Génesis 18:25 - Chayahuita (Shahui)

²⁵ ¡Ama Sinioro napoquësohuëꞌ! ¡Tëhuëpisopita, co tëhuëpisopitahuëꞌ co napopináchin oshahuanpiso pochin anaꞌintamaso yaꞌhuërinhuëꞌ! ¡Ama napoquësohuëꞌ! ¡Quëmasoꞌ, noya noya coisë yaꞌipi isoroꞌpaꞌ marëꞌ ninan niꞌton, noꞌtëquënáchin anaꞌintamaso yaꞌhuërin! itërin.

Génesis 18:25 ပူးပေါင်းရင်းမြစ်များ

Génesis 18:24

Tapona aꞌnatërápo shonca yaꞌpiꞌ, co tëhuëpisopitasohuëꞌ ninanoquë yaꞌhuëpi. Ina nápo yaꞌhuëpiso yonquiaton: ¿Co ninano nichaꞌësaranhuëꞌ?

Nehemías 9:33

Co quëma tëhuëran quëran parisitëraihuëꞌ. Quiyaora tëhuënëhuëiquë parisitarai. Shaꞌhuitërancoiso chachin co noyahuëꞌ ninaiso marëꞌ noꞌtëquën anaꞌintërancoi.

Eclesiastés 3:17

Napoaponahuëꞌ, isoroꞌpaquëso maꞌsha nicacaiso tahuërinën yaꞌhuëtëraꞌpiarin. Ina yonquiato co huachi aquëtë sëtërahuëꞌ. Noya nipisopita, co noyahuëꞌ nipisopita, tahuërinën nanihuachin, Yosëri coisë pochin nicaton maꞌsona onpotacasoꞌ, noꞌtëquën shaꞌhuitapon.

Ezequiel 18:25

Napohuatora canpitasoꞌ: ‘Siniorosoꞌ, co noyahuëꞌ nisarin,’ tëcapoma aꞌna nimara. Napopiramahuëꞌ, ¡canpita mini tëhuënchinsoꞌ co noꞌtëquën yonquiatomahuëꞌ, co noyahuëꞌ nisaramaꞌ!

Malaquías 3:18

Noya nipisopitasoꞌ, noya nicato nichaꞌësarahuë. Co noyahuëꞌ nipisopitasoꞌ, noꞌtëquën anaꞌintarahuë. Ina nicatoma canpitasoꞌ: ‘Yosësoꞌ, co napopináchin piyapinpoa niꞌninpoahuëꞌ. Ina chinotohuatëhuaꞌ, noya acoarinpoaꞌ. Coꞌsoꞌ chinotohuatëhuahuëꞌ, noꞌtëquën anaꞌintarinpoaꞌ,’ tosarama huachi,” tënin.

2 Corintios 5:10

Aꞌna tahuëri Quisocristo oꞌmantahuachin, yaꞌipinpoaꞌ coisë pochin shaꞌhuitarinpoaꞌ. Yaꞌipi ninëhuasopita yonquiaton, aꞌnaya aꞌnayanpoaꞌ noꞌtëquën nontarinpoaꞌ. Co noya nipatëhuahuëꞌ, co Yosëꞌpaꞌ acanaarinpoahuëꞌ. Noya nipatëhuaꞌ, acanaarinpoa huachi.

Deuteronomio 32:4

Inasoꞌ, nóya paꞌpoyarinpoaꞌ. Maꞌsha nipachina, co tëhuërinhuëꞌ. Noꞌtëquënáchin nicaton nóya ninin. Inasoꞌ Yosë, noꞌtëquënáchin nonin. Topinansoꞌ co onporonta piyapi maꞌsha onpotërinhuëꞌ. Noꞌtëquënáchin ninin. Inaíchin Yosësoꞌ.

Hebreos 12:23

Huëntonënquë chachin Yosë nani ayaꞌconinpoaꞌ. Inápaquë nininënpoaꞌ nani ninshitërinpoaꞌ huiꞌninpita pochin nicainpoaso marëꞌ. Inatohuaꞌ niyontonarihuaꞌ. Yosë chachin imarëhuaꞌ. Inasoꞌ yaꞌipiya huaꞌanëntaton, co imapisopitahuëꞌ noꞌtëquën anaꞌintarin. Aꞌnaquën imapisopita nani chiminpachinara, huaꞌyanënasoꞌ Yosëꞌpaꞌ yaꞌhuapi huachi. Yosë pochachin cancantopi. Inapitarëꞌquënpoa chachin niyontonarihuaꞌ