taꞌa. Quëmaora chachin noya nontaantarancosoꞌ nicato, Yosë chachin napotërincoso pochin cancantërahuë.

1 Reyes 17:11

Inasoꞌ, iꞌsha matapon paꞌsapirinhuëꞌ, naquëranchin përantarin. Huëantahuachina itapon: —Yosë marëꞌ paonta quëshico topirahuë, itaantarin.

Salmos 104:15

Oꞌotona noya ancantacaiso marëꞌ huinonta yaꞌhuëtopi. Yaꞌpirina tapacaiso marëꞌ tomanta yaꞌhuëtopi. Capatona chinicaiso marëꞌ paonta yaꞌhuëtopi.

Mateo 6:11

Nani tahuëri catahuacoi cosharoꞌ yaꞌhuëchincoi.

Jueces 13:15

Manoasoꞌ, quëmapi yaꞌnorinso co nohuitërinhuëꞌ: “Isoso Sinioro anquëninën,” co taꞌtonhuëꞌ, itapon: —Ama pataquësohuëꞌ. Chipoaꞌhua tëparahuato anpiriꞌi caꞌa topirahuë, itërin. —Quëparitopirahuë tëranta co quëma cosharonën caꞌpaitënquënhuëꞌ. Napoaponahuëꞌ, chipoaꞌhua tëpahuatan nanitëran Sinioro marëꞌ yaꞌipi ahuiquitacasoꞌ, itërin anquëniri.

Jueces 6:19

Quitionosoꞌ paꞌsahuaton aꞌnara chipoaꞌhua tëparin. Tëparahuaton poꞌmorin. Ina poꞌmorahuaton cato shonca quiro pochin tricoroꞌmo manin. Ina quëraontaꞌ, pan co ahuëcatopinanhuëꞌ anpirin. Chipoaꞌhua noshinën anpirinsosoꞌ, aꞌna iꞌmëquë poꞌmorin. Noꞌhuiquënsoꞌ, huëꞌëtaquëranchin acorin. Yaꞌipi inapita insina narataquë quëparin.