Génesis 18:26 - Chayahuita (Shahui)

²⁶ Napotohuachina, Siniorori itapon: —Aꞌnatërápo shonca co tëhuëpisopitahuëꞌ, Sotoma ninanoquë yaꞌhuëhuachin, inapita nosoroato yaꞌipi ina ninanoquë yaꞌhuëpisopita nichaꞌësarahuë, itërin.

Génesis 18:26 ပူးပေါင်းရင်းမြစ်များ

Génesis 18:17

Papon pochin, Siniorosoꞌ yonquiraarin. “Apraan quëran aꞌna tahuëri panca nacion pipiarin. Naporahuaton ina nacionsoꞌ, chiníquën nanantarin. Napoaton maꞌsona yaninahuësoꞌ, shaꞌhuitaꞌhuaso yaꞌhuërin. Nani shaꞌhuitërahuë yaꞌipi nacionoꞌsa isoroꞌpaquë yaꞌhuërinsopita, ina quëran catahuaꞌhuaso marëꞌ.

Isaías 6:13

Pasayaꞌpi quëran shonca tëranta quëparitohuachina, inapitanta taꞌhuantaponaꞌ. Napoaponahuëꞌ, aꞌnaquën nara aꞌnëhuatëra papotaantarinso pochin, Sinioro marëꞌ nipisopitasoꞌ, yaꞌhuëantaponaꞌ,” itërinco.

Mateo 24:22

Yosë nohuanton, co huaꞌquiꞌ aparisitapihuëꞌ. Huaꞌquiꞌ aparisitapi naporini, yaꞌipi piyapiꞌsaꞌ taquiꞌitonahuëꞌ. Nipirinhuëꞌ, piyapinënpita nosoroaton, co nohuantërinhuëꞌ huaꞌquiꞌ aparisitacaisoꞌ. Huayoninsopita nichaꞌësarin huachi.