Génesis 18:30 - Chayahuita (Shahui)

³⁰ Apraaniso nipirinhuëꞌ, naquëranchin Yosë nontaantarin: —Inachin inachin nontápiranquënhuëꞌ, ama ina marëꞌ noꞌhuicosohuëꞌ topirahuë. Tapona cara shoncaraꞌ yaꞌhuëpi, itërin. —Cara shoncaya tëranta yaꞌhuëhuachinaꞌ, co ataꞌhuantarahuëꞌ, itërin.

Génesis 18:30 ပူးပေါင်းရင်းမြစ်များ

Génesis 18:29

—Tapona catapini shoncaraꞌ, co tëhuëpisopitahuëꞌ yaꞌhuëpi, taantarin Apraan. —Ina napoya tëranta yaꞌhuëhuachinasoꞌ, co ataꞌhuantarahuëꞌ, tënin Yosë.

Génesis 18:31

—Tëhuënchachin caso Sinioro co natantonhuë pochin nontáranquën. Cato shoncaraꞌ, co tëhuëpisopitahuëꞌ yaꞌhuëhuachinaꞌ: ¿Onpoarantaꞌ? itaantarin. —Cato shoncanta co tëhuëpisopitahuëꞌ yaꞌhuëhuachinaꞌ, co ninano ataꞌhuantarahuëꞌ, itërin Yosëri.

Génesis 44:18

Cosi napohuachina, Cotari amasha yaꞌcarirahuaton, itapon: —Piꞌpiyan sinioro nonchinquën topirahuë. Yonquirahuëso noꞌtëquën shaꞌhuichinquën. Quëmasoꞌ huaraon pochachin chiníquën nanantëran. Napoaton ama noꞌhuitonco anaꞌintaancoso marëhuëꞌ napotaranquën.

Salmos 89:7

Quëmasoꞌ chini chiníquën nanantëran. Paꞌpi tëꞌhuatoro yaꞌnoran. Anquëninënpita tancapitërinën.

Isaías 6:5

Ina yonquiato: “¡Maꞌhuantacha caso nicato chiminarahuë paya! ¡Caso co noyahuëꞌ cancantato naponi nonahuë! ¡Aꞌnapitanta ca pochachin cancantopi nipirinhuëꞌ, inapitarëꞌco yaꞌhuërahuë! ¡Napoaporahuëꞌ, Sinioro yaꞌipi nanitapaton yaꞌipi huaꞌanëntërinso quënanahuë!” tënahuë.

Jueces 6:39

Ina niponahuëꞌ, Quitionoso Sinioro nontaantarin: “Naquëranchin yanatëantaranquën niꞌton, ama noꞌhuicosohuëꞌ. Iporaíchin ohuica anporo quëran yatëniantarahuë. Iporasoꞌ, ohuica anporo yaꞌsaꞌin. Inainpichin noꞌpaso nipirinhuëꞌ, poroncayori shipichin,” itërin.